നായകനെ ചുംബിച്ചത് ആവശ്യമായിരുന്നു; ആ ലിപ് ലോക് സിനിമയുടെ ഭാഗം മാത്രമായിരുന്നുവെന്ന് നടി അനുപമ പരമേശ്വരന്‍

''ലിപ് ലോക്ക് രംഗം ആ സിനിമയുടെ ഒരു ഭാഗം മാത്രമാണ്. നടന്‍ ആഷിഷ് ചെയ്യുന്ന കഥാപാത്രത്തെയാണ് ചുംബിച്ചത് എന്ന നിലയില്‍ മാത്രമേ കണ്ടിട്ടുള്ളൂ. സിനിമ കണ്ടവര്‍ ഇഴുകി ചേര്‍ന്ന് അഭിനയിച്ച രംഗം കാണുമ്പോള്‍ സിനിമയില്‍ അതിന്റെ ആവശ്യകതയെ കുറിച്ച് മനസ്സിലാക്കും'' എന്നുമാണ് അനുപമ പറയുന്നത്. അതേ സമയം ഒരു ലിപ് ലോക്കില്‍ അഭിനയിച്ചതിന്റെ പേരില്‍ വ്യാപകമായ പരിഹാസങ്ങളായിരുന്നു നടിയെ തേടി എത്തിയിരുന്നത്.

പുതുമുഖ നടന്‍ ആഷിഷ് റെഡ്ഡിയും അനുപമ പരമേശ്വരനും നായിക-നായകന്മാരായി അഭിനയിച്ച സിനിമയാണ് റൗഡി ബോയിസ്. ശ്രീ ഹര്‍ഷ കോനുഗണ്ടിയാണ് സംവിധാനം ചെയ്യുന്ന ചിത്രം പ്രശസ്ത നിര്‍മാതാവ് ദില്‍ രാജു ആണ് നിര്‍മ്മിച്ചത്. നിര്‍മാതാവിന്റെ അനന്തരവനാണ് നായകന്‍ ആഷിഷ്. അതുകൊണ്ട് തന്നെ സിനിമയിലെ ഗ്ലാമറസ് രംഗങ്ങള്‍ അതിന് വേണ്ടി എഴുതി ചേര്‍ത്തതാണ് എന്ന ആരോപണവും മുന്‍പ് വന്നിരുന്നു.

കോളേജ് ക്യാംപെസില്‍ നടക്കുന്ന കഥയാണ് സിനിമയ്ക്ക് ആസ്പദമായി വരുന്നത്. എന്‍ജിനീയറിങ് വിദ്യാര്‍ഥിയായ അക്ഷയും മെഡിക്കല്‍ വിദ്യാര്‍ഥിനിയായ കാവ്യയും തമ്മില്‍ ഉണ്ടാവുന്ന പ്രണയവും ലിവിംഗ് റിലേഷനുമാണ് സിനിമയുടെ ഇതിവൃത്തം. ഇരുവരുടെയും പ്രണയനിമിഷങ്ങള്‍ കാണിക്കുമ്പോളാണ് ലിപ് ലോക് രംഗവും ഉള്‍പ്പെടുത്തിയിരിക്കുന്നത്. ഇത് കൂടാതെ സിനിമയില്‍ നാലോളം ലിപ് ലോക് സീനുകള്‍ ഉള്‍പ്പെടുത്തിയിരുന്നു.

Recommended Video

Bihar STET exam has Malayalam actress as candidate ! | FilmiBeat Malayalam

തെലുങ്കിന് പുറമേ മലയാളത്തിലും ഏറെ ആരാധക പിന്‍ബലമുള്ള താരസുന്ദരിയാണ് അനുപമ പരമേശ്വരന്‍. ചുരുണ്ട മുടിയുടെ ഭംഗിയിലാണ് നടി ആദ്യം അറിയപ്പെടുന്നത്. വളരെ കുറച്ച് മാത്രമേ മലയാളത്തില്‍ അഭിനയിച്ചിട്ടുള്ളു എങ്കിലും എല്ലാം ശ്രദ്ധിക്കപ്പെടുന്ന വേഷങ്ങളായിരുന്നു. ഏറ്റവുമൊടുവില്‍ ദുല്‍ഖര്‍ സല്‍മാന്റെ കുറുപ്പ് എന്ന സിനിമയിലും അതിഥി വേഷത്തില്‍ നടി എത്തിയിരുന്നു. ടൊവിനോ തോമസിന്റെ ഭാര്യ വേഷത്തിലാണെങ്കിലും വളരെയധികം പ്രശംസ നേടി എടുക്കാന്‍ സാധിച്ചിരുന്നു.