'വിജയ് ദേവരകൊണ്ട ഡേറ്റ് ചെയ്ത പെൺകുട്ടികളുടെ എണ്ണം 30 മുതൽ 40 വരെ' വെളിപ്പെടുത്തി സഹോദരൻ

വിജയ് ദേവരകൊണ്ടയെ കുറിച്ച് സഹോദരൻ ആനന്ദ് ദേവരകൊണ്ട നടത്തിയ പരാമർശമാണ് ഇപ്പോൾ വൈറലാകുന്നത്. വിജയിയെ പോലെ തന്നെ ആനന്ദും അഭിനയവുമായി തെലുങ്ക് സിനിമാ ലോകത്ത് സജീവമാണ്. ആനന്ദിന്റെ ഏറ്റവും പുതിയ സിനിമ പുഷ്പക വിമാനം നിർമിക്കുന്നത് ചേട്ടൻ വിജയ് ദേവരകൊണ്ടയാണ്. വിജയ് ദേവരകൊണ്ട സിനിമയിൽ വരും മുമ്പ് 30 മുതൽ 40 വരെ പെൺകുട്ടികളുമായി ഡേറ്റ് ചെയ്തിരുന്നുവെന്നാണ് ആനന്ദ് ദേവരകൊണ്ട വെളിപ്പെടുത്തിയിരിക്കുന്നത്. ഉടൻ തന്നെ ആനന്ദിന്റെ പരാമർശത്തിന് വിജയ് മറുപടി നൽകി. അത്തരം ബന്ധങ്ങൾ മുമ്പോട്ട് കൊണ്ടുപോകുന്നതിൽ താൻ പിന്നോട്ടാണെന്നും അത് സുഖകരമായി കൊണ്ടുപോകാൻ തനിക്കറിയില്ലെന്നുമാണ് വിജയ് മറുപടി പറഞ്ഞത്. തനിക്ക് ചുറ്റുമുള്ള ബന്ധങ്ങളിലാണ് വിജയ് എപ്പോഴും കൂടുതലായി ആശ്രയിക്കുന്നതെന്നും ആനന്ദ് പറഞ്ഞു. താൻ കോളജിൽ പഠിച്ചിരുന്ന സമയത്ത് ​ഗ്യാങുകളായി തിരിഞ്ഞ് അടിപിടികൾ നടത്തിയിരുന്നുവെന്നും വിജയ് തുറന്നുപറഞ്ഞു.

ആനന്ദിന്റെ ഏറ്റവും പുതിയ സിനിമ പുഷ്പക വിമാനത്തിന്റെ പ്രമോഷനുമായി ബന്ധപ്പെട്ട പരിപാടിയിൽ സംസാരിക്കവെയാണ് ഇരുവർക്കുമിടയിലുള്ള രഹസ്യങ്ങളെ കുറിച്ചെല്ലാം തെലുങ്ക് സിനിമാ ലോകത്തെ ചേട്ടാനിയന്മാർ തുറന്ന് പറഞ്ഞത്. അതേ ചടങ്ങിൽ വെച്ച് ആനന്ദിന്റെ പുഷ്പക വിമാനത്തിന്റെ പോസ്റ്റർ പ്രകാശനവും നടന്നു. ഇരുവരും സഹോദരങ്ങൾ എന്നതിനപ്പുറമുള്ള ബന്ധം വെച്ച് പുലർത്തുന്നവരാണെന്നാണ് ഇരുവരുടേയും സംഭാഷണങ്ങളിൽ നിന്നും വ്യക്തമാകുന്നത്. ഇരുവരിലും ആരാണ് കൂടുതൽ പഠിക്കുന്നതെന്നും രണ്ട് സഹോദരന്മാരും ചേർന്ന് ആരാധകർക്കായി വെളിപ്പെടുത്തി. ആനന്ദാണ് വീട്ടിലെ പഠിപ്പിസ്റ്റ് എന്നാണ് വിജയ് പറയുന്നത്. 'ആനന്ദ് വീട്ടിലെ ഇളയകുട്ടിയായതിനാൽ ഏറെ ലാളനയേറ്റ് വാങ്ങിയാണ് വളർന്നത്. കൂടാതെ അവൻ മിടുക്കനായ വിദ്യാർഥിയും ആയിരുന്നു. അവൻ എല്ലാ വിഷയത്തിലും മുഴുവൻ ശതമാനം മാർക്ക് നേടുമായിരുന്നു. ഞാൻ ഏകദേശം 85 ശതമാനം മാർക്ക് മാത്രമാണ് വാങ്ങിയിരുന്നത്' വിജയ് പറയുന്നു.

Recommended Video

Boxing legend Mike Tyson acting in Indian cinema for the first time

ആനന്ദിന്റെ ഏറ്റവും പുതിയ സിനിമ പുഷ്പക വിമാനം നവംബർ 12നാണ് റിലീസ് ചെയ്യുന്നത്. ലി​ഗറാണ് വിജയിയുടെ റിലീസിനൊരുങ്ങുന്ന ഏറ്റവും പുതിയ സിനിമ. ചിത്രത്തിന്റെ ക്ലൈമാക്സിൽ അതിഥി താരമായി മൈക്ക് ടൈസണും എത്തുന്നുണ്ട്. പുരി ജ​ഗന്നാഥ് സംവിധാനം ചെയ്യുന്ന ചിത്രം സ്പോർട്സ് ആക്ഷൻ ത്രില്ലറാണ്. ചിത്രത്തിൽ മിക്സഡ് മാർഷ്യൽ ആർട്സ് താരമായാണ് വിജയ് വേഷമിടുന്നത്. പുരി ജഗന്നാഥും വിജയ് ദേവരകൊണ്ടയും ആദ്യമായി ഒന്നിക്കുന്ന ചിത്രമാണിത്. മൈക്ക് ടൈസണുമായുള്ള രം​ഗങ്ങൾ ചിത്രീകരിക്കുന്നതിന് ലി​ഗറിന്റെ ടീം അധികം വൈകാതെ അമേരിക്കയ്ക്ക് തിരിക്കും.