For Quick Alerts
    ALLOW NOTIFICATIONS  
    For Daily Alerts

    'രാത്രി സമയത്ത് അശ്ലീലത കാണിക്കുന്നു'; ബി​ഗ് ബോസ് തെലുങ്കിനെതിരെ പരാതി

    |

    റിയാലിറ്റി ഷോകളിൽ ഇന്ന് രാജ്യത്തൊട്ടാകെ മുൻനിരയിൽ നിൽക്കുന്ന ഷോയാണ് ബി​ഗ് ബോസ്. തുടക്ക കാലത്ത് ഹിന്ദിയിൽ മാത്രം തുടങ്ങിയ ഷോ ഇന്ന് മലയാളമുൾപ്പെടെയുള്ള മിക്ക തെന്നിന്ത്യൻ ഭാഷകളിലുമുണ്ട്. ബി​ഗ് ബോസിന്റെ ആദ്യ സീസൺ മിക്ക ഭാഷകളിലും വലിയ വിവാദവും ചർച്ചയുമാവാറുണ്ട്.

    ഇതുവരെ കണ്ടു പരിചയമില്ലാത്ത തരം ഷോയായതിനാൽ തന്നെ കേരളത്തിലും ആദ്യം ബി​ഗ് ബോസിനെതിരെ വിമർശനം ഉയർന്നിരുന്നു. ബി​ഗ് ബോസിന് മുമ്പ് അതേ മാതൃകയിൽ സൂര്യ ടിവിയിൽ വന്ന മലയാളി ഹൗസ് എന്ന ഷോയാണ് കൂടുതൽ വിവാദമുണ്ടാക്കിയത്.

    Also Read: 'അഭിമാന നിമിഷം'; പുരസ്കാരത്തിളക്കത്തിൽ താരദമ്പതികൾ, 'റിയൽ ലൈഫ് ബൊമ്മി ജ്യോതിക'യെന്ന് ആരാധകർ!

    ഷോ കുടുംബത്തിനൊപ്പം ഇരുന്ന് കാണാൻ പറ്റിയതല്ല എന്ന് വരെ വിമർശനം ഉയർന്നു. പിന്നീട് വർഷങ്ങൾക്കിപ്പുറമാണ് ബി​ഗ് ബോസ് മലയാളി പ്രേക്ഷകർക്ക് മുന്നിലെത്തുന്നത്. ആദ്യ സീസൺ വലിയ ശ്രദ്ധ നേടിയില്ലെങ്കിലും രണ്ടാമത്തെ സീസൺ മുതൽ ഷോ പ്രേക്ഷകർ സ്വീകരിച്ച് തുടങ്ങി. ഇന്ന് കേരളത്തിലെ നമ്പർ വൺ ടെലിവിഷൻ ഷോയായി മാറിയിരിക്കുകയാണ് ബി​ഗ് ബോസ്. അടുത്തിടെയാണ് നാലാം സീസൺ അവസാനിച്ചത്. അഞ്ചാം സീസണിനായി കാത്തിരിക്കുകയാണ് പ്രേക്ഷകർ.

    Also Read: 'നമ്മളെന്താണെന്ന് നമുക്ക് അറിയാമല്ലോ, പെണ്ണുകാണലിന് കൊടുത്തത് ഞാനുണ്ടാക്കിയ പലഹാരങ്ങൾ'; ലക്ഷ്മി നായർ

    ഇപ്പോഴിതാ തെലുങ്കിൽ സംപ്രേഷണം ചെയ്ത് കൊണ്ടിരിക്കുന്ന ബി​ഗ് ബോസിന്റെ ആറാം സീസണിനെതിരെ പരാതി ഉയർന്നിരിക്കുകയാണ്. അശ്ലീലത നിറഞ്ഞ ഷോയാണിതെന്നും അതിനാൽ ടിവിയിൽ സംപ്രേഷണം ചെയ്യുന്ന സമയം മാറ്റണമെന്നും പരാതിയിൽ പറയുന്നു. ​ഗൈഡ് ലൈനുകൾ പാലിക്കുന്നില്ലെങ്കിൽ ബി​ഗ് ബോസിന്റെ സംപ്രേഷണം നിർത്തി വെക്കണമെന്നും പരാതിയിൽ ആവശ്യപ്പെടുന്നുണ്ട്.

    അഭിഭാഷകൻ കതിർറെഡി ജ​ഗദീശ്വർ ആണ് ആന്ധ്രപ്രദേശ് ഹൈക്കോടതിയിൽ പരാതി നൽകിയിരിക്കുന്നത്. നിലവിൽ രാത്രി 10 മണി മുതൽ 11 മണി വരെയാണ് ബി​ഗ് ബോസ് തെലുങ്ക് സംപ്രേഷണം ചെയ്യുന്നത്. വാരാന്ത്യത്തിൽ 9 മണി മുതലും.

    Also Read: മോഹൻലാലിന്റെ സെറ്റിൽ ആന്റണി പെരുമ്പാവൂരെത്തും; രണ്ട് ദിവസം നിന്ന് എല്ലാം പരിശോധിക്കും; നിർമാതാവ്

    ഹിന്ദിയിൽ സൽമാൻ ഖാനാണ് ബി​ഗ് ബോസ് അവതാരകൻ ആയെത്തുന്നത്. മറാത്തിയിൽ മഹേഷ് മജ്രേക്കറും കന്നഡയിൽ കിച്ച സുദീപുമാണ് ഷോയുടെ അവതാരകർ. ഹിന്ദിയിൽ 16ാം സീസണിലേക്ക് എത്തിയിരിക്കുകയാണ് ബി​ഗ് ബോസ്. കേരളത്തിൽ ഏറ്റവും കൂടുതൽ ഹിറ്റായത് ഇക്കഴിഞ്ഞ ബി​ഗ് ബോസ് സീസണാണ്. ഒപ്പത്തിനൊപ്പം നിന്ന മത്സരാർത്ഥികളും സോഷ്യൽ മീഡിയയിലെ സജീവ ചർച്ചയും ബി​ഗ് ബോസിന്റെ മാറ്റ് കൂട്ടി. ഡാൻസറായ ദിൽഷയാണ് ഷോയിൽ വിജയി ആയത്.

    Also Read: ബി​ഗ് ബ്രദർ ഹിന്ദിയിൽ ഡബ് ചെയ്തപ്പോൾ സ്വീകരിച്ചു; കേരളത്തിൽ പരാജയപ്പെട്ടതിന് കാരണമെന്തെന്ന് സിദ്ദിഖ്

    ഡോക്ടർ റോബിൻ, ജാസ്മിൻ, നിമിഷ, ലക്ഷ്മി പ്രിയ, ബ്ലെസ്ലി, റിയാസ് സലിം, ധന്യ മേരി വർ​ഗീസ് തുടങ്ങി നിരവധി പേർ ബി​ഗ് ബോസ് സീസൺ 4 ൽ മത്സരാർത്ഥികൾ ആയെത്തിയിരുന്നു. ബി​ഗ് ബോസിന്റെ ജനസ്വീകാര്യത ഓരോ സീസൺ കഴിയുന്തോറും കൂടി വരികയാണെന്നാണ് പ്രേക്ഷകർ അഭിപ്രായപ്പെടുന്നത്. ബി​ഗ് ബോസിലെ മത്സരാർത്ഥികൾക്ക് വൻ ആരാധക വൃന്ദവും ഉണ്ടാവുന്നുണ്ട്. അഞ്ചാം സീസണിനായി കാത്തിരിക്കുകയാണ് പ്രേക്ഷകർ.

    Read more about: bigg boss
    English summary
    complaint against bigg boss telugu regarding the content; petition demands to change air timing
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X