ഉറങ്ങിക്കിടന്ന മാമനെ പൊട്ടിട്ട് ചുന്ദരി ആക്കുന്ന പാറുക്കുട്ടി, കുട്ടി താരത്തിന്റെ വീഡിയോ വൈറല്‍

അതേസമയം ലോക്ഡൗണ്‍ കഴിഞ്ഞ് ഒരിടവേളയ്ക്ക് ശേഷമാണ് ഉപ്പും മുളകും അടുത്തിടെ സംപ്രേക്ഷണം ആരംഭിച്ചത്. അന്ന് ആദ്യത്തെ കുറച്ച് എപ്പിസോഡുകളില്‍ പാറുക്കുട്ടി ഉണ്ടായിരുന്നില്ല. പിന്നീടാണ് കുട്ടിത്താരം വീണ്ടും പരമ്പരയിലേക്ക് എത്തിയത്. പാറുക്കുട്ടി ഇല്ലാത്ത എപ്പിസോഡുകളിലെല്ലാം കുട്ടിതാരത്തെ തിരക്കി ആരാധകര്‍ എത്താറുണ്ട്.

പാറുവിന്റെ ക്യൂട്ട് വീഡിയോകളും ചിത്രങ്ങളുമെല്ലാം ഇടയ്ക്കിടെ സമൂഹ മാധ്യമങ്ങളില്‍ വൈറലാകാറുണ്ട്. കുട്ടിതാരത്തിന്റെ ഫാന്‍സ് ഗ്രൂപ്പുകളിലും മറ്റുമാണ് ഈ വീഡിയോകള്‍ പുറത്തിറങ്ങാറുളളത്. ഉപ്പും മുളകുംതാരത്തിന്റെതായി പുറത്തിറങ്ങിയ പുതിയൊരു വീഡിയോയും ആരാധകര്‍ ഏറ്റെടുത്തിരുന്നു. ഇത്തവണ മാമനെ മേക്കപ്പ് ചെയ്യുന്ന പാറുവിനെയും ചേച്ചിയെയുമാണ് വീഡിയോയില്‍ കാണിക്കുന്നത്.

മാമന്‍ ഉറങ്ങിക്കിടക്കുന്ന സമയത്ത് മുഖത്ത് മേക്കപ്പിട്ടുകൊടുക്കുകയാണ് പാറുക്കുട്ടി. മേക്കപ്പിടുന്നതിനിടെ മാമനെ ചുന്ദരിയാക്കുവാ എന്നും വീഡിയോയില്‍ കുട്ടിത്താരം പറയുന്നു. പാറുക്കുട്ടിയും അമ്മാവനും...ഉറങ്ങിക്കിടന്ന അമ്മാവനെ പൊട്ടിട്ട് ചുന്ദരി ആക്കി കുറുമ്പി പാറുവും ഒപ്പം ചേച്ചി പാറുവും എന്ന ക്യാപ്ഷനോടെയാണ് ഈ വീഡിയോ ഉപ്പും മുളകും താരത്തിന്റെ ഫാന്‍സ് ഗ്രൂപ്പുകളില്‍ വന്നിരിക്കുന്നത്. വീഡിയോയ്ക്ക് പിന്നാലെ നിരവധി പേരാണ് കമന്റുകളുമായി എത്തിയത്.

അടുത്തിടെ മാസ്‌കിട്ട് റോഡിലൂടെ വരുന്ന പാറുക്കുട്ടിയുടെ ഒരു വീഡിയോ ആരാധകര്‍ ഏറ്റെടുത്തിരുന്നു. പാറുക്കുട്ടിയോട് ഹായ് പറഞ്ഞെങ്കിലും ഒന്നും മിണ്ടാതെ നടന്നുപോവുകയായിരുന്നു താരം. പാറു സെലിബ്രിറ്റിയാ സെലിബ്രിറ്റി എന്ന് ക്യാപ്ഷനിലാണ് ഈ വീഡിയോ സമൂഹ മാധ്യമങ്ങളില്‍ വൈറലായിരുന്നത്. ലോക് ഡൗണിന് ശേഷമുളള ഉപ്പും മുളകിന്റെ പുതിയ എപ്പിസോഡുകള്‍ക്കെല്ലാം മികച്ച പ്രേക്ഷക സ്വീകാര്യതയായിരുന്നു ലഭിച്ചത്.

ബാലുവും കുടുംബവും പഴയ ഉഷാറോടെയാണ് തന്നെയാണ് പ്രേക്ഷകര്‍ക്ക് മുന്‍പില്‍ എത്തിയിരുന്നത്. ലോക് ഡൗണ്‍ സമയത്ത് ജനപ്രിയ പരമ്പരയുടെ പഴയ എപ്പിസോഡുകളായിരുന്നു സംപ്രേക്ഷണം ചെയ്തിരുന്നത്. വ്യത്യസ്തമാര്‍ന്ന സംഭവ വികാസങ്ങളാണ് ഉപ്പും മുളകിന്റെ ഓരോ എപ്പിസോഡുകളിലും നടക്കാറുളളത്. ഉപ്പും മുളകില്‍ ലച്ചുവിന്റെ തിരിച്ചുവരവിനായി ആകാംക്ഷകളോടെയാണ് ആരാധകര്‍ കാത്തിരിക്കുന്നത്.