ഡിവോഴ്‌സൊക്കെ സാധാരണമല്ലേ, കാരണമില്ലാതെ പിരിയില്ലല്ലോ! പുതിയൊരു സന്തോഷം പങ്കുവെച്ച് അനുശ്രീ

വീട്ടുകാരുടെ സമ്മതമില്ലാതെ രഹസ്യമായിട്ടാണ് അനുശ്രീ കഴിഞ്ഞ വര്‍ഷം വിവാഹിതയാവുന്നത്. സീരിയല്‍ ക്യാമറമാനായ വിഷ്ണുവിനൊപ്പം ഇറങ്ങി പോയി രഹസ്യമായി വിവാഹം കഴിച്ചിട്ട് ഒന്നിച്ച് താമസിക്കുകയായിരുന്നു. തുടക്കത്തില്‍ തന്നെ ഇരുവര്‍ക്കുമിടയില്‍ പ്രശ്‌നങ്ങളുണ്ടായി. നടി ഗര്‍ഭിണിയായതോട് കൂടി സന്തോഷത്തിലായിരുന്നെങ്കിലും കുഞ്ഞ് ജനിച്ച ഉടനെയാണ് പ്രശ്‌നം തുടങ്ങുന്നത്. ഇപ്പോള്‍ ഭര്‍ത്താവുമായി യാതൊരു ബന്ധവുമില്ലെന്ന സ്ഥിതിയിലേക്കാണ് കാര്യങ്ങള്‍ എത്തിയിരിക്കുന്നത്.

കുഞ്ഞിന് ആറ് മാസമായെന്നും ഭക്ഷണമൊക്കെ കൊടുക്കുന്നതിന് മുന്‍പായി ചോറൂണ് നടത്താം എന്ന തീരുമാനത്തിലാണ്. അതിന് വേണ്ടി ഗുരുവായൂരിലേക്ക് പോവാനുള്ള തയ്യാറെടുപ്പിലാണ് ഞങ്ങളെന്ന് പറഞ്ഞാണ് അനുശ്രീ എത്തിയിരിക്കുന്നത്.

കുഞ്ഞിനുള്ള മുണ്ടും ഷര്‍ട്ടും തന്റെ സാരിയുമൊക്കെ നേരത്തെ തയ്യാറാക്കി വെക്കുന്നത് അനുശ്രീ കാണിച്ചിരുന്നു. ചോറൂണ് നടത്തി, ഒറ്റ ദിവസം കൊണ്ട് തിരിച്ച് വരാനുള്ള തയ്യാറെടുപ്പിലാണെന്നും നടി സൂചിപ്പിച്ചിരുന്നു.

നിലവില്‍ കുഞ്ഞ് കട്ടിലിലൂടെ ചാടി മറിഞ്ഞ് തുടങ്ങിയെന്നും കണ്ണ് തെറ്റിയാല്‍ താഴെ എത്തുമെന്നും അവന് പുറകേയാണെന്നുമൊക്കെ നടി പറയുന്നു. ഓരോ ദിവസവും മകന്റെ വളര്‍ച്ചയും മറ്റുമൊക്കെ ആസ്വദിക്കുന്നതിനെ പറ്റിയാണ് അനുശ്രീ വീഡിയോയിലുട നീളം പറഞ്ഞ് കൊണ്ടേ ഇരുന്നത്. എന്നാല്‍ ഇതെല്ലാം നഷ്ടമായ വിഷ്ണുവിനെ കുറിച്ചും ചിലര്‍ സൂചിപ്പിച്ചു. മകന് വേണ്ടിയെങ്കിലും നിങ്ങള്‍ ഒരുമിക്കണമെന്നാണ് ഭൂരിഭാഗം പേരും അനുശ്രീയോട് പറഞ്ഞിരുന്നത്.

എന്നാല്‍ വിഷയത്തില്‍ പ്രതികരിച്ച് വിഷ്ണു വന്നതോടെ അനുശ്രീയ്ക്കുള്ള പിന്തുണ കൂടിയിരിക്കുകയാണ്. 'കുഞ്ഞിന്റെ ചോറൂണിനും വിഷ്ണു ഇല്ലേ എന്നാണ് ഒരാള്‍ ചോദിച്ചിരിക്കുന്നത്. ഇവരുടെ ജീവിതത്തിലെന്താണ് സംഭവിച്ചതെന്ന് ആര്‍ക്കും അറിയില്ല. അപ്പോള്‍ നെഗറ്റീവ് കമന്റിടുന്നവര്‍ അത് മനസിലാക്കി വേണം ചെയ്യാന്‍, ഡിവോഴ്സ് ചെയ്യുന്നതൊക്കെ നാട്ടില്‍ സര്‍വ്വസാധാരണമാണ്. ഒരു കാരണമില്ലാതെ ആരും തന്നെ പിരിയാന്‍ ആഗ്രഹിക്കില്ല. ഇവര്‍ക്ക് ഒത്തുപോകാന്‍ പറ്റിയിട്ടുണ്ടാകില്ല.

ഇനിയെങ്കിലും ഈ കുട്ടിയെ സമാധാനത്തോടെ ജീവിക്കാന്‍ വിടുകയാണ് വേണ്ടത്. ഒരോ കമന്റ് കൊണ്ടും മറ്റൊരാളുടെ മനഃസമാധാനം ഇല്ലാതാക്കുന്നത് ശരിയല്ല. ഒന്നുമില്ലെങ്കിലും കുഞ്ഞിനെ നോക്കാനും വളര്‍ത്താനും അനുശ്രീ മിടുക്കിയാണ്. അവര്‍ ഓരോന്നും മാന്യമായി ചെയ്യുന്നുണ്ട്. ഭര്‍ത്താവ് ഇല്ലാതെയും ജീവിക്കാന്‍ സാധിക്കുമെന്നും ഒറ്റയ്ക്ക് മുന്നോട്ട് പോകാന്‍ നടിയ്ക്ക് പറ്റുന്നുണ്ടല്ലോ, അതൊക്കെ വലിയ കാര്യമാണെന്നുമൊക്കെ കമന്റുകളില്‍ പറയുന്നു',.