വാനമ്പാടി സീരിയലിലൂടെ മറ്റൊരു സൗഭാഗ്യം കൂടി! പുതിയ വിശേഷങ്ങള്‍ പങ്കുവെച്ച് കൊണ്ട് നടി അനുശ്രീ

മലയാളത്തിലെ ഒട്ടുമിക്ക സീരിയലുകളും വലിയ പ്രേക്ഷക പ്രശംസ സ്വന്തമാക്കിയവയാണ്. ലോക്ഡൗണ്‍ കാലത്ത് നിരവധി സീരിയല്‍ നടിമാരാണ് വിവാഹിതരായത്. അതുപോലെ പുത്തന്‍ പരമ്പരകളിലേക്ക് എത്തിയവരുമൊക്കെയുണ്ട്. അങ്ങനെ വാനമ്പാടി എന്ന സീരിയലിലെ അര്‍ച്ചന എന്ന കഥാപാത്രത്തെ അവതരിപ്പിക്കുന്ന അനുശ്രീയാണ് തന്റെ പുത്തന്‍ വിശേഷങ്ങളുമായി എത്തിയിരിക്കുന്നത്.

മീനാക്ഷി കല്യാണത്തിലൂടെയാണ് ആദ്യമായി അഭിനയ രംഗത്തേക്ക് അനുശ്രീ ചുവട് വെക്കുന്നത്. ശേഷം അവതാരക ആയിട്ടെത്തി. പിന്നീടാണ് ഹിറ്റായി പ്രദര്‍ശനം നടത്തിയിരുന്ന വാനമ്പാടി എന്ന സീരിയലിലേക്ക് എത്തുന്നത്. ഇതോടെയാണ് കൂടുതല്‍ ശ്രദ്ധിക്കപ്പെട്ടത്. അതേ വാനമ്പാടി സീരിയലിലൂടെ തനിക്ക് ലഭിച്ച മറ്റൊരു സൗഭാഗ്യത്തെ കുറിച്ചാണ് സമയം മലയാളത്തിന് നല്‍കിയ പ്രതികരണത്തിലുടെ അനുശ്രീ തുറന്ന് പറഞ്ഞ് എത്തിയിരിക്കുന്നത്.

Recommended Video

'വാനമ്പാടി തമിഴിലെ പ്രേക്ഷകരിലേക്ക് എത്തുമ്പോള്‍ അവിടെ മൗനരാഗം ആയിട്ടാണ് എത്തുക. പരമ്പരയിലെ പത്മിനി എന്ന കഥാപാത്രത്തെയാണ് അനുശ്രീ അവതരിപ്പിക്കാന്‍ പോകുന്നത്. വളരെ അപ്രതീക്ഷിതമായിട്ടാണ് ആ ഭാഗ്യം തനിക്ക് കിട്ടിയതെന്ന് അനുശ്രീ പറയുന്നു. മൗനരാഗം എന്ന പേരില്‍ ആണ് വിജയ് ടിവിയിലൂടെ വാനമ്പാടിയുടെ തമിഴ് പതിപ്പ് സംപ്രേക്ഷണം ചെയ്യുന്നത്.

രജപുത്ര പ്രൊഡക്ഷന്‍ തന്നെയാണ് മൗനരാഗത്തിന്റെയും നിര്‍മ്മാണം. സോഫ്റ്റ് ടച്ചുള്ള അര്‍ച്ചനയില്‍ നിന്നും കാദംബരി (മലയാളത്തിലെ പത്മിനി എന്ന കഥാപാത്രം)യിലേക്ക് എത്തുമ്പോള്‍ നല്ല ടെന്‍ഷന്‍ ഉണ്ടായിരുന്നു. തമിഴ് എനിക്ക് ഒട്ടും അറിയില്ല. ആദ്യമൊക്കെ മോഡുലേഷന്‍ ഒക്കെ നല്ല ബുദ്ധിമുട്ടായി തോന്നിയിരുന്നു.

പിന്നെ എല്ലാവരും തന്ന പിന്തുണ കൊണ്ടാണ് കാദംബരി ഏറ്റെടുത്തതും മുന്നോട്ട് പോയതും. ആക്ച്വലി കാദംബരിയെ അവതരിപ്പിച്ചു കൊണ്ടിരുന്നത് മറ്റൊരു നടിയായിരുന്നു. അത്രയും പെര്‍ഫെക്ഷനോടെയാണ് അവര്‍ അത് അവതരിപ്പിച്ചത്. അങ്ങനെയൊരു കഥാപാത്രത്തെ റീപ്ലേസ് ചെയ്യുമ്പോള്‍ ആളുകള്‍ എന്നെ എത്ര അഗീകരിക്കും എന്നോര്‍ത്ത് നല്ല ടെന്‍ഷന്‍ ഉണ്ട്.

പിന്നെ അപ്രതീക്ഷിതമായി കിട്ടിയ അവസരം ആയതു കൊണ്ടു തന്നെ എന്റെ പരമാവധി എഫര്‍ട്ട് എടുക്കാന്‍ ശ്രമിക്കുന്നുണ്ട്. തിരുവനന്തപുരത്തു വച്ചാണ് ഷൂട്ട് നടക്കുന്നത്. ലോക്ഡൗണ്‍ മാനദണ്ഡങ്ങള്‍ എല്ലാം പാലിച്ചു കൊണ്ടാണ് ഷൂട്ടിങ്. പുറത്തു നിന്നും വരുന്ന ആര്‍ട്ടിസ്റ്റുകളെ ക്വാറന്റൈന്‍ ചെയ്തിന് ശേഷം ഒക്കെയാണ് ഓരോ ഷെഡ്യൂളിലേക്കും എത്തിക്കുന്നതെന്ന് കൂടിയും അനുശ്രീ പറയുന്നു.