ഉപ്പും മുളകില്‍ ബാലുവിനും പാറുക്കുട്ടിക്കും പിറന്നാളോഘോഷം! വീഡിയോ പുറത്ത്

ഇതിനിടെ ബാലുവിന്റെയും പാറുക്കുട്ടിയുടെയും പിറന്നാള്‍ ആഘോഷം ഉപ്പും മുളകും സെറ്റില്‍ നടന്നിരുന്നു.ചിത്രീകരണത്തിരക്കുകള്‍ക്കിടെയാണ് എല്ലാവരും ചേര്‍ന്ന് ബിജു സോപാനത്തിന്റെയും ബേബി അമേയയുടെയും പിറന്നാള്‍ ദിനം ആഘോഷമാക്കി മാറ്റിയത്. ഉപ്പും മുളകിലെ താരങ്ങളും അണിയറ പ്രവര്‍ത്തകരുമെല്ലാം തന്നെ പിറന്നാള്‍ ആഘോഷത്തില്‍ പങ്കെടുത്തിരുന്നു.

ചടങ്ങില്‍ ബാലുവിനും പാറുക്കുട്ടിയ്ക്കും ചാനലിന്റെ വക ഗിഫ്റ്റും ഉണ്ടായിരുന്നു. വിവിധ കാലഘട്ടത്തിലെ ബാലുവിന്റെ ലുക്കുകളുടെ ചിത്രങ്ങള്‍ ഷര്‍ട്ടില്‍ പതിപ്പിച്ചുകൊണ്ടുളള ഒരു ചുമര്‍ചിത്രമാണ് ബിജു സോപാനത്തിന് ലഭിച്ചത്. പാറുക്കുട്ടിക്ക് ഒരു പാവക്കുട്ടിയും അണിയറ പ്രവര്‍ത്തകര്‍ സ്മ്മാനമായി നല്‍കി. ആഘോഷത്തില്‍ മരുമകന്‍ സിദ്ധാര്‍ത്ഥും, ശിവാനിയും,ഭാസ്‌കരന്‍ തമ്പിയും,ഭാര്യയുമെല്ലാം പങ്കെടുത്തു.

ഉപ്പും മുളകും പരമ്പരയിലൂടെ പ്രേക്ഷകരുടെ ഒന്നടങ്കം പ്രിയങ്കരനായി മാറിയ താരമാണ് ബിജു സോപാനം. ബാലു എന്ന കഥാപാത്രമായി മികച്ച പ്രകടനമാണ് താരം നടത്തികൊണ്ടിരിക്കുന്നത്. ഉപ്പും മുളകിനും പിന്നാലെ സിനിമാരംഗത്തും നടന് തിരക്കേറിയിരുന്നു. നാടകരംഗത്തുനിന്നും വന്ന ബിജു സോപാനം ഉപ്പും മുളകിലെ പ്രകടനത്തിലൂടെയാണ് ജനപ്രിയ താരമായി മാറിയത്.

ബാലുവിനെ പോലെ തന്നെ ഇളയമകള്‍ പാറുക്കുട്ടിയും എല്ലാവരുടെയും ഇഷ്ടതാരമാണ്. ഉപ്പം മുളകില്‍ പാറുക്കുട്ടിയുടെ സാന്നിദ്ധ്യം പലപ്പോഴും ശ്രദ്ധേയമാകാറുണ്ട്. ജനിച്ച് കുറച്ചു നാളുകള്‍ക്കുളളില്‍ തന്നെ ബേബി അമേയ എന്ന പാറുക്കുട്ടി പരമ്പരയിലേക്ക് എത്തിയിരുന്നു. ഉപ്പും മുളകും ലൊക്കേഷനില്‍ നിന്നുളള പാറുക്കുട്ടിയുടെ ക്യൂട്ട് വീഡിയോകളെല്ലാം തന്നെ പലപ്പോഴും വൈറലാകാറുണ്ട്.