നീലു ഇരട്ടക്കുട്ടികളുടെ അമ്മ, ബാലുവിന്റെ സന്തോഷത്തിന് അതിരില്ല, ലച്ചുവിന്റെ കമന്റാണ് തകര്‍ത്തത്

കുടുംബത്തിലേക്ക് പുതിയ അതിഥി

നീലു ഗര്‍ഭിണിയാണെന്നറിഞ്ഞതോടെ ആകെ സന്തോഷത്തിലാണ് ബാലു. എന്നാല്‍ ഇക്കാര്യത്തെക്കുറിച്ച് കുട്ടികളെ അറിയിക്കാനോ ഉള്ള ധൈര്യം ബാലുവിന് ഉണ്ടായിരുന്നില്ല. നീലുവായിരുന്നു ഇക്കാര്യം അറിയിച്ചത്.

കുടുംബാംഗങ്ങളെല്ലാം എത്തി

സന്തോഷവാര്‍ത്തയറിഞ്ഞ് ബാലുവിന്റെ കുടുംബാംഗങ്ങളും നീലുവിന്റെ വീട്ടുകാരും ഒരുമിച്ച് എത്തിയിരുന്നു. നീലുവിന്റെ ആരോഗ്യസ്ഥിതിയെക്കുറിച്ച് ആശങ്കയുള്ളതിനാല്‍ കുഞ്ഞിനെ വേണമോയെന്ന തരത്തില്‍ ചര്‍ച്ചകള്‍ സജീവമായിരുന്നു.

ബാലുവിന്റെ തീരുമാനം

കുടുംബത്തിലേക്ക് വരാനൊരുങ്ങുന്ന പുതിയ അതിഥിയെ സ്വീകരിക്കാനായുള്ള തയ്യാറെടുപ്പിലായിരുന്നു ബാലു. ഒടുവില്‍ എല്ലാവരും ബാലുവിന്‍റെ തീരുമാനത്തിന് പിന്തുണ അറിയിച്ചിരുന്നു.

സ്‌കാനിങ്ങ് റിപ്പോര്‍ട്ടില്‍

ഇരട്ടക്കുട്ടികളാണ് ജനിക്കാന്‍ പോകുന്നതെന്ന് ഡോക്ടര്‍ ബാലുവിനെ വിളിച്ച് അറിയിച്ചതോടെ കൂടുതല്‍ സന്തോഷവാനായിരിക്കുകയാണ് ബാലു.

നീലുവിന്റെ പ്രതികരണം

ബാലുവിന്റെ അമിത സന്തോഷത്തില്‍ ദേഷ്യപ്പെടുകയാണ് നീലു. ലേറ്റസ്റ്റ് എപ്പിസോഡിന്റെ പ്രമോ വീഡിയോ സോഷ്യല്‍ മീഡിയയിലൂടെ വൈറലായിരുന്നു.

ലച്ചുവിന്റെ കമന്റ്

ട്രിപ്പിളായിരുന്നുവെങ്കില്‍ അച്ഛന് ഒരു വോളിബോള്‍ ടീം ഉണ്ടാക്കാമായിരുന്നുവല്ലോയെന്നായിരുന്നു ലച്ചുവിന്റെ കമന്റ്. സെവന്‍സ് ഉണ്ടാക്കാനാണ് തന്റെ പ്ലാനെന്ന് ബാലു മറുപടിയും നല്‍കുന്നു.

പ്രമോ വീഡിയോ കാണൂ

സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുന്ന പ്രമോ വീഡിയോ കാണൂ.