ചേട്ടന്റെ മുഖം അത്ര വികൃതമൊന്നുമല്ല കേട്ടോ; ആ ഒരൊറ്റ പ്രതീക്ഷയില്‍ എഴുതിയതാണെന്ന് സാന്ത്വനത്തിലെ സേതു

മഞ്ഞ ഷര്‍ട്ടൊക്കെ ധരിച്ച് നില്‍ക്കുന്ന ചിത്രങ്ങളാണ് ബിജേഷ് സോഷ്യല്‍ മീഡിയയില്‍ പങ്കുവെച്ചത്. അതിന് നല്‍കിയിരിക്കുന്ന ക്യാപ്ഷനാണ് ഇപ്പോള്‍ ചര്‍ച്ചയാവുന്നത്. 'നില്‍പ്പും ഭാവവുമൊക്കെ കണ്ടാല്‍ തോന്നും എന്തോ മഹാ സംഭവത്തിന് പോകുന്നതാ എന്ന്.. അല്ലെ. സ്റ്റാര്‍ട്ട് മ്യൂസിക്കില്‍ പങ്കെടുത്തു മുഖത്ത് മുഴുവന്‍ വെള്ളം ചീറ്റിച്ചു ചമ്മി കുളമാകുവാന്‍ പോകുന്നതാ. പിറകില്‍ നിന്നും മൈക്ക് കണക്ട് ചെയ്യുന്ന ചേട്ടന്‍ വിചാരിച്ചിട്ടുണ്ടാകും. ഇവനാരപ്പ.. ഞാന്‍ ലാലേട്ടന് വരെ മൈക്ക് കണക്ട് ചെയ്തിട്ടുണ്ട്. അങ്ങേരു വരെ ഷോ കാണിക്കാതെയാ നിന്നിട്ടുള്ളത്... ഇവന്‌ടെ ഒക്കെ ഒരു നില്‍പ്... എന്ന്. പക്ഷെ ചേട്ടനറിയില്ലല്ലോ,
എന്റെ ഫോട്ടോ എടുക്കാന്‍ നമ്മുടെ അച്ചു (കണ്ണന്‍) വന്നു ക്യാമറ എടുത്തതിന്റെ ഷോ ആണെന്ന്.

ആ പോട്ടെ സത്യത്തിന്റെ മുഖം എപ്പോളും വികൃതമാണ് എന്റെ മുഖം പോലെ. (നിങ്ങള്‍ ക്യാപ്ഷന്‍ വായിച്ചു ഒടുവില്‍ ചേട്ടന്റെ മുഖം അത്ര വികൃതമൊന്നുമല്ല കേട്ടോ എന്ന് കമന്റ് ഇടും എന്ന ഒരൊറ്റ പ്രതീക്ഷയില്‍ എഴുതിയതാ ലാസ്റ്റ് വാക്കുകള്‍. എന്നെ നിരാശപ്പെടുത്തരുതേ. എന്നുമാണ് സോഷ്യല്‍ മീഡിയയിലൂടെ പങ്കുവെച്ച കുറിപ്പില്‍ ബിജേഷ് എഴുതിയിരിക്കുന്നത്.

അതേ സമയം ബിജേഷിന്റെ പോസ്റ്റിന് താഴെ നൂറ് കണക്കിന് കമന്റുകളാണ് വന്ന് നിറയുന്നത്. മുഖം അത്ര വികൃതമാണോ എന്ന ചോദ്യത്തിന് തമാശ നിറഞ്ഞ മറുപടികളാണ് കൂടുതലും ലഭിക്കുന്നത്. ചേട്ടന്റെ മുഖം അത്ര വികൃതമൊന്നുമല്ല കേട്ടോ. വേണമെങ്കില്‍ മിനിസ്‌ക്രീന്‍ ലാലേട്ടന്‍ എന്ന് വിളിക്കാമെന്നാണ് ആരാധകരില്‍ ചിലര്‍ പറയുന്നത്. മുഖം മനസ്സിന്റെ കണ്ണാടി എന്നല്ലേ പ്രമാണം. അത് ഏട്ടന്റെ കാര്യത്തില്‍ വളരെ ശരിയാണ്. ഏട്ടന്‍ നല്ലൊരു മനസ്സിന് ഉടമയാണ്. എന്നും നന്മ ഉണ്ടാവട്ടെ എന്നാണ് ഒരു ആരാധകന്റെ കമന്റ്.

Recommended Video

Kurup Trailer Reaction | Dulquer Salmaan | FilmiBeat Malayalam

ഒരു സത്യം പറഞ്ഞാല്‍ ബിജേഷിന്റെ മുഖം ഒട്ടും വികൃതമല്ല. അതീവ സുന്ദരനാണ്. ആ മുഖം പോലെ അല്ല മുഖത്തിനേക്കാള്‍ നല്ല ഒരു മനസ്സും ഉണ്ട്. അതിനാണ് ഏറ്റവും കൂടുതല്‍ സൗന്ദര്യം. എന്തായാലും സാന്ത്വനം കുടുംബം സ്റ്റാര്‍ട്ട് മ്യൂസിക്കിലേക്ക് വരുന്ന സന്തോഷം ഞങ്ങള്‍ക്കും ഉണ്ട്. പരിപാടിയിലേക്ക് എത്തുന്ന സാന്ത്വനം ടീമിനെ കാത്തിരിക്കാന്‍ തുടങ്ങിയിട്ട് കുറെ നാളുകളായി. പ്രൊമോ കണ്ടപ്പോള്‍ സന്തോഷമായി. ആഗ്രഹിച്ചതല്ലേ ഒന്നു പുകഴ്ത്തി പറഞ്ഞേക്കാം. നിഷ്ങ്കളത തോന്നിക്കുന്ന സുന്ദരമായ മുഖം തന്നെയാണ്.. എന്നിങ്ങനെ അനേകം കമന്റുകളാണ് താരത്തിന്റെ ഫോട്ടോസിന് ലഭിക്കുന്നത്.