കുട്ടികളില്ലെന്ന് വെച്ച് വിഷമിച്ചിരിക്കുന്ന ദമ്പതികളല്ല ഞങ്ങള്‍, മറുപടിയുമായി വിധുപ്രതാപും ദീപ്തിയും

ഫേസ്ബുക്ക്, ഇന്‍സ്റ്റഗ്രാം, യൂടൂബ് പേജുകളിലൂടെ പലരും ചോദിച്ച ചോദ്യങ്ങള്‍ക്ക് മറുപടിയുമായാണ് ഇവരുടെ വരവ്. ദീപ്തിയായിരുന്നു അയച്ചു കിട്ടിയവയിലെ തെരഞ്ഞെടുക്കപ്പെട്ട കത്തുകള്‍ വായിച്ചത്. രസകരമായ മറുപടികളുമായി വിധുപ്രതാപും എത്തി. ഇവര്‍ക്ക് കുട്ടികളില്ലെ എന്നായിരുന്നു ഒരാള്‍ ദീപ്തിയോടും വിധുവിനോടും ചോദിച്ചത്. ഇതിന് മറുപടിയായി ഇവര്‍ക്ക് കുട്ടികളില്ല, തല്‍ക്കാലത്തേക്ക് ഇല്ല.

ഇനി ഭാവിയില്‍ ഉണ്ടായാല്‍ നിങ്ങളല്ലെ എന്നോട് പറഞ്ഞത് കുട്ടികളില്ലാ എന്നൊന്നും കൊടിയും പിടിച്ച് വരരുത്. ഞങ്ങള്‍ക്ക് കുട്ടികളില്ല. എന്നുവെച്ച് അങ്ങനെ വിഷമിച്ചിരിക്കുന്ന ദമ്പതികള്‍ ഒന്നും അല്ല. നമ്മള് വളരെ ഹാപ്പിയായിട്ട് എഞ്ചോയ് ചെയ്തിട്ടാണ് ലൈഫ് മുന്നോട്ടുകൊണ്ടുപോവുന്നത്. ചിലര് കുത്താന്‍ വേണ്ടിയിട്ട് അല്ലാതെ ചോദിക്കുന്നവരും ഉണ്ട് കെട്ടോ.

സ്‌നേഹത്തോടെ ഒകെ ചോദിക്കുന്ന ആള്‍ക്കാരുണ്ട്. അവരുടെ ആ ചോദ്യങ്ങളെ മാനിച്ചുകൊണ്ട് തന്നെ പറയുവാണ്. ഞങ്ങള് ഹാപ്പിയാണ്. അതുപോലെ നിങ്ങളും ഹാപ്പിയായിട്ടിരിക്കുക. അതോര്‍ത്ത് നിങ്ങള് സങ്കടപ്പെടരുത്. അതുകൊണ്ട് നിങ്ങള്‍ വിഷമിക്കരുത്. ഞങ്ങളും ഹാപ്പിയാണ് നിങ്ങളും ഹാപ്പിയാണ്, വിധുവും ദീപ്തിയും പറഞ്ഞു.

സെലിബ്രിറ്റീസിന്‌റെ ചാനല്‍സിന് വേഗം സബ്‌സ്‌ക്രൈബേഴ്‌സിനെ കിട്ടും, അല്ലാത്തവരാണ് കഷ്ടപ്പെട്ട് വീഡിയോസ് ചെയ്യുന്നത്. ഇവരൊക്കെ എന്ത് കുന്തം കാണിച്ചാലും നാട്ടുകാര്‍ കാണാനുണ്ടാവും എന്ന കമന്റിന് ഇരുവരുടെയും മറുപടി ഇങ്ങനെയായിരുന്നു; കണ്ടോ വിധുചേട്ടാ നമ്മളൊക്കെ ഒരു വീഡിയോ എന്ത് കഷ്ടപ്പെട്ടാണ് എടുക്കുന്നത്. എന്നിട്ട് ഇവരൊക്കെ ഇങ്ങനെ പറയുന്നു.

Recommended Video

നിന്റെയൊന്നും സഹായം വേണ്ടെന്നാണ് വാപ്പച്ചിയുടെ മറുപടി | FilmiBeat Malayalam

ഈ സെലിബ്രിറ്റീസ് എന്ന് പറഞ്ഞാല് കലാ കായികരംഗത്ത് നാല് പേര് അറിയുന്ന അല്ലെങ്കില്‍ ആരാധികപ്പെടുന്ന ആളുകള്‍, അത്രയേയുളളൂ. വിധുപ്രതാപ് പറയുന്നു. അങ്ങനെ പറയുമ്പോള്‍ നമ്മുടെ സക്‌സസ് ഫുളായിട്ടുളള യൂടൂബേര്‍സും സെലിബ്രിറ്റികളാണ്. രണ്ടും രണ്ടുതട്ടില്‍ കാണേണ്ട ആവശ്യമില്ല. വളരെ ലളിതമായി കാണാന്‍ ശ്രമിക്കൂ. പിന്നെ കഷ്ടപ്പാടിന്‌റെ കാര്യം പറഞ്ഞു. ഒരു വീഡിയോ എടുക്കാന്‍ എന്തുമാത്രം കഷ്ടപ്പാടാണെന്ന് അറിയാമോ. അത് മനസിലാക്കണമെങ്കില്‍ യൂടൂബില്‍ കഷ്ടപ്പെട്ട് വീഡിയോ ചെയ്യുന്ന ആള്‍ക്കാര്‍ക്ക് അറിയാം അതിന്‌റെ കഷ്ടപ്പാട്, വിധുപ്രതാപ് ചോദ്യത്തിന് മറുപടിയായി പറഞ്ഞു.