അടിച്ചു നോവിച്ചു.. പട്ടിണിക്കിട്ടു.. അവിടെ നിന്ന് വളര്‍ന്ന കൃഷ്ണതുളസി.. ദാ ഇവിടെയുണ്ട് !!

മൃദുലയാണ് കൃഷ്ണ

മൃദുല വിജയ് എന്നാണ് കൃഷ്ണയായി എത്തിയ പെണ്‍കുട്ടിയുടെ യഥാര്‍ത്ഥ പേര്. തിരുവനന്തപുരം സ്വദേശിയായ മൃദുല ഇപ്പോള്‍ സൈക്കോളജി പഠിച്ചുകൊണ്ടിരിയ്ക്കുകയാണ്. അഭിനേത്രി എന്നതിനപ്പുറം നര്‍ത്തകി കൂടെയാണ് മൃദുല

സിനിമാ ബന്ധം

മൃദുലയുടെ മുത്തശ്ശന്‍ പഴയ ചിത്രസംയോജകനാണ്. അന്തരിച്ച പ്രശസ്ത ഛായാഗ്രാഹകന്‍ ആനന്തക്കുട്ടന്‍ മൃദുലയുടെ അച്ഛന്റെ അമ്മാവനാണ്. സിനിമാ ബന്ധം മൃദുലയുടെ രക്തത്തിലുണ്ട് എന്ന് സാരം.

സിനിമയിലെത്തിയത്

ഹ്രസ്വ ചിത്രങ്ങളിലൂടെയാണ് മൃദുല കരിയര്‍ ആരംഭിച്ചത്. ജെനിഫര്‍ കറുപ്പയ എന്ന തമിഴ് ചിത്രത്തിലൂടെ ബിഗ്‌സ്‌ക്രീനിലെത്തി. മലയാളത്തില്‍ സെലിബ്രേഷന്‍ എന്ന ചിത്രത്തിലും മൃദുല സാന്നിധ്യം അറിയിച്ചിട്ടുണ്ട്.

ടെലിവിഷനിലേക്ക്

കൈരളി ടിവിയില്‍ സംപ്രേക്ഷണം ചെയ്തിരുന്ന ഡാന്‍സ് പാര്‍ട്ടി എന്ന റിയാലിറ്റി ഷോയുടെ അവതാരകയായിരുന്നു മൃദുല. തുടര്‍ന്ന് ഏഷ്യനെറ്റിലെ കല്യാണ സൗഗന്ധികം എന്ന സീരിയലില്‍ സഹതാര വേഷത്തിലെത്തി.

ശ്രദ്ധിക്കപ്പെട്ടത്

മഴവില്‍ മനോരമയിലെ കൃഷ്ണ തുളസിയാണ് മൃദുലയ്ക്ക് കരിയര്‍ ബ്രേക്ക് നല്‍കിയത്. സീരിയലില്‍ കേന്ദ്ര കഥാപാത്രമായ കൃഷ്ണയായി എത്തിയതിലൂടെ മൃദുലയുടെ ഭാഗ്യം തെളിയുകയായിരുന്നു.