മകളെ നാ​ഗ ചൈതന്യയുടെ ഭാര്യയാക്കാൻ നോക്കി; തടസമായത് സമാന്ത; താര കുടുംബത്തിൽ അന്ന് നടന്നത്

തെലുങ്ക് സിനിമാ ലോകത്തെ കുടുംബ വാഴ്ച സിനിമാ പ്രേക്ഷകർക്കിടയിൽ വലിയ തോതിൽ ചർച്ചയായതാണ്. പ്രമുഖ താരങ്ങളിൽ മിക്കവരും സിനിമാ കുടുംബത്തിൽ നിന്നുള്ളവരാണ്. ചിരഞ്ജീവിയുടെ കൊനിഡേല കുടുംബം, നന്ദമൂരി ബാലകൃഷ്ണ ഉൾപ്പെടുന്ന എൻടിആർ കുടുംബം, നാ​ഗാർജുനയുടെ അക്കിനേനി കുടുംബം, വെങ്കിടേഷിന്റെ ദ​ഗുബതി കുടുംബം തുടങ്ങിയവരാണ് ടോളിവുഡിലെ പ്രബലർ. അക്കിനേനി കുടുംബത്തിലെ യുവ താരങ്ങളാണ് നാ​ഗ ചൈതന്യയും അഖിൽ അക്കിനേനിയും. രണ്ട് പേരും ഇന്ന് കരിയറിലെ തിരക്കുകളിലാണ്.

ഇക്കാലയളവിനിടെ നാ​ഗ ചൈതന്യയുടെ ജീവിതത്തിൽ പല സംഭവ വികാസങ്ങളുമുണ്ടായി. പ്രണയ വിവാഹം, വിവാഹമോചനം എന്നിവ വലിയ തോതിൽ ചർച്ചയായി. നടി സമാന്തയെയാണ് നാ​ഗ ചൈതന്യ വിവാഹം ചെയ്തത്. 2017 ലായിരുന്നു വിവാഹം. വീട്ടുകാരുടെ സമ്മത പ്രകാരം നടന്ന പ്രണയ വിവാഹത്തിൽ നിരവധി താരങ്ങൾ പങ്കെടുത്തു. എന്നാൽ നാല് വർഷം മാത്രമേ ഈ ബന്ധം നീണ്ട് നിന്നുള്ളൂ. 2021 ൽ ഇരുവരും പിരിഞ്ഞു. ആരാധകരെ ഏറെ നിരാശപ്പെടുത്തിയ വാർത്തയായിരുന്നു ഇത്.

മറ്റൊരു വിവാഹത്തിന് നാ​ഗ ചൈതന്യ ഇതുവരെ തയ്യാറായിട്ടില്ല. ഇപ്പോഴിതാ താരത്തെക്കുറിച്ചുള്ള മറ്റൊരു കഥയാണ് തെലുങ്ക് സിനിമാ മാധ്യമങ്ങളിൽ വാർത്തയാകുന്നത്. വർഷങ്ങൾക്ക് മുമ്പ് മറ്റൊരു വിവാഹ ആലോചന നാ​ഗ ചൈതന്യക്ക് വന്നിരുന്നു. നടൻ നന്ദ​മൂരി ബാലകൃഷ്ണയുടെ മകളെയാണ് നാ​ഗ ചൈതന്യക്ക് വേണ്ടി ആലോചിച്ചത്. ബാലകൃഷ്ണ തന്നെയാണ് ഈ ആലോചനയ്ക്ക് മുൻകെെയെ‌ടുത്തത്. അന്ന് നാ​ഗ ചെെത്യന്യ സെൻസേഷനായി മാറിയ കാലമാണ്. വിവാഹക്കാര്യം ബാലകൃഷ്ണ നാ​ഗ ചൈതന്യയുടെ പിതാവ് നാ​ഗാർജുനയുമായി സംസാരിച്ചതാണ്.

അദ്ദേഹവും ബന്ധത്തിന് താൽപര്യം കാണിച്ചു. എന്നാൽ നാ​ഗ ചൈതന്യ അന്ന് സമാന്തയുമായി പ്രണയത്തിലാണ്. ഇതോ‌ടെ വിവാഹാലോചന മുന്നോട്ട് പോയില്ല. സമാന്തയുടെ കാര്യം പറഞ്ഞപ്പോൾ വിവാഹത്തിന് വീട്ടുകാർ സമ്മതിക്കുകയും ചെയ്തു. സിനിമാ പശ്ചാത്തലമൊന്നുമില്ലാത്ത ഒരു സാധാരണ കുടുംബത്തിൽ വളർന്നയാളാണ് സമാന്ത. സിനിമാ രം​ഗത്ത് തന്റേതായ സ്ഥാനം നേടിയെടുത്ത ശേഷമാണ് അക്കിനേനി കുടുംബത്തിലേക്ക് സമാന്ത എത്തുന്നത്.

നാ​ഗ ചൈതന്യയുടെ കുടുംബവുമായി വളരെ പെട്ടെന്ന് സമാന്ത അടുത്തു. വിവാഹ മോചനം ഇരുവരുടെയും കുടുംബത്തെയും നിരാശപ്പെടുത്തി. വിവാഹമോചനത്തിന്റെ സമയത്ത് സമാന്തയ്ക്ക് വലിയ തുക നാ​ഗാർജുന ജീവനാംശമായി നൽകാമെന്ന് പറഞ്ഞെങ്കിലും സമാന്ത ഇത് വേണ്ടെന്ന് വെക്കുകയാണുണ്ടായത്. മറുവശത്ത് ബാലകൃഷ്ണയുടെ മകൾ തേജസ്വിനി ഇന്ന് വിവാഹം ജീവിതം നയിക്കുകയാണ്.

2013 ലാണ് തേജസ്വിനിയുടെ വിവാഹം നടന്നത്. തേജസ്വിനി, ബ്രഹ്മണി എന്നീ രണ്ട് പെൺമക്കളും മോക്ഷാ​ഗ്ന എന്ന മകനുമാണ് ബാലകൃഷ്ണയ്ക്കുള്ളത്. തെലുങ്ക് സിനിമാ, രാഷ്ട്രീയത്തിലെ പ്രബലരാണ് ബാലകൃഷ്ണയുടെ കുടുംബം. അന്തരിച്ച എൻടി രാമറാവുവിന്റെ മകനാണ് ബാലകൃഷ്ണ. സൂപ്പർ താരമാണെങ്കിലും മിക്കപ്പോഴും വിവാ​ദങ്ങളിൽ അകപ്പെടുന്ന നടനുമാണ് ഇദ്ദേഹം.

അടുത്തിടെ നടി വിചിത്ര ഉന്നയിച്ച ആരോപണത്തിൽ പറയുന്ന നടൻ ബാലകൃഷ്ണയാണെന്ന് അഭ്യൂഹങ്ങളുണ്ടായി. ഒരു തെലുങ്ക് ചിത്രത്തൽ അഭിനയിക്കാൻ പോയ തന്നെ ഹീറോ റൂമിലേക്ക് വിളിച്ചു എന്നായിരുന്നു വിചിത്രയുടെ ആരോപണം. പരാമർശം വലിയ തോതിൽ ചർച്ചയായി. ബാലകൃഷ്ണയാണ് ഈ നടനെന്നതിന് സോഷ്യൽ മീഡിയയിൽ തെളിവുകളും വരുന്നുണ്ട്.