കുഞ്ഞുണ്ടാകില്ലെന്ന് പറഞ്ഞ് അയാൾ അപമാനിച്ചു, ചികിത്സയ്ക്ക് തയ്യാറായിരുന്നു, പൊട്ടിക്കരഞ്ഞ് നടി പ്രിയങ്ക

നാഗാർജുന അവതാരകനായി എത്തുന്ന ബിഗ് ബോസ് ഷോയിലെ ഒരു മത്സരാർഥിയാണ് നടിയും ട്രാൻസ്ജെൻഡറുമായ പ്രിയങ്ക. താരത്തിന്റെ ചില തുറന്ന് പറച്ചിൽ വലിയ ചർച്ചയായിട്ടുണ്ട്. ഷോയുടെ ഭാഗമായി നടി തന്റെ ആദ്യത്തെ പ്രണയത്തിനെ കുറിച്ചും അത് ജീവിതത്തിലുണ്ടാക്കിയ മാറ്റത്തെ കുറിച്ചും തുറന്ന് സംസാരിച്ചിരുന്നു. രവി എന്ന വ്യക്തിയുമായിട്ടായിരുന്നു നടിയുടെ ആദ്യ പ്രണയം. ഏകദേശം 6 വർഷത്തോളം ഈ ബന്ധം നീണ്ടു നിന്നിരുന്നു. എന്നാൽ പിന്നീട് ഈ ബന്ധം വേർപിരിയുകയായിരുന്നു. തനിക്ക് കുഞ്ഞിനെ കൊടുക്കാൻ സാധിക്കാത്തത് കൊണ്ടായിരുന്നു അയാൾ തന്നെ ഉപേക്ഷിച്ചതെന്നും പ്രിയങ്ക പറയുന്നു. ബ്രേക്കപ്പിനെ കുറിച്ച് നടിയുടെ വാക്കുകൾ ഇങ്ങനെ...

''തങ്ങൾ തമ്മിൽ ആറുവർഷത്തെ ബന്ധം ആയിരുന്നു ഉണ്ടായിരുന്നത്. ഏറ്റവും ഒടുവിലത്തെ തന്റെ സർജറി കഴിഞ്ഞപ്പോൾ വിവാഹം കഴിക്കുന്നതിനെക്കുറിച്ച് പുള്ളിയോട് സംസാരിച്ചിരുന്നു. ആദ്യം അയാൾ സമ്മതിച്ചതാണ്. എന്നാൽ പിന്നീട് അവന്റെ അച്ഛന്റെയും അമ്മയുടെയും വാക്ക് കേട്ട് അയാൾക്ക് ബന്ധത്തിൽ നിന്ന് പിൻമാറുകയായിരുന്നു. തന്റെ മാതാപിതാക്കൾ മറ്റൊരു പെൺകുട്ടിയെ വിവാഹം കഴിക്കാൻ നിർബന്ധിക്കുന്നുവെന്നും . അതുകൊണ്ടുതന്നെ നിന്നെ വിവാഹം കഴിക്കാൻ കഴിയില്ലെന്നും അയാൾ തന്നോട് പറഞ്ഞതായി പ്രിയങ്ക ഷോയിൽ പറഞ്ഞു. മാത്രമല്ല ഒരു കുഞ്ഞിന്നെ നൽകാൻ നിനക്ക് കഴിയില്ലല്ലോ, എന്നുള്ള സംസാരം ആണ് അയാൾ തന്നോട് ഏറ്റവും ഒടുവിൽ നടത്തിയതെന്നും പ്രിയങ്ക വെളിപ്പെടുത്തി.

അമ്മയാകാൻ വേണ്ടിയുള്ള ചികിത്സയ്ക്ക് താൻ തയ്യാറായിരുന്നുവെന്നും പ്രിയങ്ക പറയുന്നു. ഇതിനായി ഡോക്ടർമാരുമായി ചർച്ചകൾ നടത്തിയിരുന്നു. ഇക്കാര്യങ്ങൾ ഒക്കെ രവിയെ അറിയിച്ചിരുന്നു, എങ്കിലും തനിക്ക് ഒരിക്കലും കുട്ടികളുണ്ടാകില്ലെന്ന് പറഞ്ഞുകൊണ്ട് അയാൾ തന്നെ നിരസിക്കുകയായിരുന്നു. വാക്കാൽ ഒരുപാട് അപമാനിച്ചുവെന്നും താൻ തകർന്നു പോയെന്നും പ്രിയങ്ക ഷോയിൽ വെളിപ്പെടുത്തി''. പൊട്ടിക്കരഞ്ഞു കൊണ്ടാണ് പ്രിയങ്ക തന്റെ മനസ് തുറന്നത്. മറ്റ് ബിഗ് ബോസ് താരങ്ങളും തങ്ങളുടെ ആദ്യ പ്രണയത്തെ കുറിച്ച് വെളിപ്പെടുത്തിയിരുന്നു.

Recommended Video

ഡിവോഴ്സ് എക്സ്പേർട്ടായ സൂപ്പർ സ്റ്റാറുമായുള്ള സൗഹൃദം എല്ലാം പെട്ടെന്നാക്കി.തുറന്നടിച്ച് കങ്കണ

നാഗാർജുന അവതാരകനായി എത്തുന്ന ബിഗ് ബോസ് ഷോ സെപ്റ്റംബർ 5 ന് ആയിരുന്നു ആരംഭിച്ചത്. സാമന്ത- നാഗചൈതന്യ വിവാഹമോചനം വലിയ രീതിയിൽ ചർച്ചയായിരുന്ന സമയത്തായിരുന്നു ആരംഭിച്ചത്. ഷോയുമായി ബന്ധപ്പെട്ട പ്രസ് മീറ്റിന് നാഗചൈതന്യ പങ്കെടുത്തിരുന്നില്ല. ഇത് വലിയ വാർത്തയായിരുന്നു. നാഗാർജുനയ്ക്ക് പകരം സാമന്തയും ബിഗ് ബോസ് ഷോ അവതരിപ്പിച്ചിട്ടുണ്ട്. നാലാം സീസണിലായിരുന്നു കുറച്ച് എപ്പിസോഡുകൾ സാമന്ത അവതരിപ്പിച്ചത്.