ഉപ്പും മുളകിലേക്ക് ലച്ചു തിരിച്ചെത്തിയാല്‍ ഇങ്ങനെയാവും, പാറമട വീട്ടിലെ സന്തോഷം, പോസ്റ്റ് വൈറല്‍

ലച്ചുവിന്റെ വിശേഷങ്ങള്‍

വിവാഹത്തോടെയായിരുന്നു ലച്ചു ഉപ്പും മുളകില്‍ നിന്നും അപ്രത്യക്ഷയായത്. വിവാഹ ശേഷവും ഉപ്പും മുളകില്‍ തുടരുമെന്നും, ലച്ചുവിന്‍റെയാണ് വിവാഹമെന്നും ജൂഹിയുടേത് അല്ലെന്നും അഭിനയരംഗത്ത് തുടരുമെന്നുമൊക്കെയായിരുന്നു ആദ്യം പറഞ്ഞത്. കല്യാണത്തിന് ശേഷം ലച്ചു പാറമട വീട്ടിലേക്ക് തിരികെ വന്നാൽ എങ്ങനെ ഉണ്ടാകും? എന്റെ ഭാവനയിൽ വിരിഞ്ഞ ഒരു ആശയം പഴയ എപ്പിസോഡിലെ രംഗങ്ങൾ ഉപയോഗിച്ച് ചിത്രകഥാ രീതിയിൽ എഡിറ്റ് ചെയ്തപ്പോള്‍ എന്നായിരുന്നു സുനില്‍കുമാര്‍ സികെ കുറിച്ചത്.

സിദ്ധു വന്നില്ലേ

കാലങ്ങള്‍ക്ക് ശേഷം ലച്ചു വീട്ടിലെത്തിയതോടെ എല്ലാവരും സന്തോഷത്തിലാണ്. ലച്ചുവിന്റെ വരവ് ശരിക്കും ആഘോഷിക്കുകയാണ്. അതിനിടയിലാണ് ബാലു വരവിന് പിന്നിലെ ഉദ്ദേശത്തെക്കുറിച്ച് ചര്‍ച്ച ചെയ്തത്. സ്വത്ത് ചോദിക്കാനുള്ള വരവാണോയെന്നായിരുന്നു ബാലു ചോദിച്ചത്. ബാലുവിനോട് ചുമ്മാതിരിക്കാനായി പറയുകയായിരുന്നു നീലു. സിദ്ധു വന്നില്ലേയെന്ന് ചോദിച്ചപ്പോള്‍ ചേട്ടന് ലീവില്ലെന്നായിരുന്നു ലച്ചുവിന്റെ മറുപടി.

മിസ്സ് ചെയ്യുന്നുണ്ട്

വിവാഹ ശേഷം എല്ലാവരേയും തനിക്ക് മിസ്സ് ചെയ്യുന്നുണ്ടെന്നായിരുന്നു ലച്ചു പറഞ്ഞത്. ഞങ്ങള്‍ക്കും നിന്നെ മിസ്സ് ചെയ്യുന്നുണ്ടെന്നായിരുന്നു നീലു പറഞ്ഞത്. കളിയാക്കിയതല്ലെന്നും എല്ലാവര്‍ക്കും മിസ്സ് ചെയ്യുന്നുണ്ടെന്നുമായിരുന്നു ബാലുവും സംഘവും പറഞ്ഞത്. കെട്ടിച്ച് വിട്ടതോടെ ആരും തന്നെ തിരിഞ്ഞുനോക്കിയില്ലെന്നും നൈസായിട്ട് ഒഴിവാക്കിയതെന്നുമായിരുന്നു ലച്ചു പറഞ്ഞത്. താന്‍ നിത്യേന വാട്‌സാപില്‍ മെസ്സേജ് ചെയ്യാറില്ലേയെന്നായിരുന്നു മുടിയന്റെ ചോദ്യം.

Recommended Video

Lachu Uppum Mulakum Exclusive Video | FilmiBeat Malayalam

പ്രസവം കഴിഞ്ഞ് പോവാം

നാലാളറിയുന്ന രീതിയില്‍ വിവാഹം കഴിച്ച് വിട്ടപ്പോള്‍ ഇങ്ങനെ പരാതിയാണോയെന്നായിരുന്നു ബാലു ചോദിച്ചത്. കുറച്ചുനാള്‍ ഇവിടെ നില്‍ക്കാനാഗ്രഹമുണ്ടെന്ന് ലച്ചു പറഞ്ഞപ്പോള്‍ എല്ലാവരും പിന്തുണയ്ക്കുകയായിരുന്നു. ലച്ചൂ, നീ പോവേണ്ടെന്നും നമുക്ക് ഇവിടെ തകര്‍ക്കാമെന്നുമായിരുന്നു മുടിയനും കേശുവും ശിവയും പറഞ്ഞത്. അച്ഛന്‍ വിളിച്ച് പറഞ്ഞോളുമെന്നും പ്രസവം കഴിഞ്ഞിട്ടേ നിന്നെ വിടുന്നുള്ളൂവെന്നുമായിരുന്നു നീലു പറഞ്ഞത്.