അച്ഛന് അറിയാമായിരുന്നു, സാമന്തയുമായുള്ള ബന്ധം മുന്നോട്ട് പോകില്ലെന്ന്, കാരണം... വെളിപ്പെടുത്തി നാഗചൈതന്യ

ഇരുവരും ചേർന്ന് എടുത്ത തീരുമാനമായിരുന്നു ഇത്. നീണ്ട നാളത്തെ ബന്ധം അവസാനിപ്പിക്കുക എന്നത് അത്ര എളുപ്പമുളള കാര്യമായിരുന്നില്ല. വിവാഹമോചനം ഔദ്യോഗികമായി പ്രഖ്യാപിച്ചതിന് പിന്നാലെ സോഷ്യൽ മീഡിയയിൽ നിന്നും മറ്റും ഒതുങ്ങി നിൽക്കുകയായിരുന്നു നാഗചൈതന്യ. മാസങ്ങൾക്ക് ശേഷമായിരുന്നു അദ്ദേഹം മാധ്യമങ്ങൾക്ക് മുന്നിൽ പ്രത്യക്ഷപ്പെട്ടത്. വിവാഹമോചനത്തെ കുറിച്ച് വളരെ പക്വതയോടെയായിരുന്നു നടൻ സംസാരിച്ചത്. സാമന്തയ്ക്ക് ബഹുമാനം നൽകി കൊണ്ടായിരുന്നു നടൻ സംസാരിച്ചത്.

ഇപ്പോഴിത സോഷ്യൽ മീഡിയയിൽ വൈറൽ ആകുന്നത് നാഗചൈതന്യയുടെ ഒരു അഭിമുഖമാണ്. പിതാവ് നാഗാർജുനയ്ക്ക് പറയാതെ തന്നെ എല്ലാ കാര്യവും അറിയാമായിരുന്നു എന്നാണ് താരം പറയുന്നത്. അദ്ദേഹത്തിനോട് ഇക്കാര്യം പറഞ്ഞപ്പോൾ തനിക്ക് ഇത് അറിയാമായിരുന്നു എന്നാണ് നടൻ പറഞ്ഞത്. നാഗചൈതന്യയുടെ വാക്കുകൾ ഇങ്ങനെ...'' ഇക്കാര്യം ഞാൻ ആദ്യം പറയുന്നത് അച്ഛനോട് ആണ്. ഇത് കേട്ടയുടനെ അദ്ദേഹം എന്നോട് പറഞ്ഞു. ഇത് നിങ്ങൾ ഇപ്പോഴാണ് എന്നോട് പറയുന്നത്. പക്ഷെ ഈ കാര്യം നേരത്തെ തന്നെ തനിക്ക് അറിയാമായിരുന്നു. ഇന്ത്യൻ എക്സ്പ്രസിനോടാണ് ഇക്കാര്യ പറഞ്ഞത്.

വിവാഹമോചനത്തെ കുറിച്ചും താരം മൗനം വെടിഞ്ഞിട്ടുണ്ട്. ബന്ധം വേർപിരിഞ്ഞ് മാസങ്ങൾക്ക് ശേഷമാണ് പ്രതികരിച്ചത്.. രണ്ടുപേരുടെയും നല്ലതിന് വേണ്ടിയാണ് വേർപിരിയാൻ തീരുമാനിച്ചതെന്നാണ് നടൻ ചോദ്യത്തിന് ഉത്തരമായി പറഞ്ഞത്. ''സമാന്ത സന്തോഷവതിയാണെങ്കില്‍ ഞാനും സന്തോഷവാനാണ്. ആ സാഹചര്യത്തിലെ മികച്ച തീരുമാനമാണ് ഇതെന്നുമായിരുന്നു നാഗചൈതന്യ പറഞ്ഞത് . വേദനയോടെയാണെങ്കിലും ഈ തീരുമാനത്തില്‍ സംതൃപ്തയാണ് എന്നായിരുന്നു സമാന്തയും പറഞ്ഞത്. ബോളിവുഡ് മാധ്യമത്തിന് നൽകിയ അഭിമുഖത്തിലായിരുന്നു നടി വിവാഹമോചനത്തിനെ കുറിച്ച് പറഞ്ഞത്. നാഗാചൈതന്യ ആദ്യമായിട്ടായിരുന്നു പൊതുവേദിയിൽ വിവാഹമോചനത്തെ കുറിച്ച് പങ്കുവെയ്ക്കുന്നത്.‌

Recommended Video

സാമന്ത ഹാപ്പിയെങ്കിൽ താനും ഹാപ്പിയെന്ന് നാഗ ചൈന്യ | FilmiBeat Malayalam

മകനെ കുറിച്ച് അഭിമാനം തോന്നുന്നു എന്നാണ് നാഗാർജുന പറഞ്ഞത് .'ബംഗരാജു'വിന്റെ പ്രെമോഷന്റെ വേളയിലായിരുന്നു നടനും ഇതിനെ കുറിച്ച് പറഞ്ഞത്. ഏതൊരു അച്ഛനെ പോലെ മകനെ ഓർത്ത് വിഷമിച്ചി''രുന്നു എന്നും പറഞ്ഞിരുന്നു. നടന്‌റെ വാക്കുകൾ ഇങ്ങനെ...'' ' നാഗ ചൈതന്യ വളരെ ശാന്തത പാലിക്കുന്നതിൽ ഞാൻ അഭിമാനിക്കുന്നുണ്ട്. പ്രകോപനപരമായി അദ്ദേഹം ഒരു വാക്ക് പോലും പ്രതികരിച്ചിരുന്നില്ല. ഏതൊരു അച്ഛനെയും പോലെ ഞാനും അവനെക്കുറിച്ച് വളരെ വിഷമിച്ചിരുന്നു. പക്ഷേ എന്നെ കുറിച്ചായിരുന്നു അവന്‌റെ ആശങ്ക. അച്ഛൻ ഓക്കെയാണോ എന്ന് ചോദിച്ചതായും നാഗാർജുന അഭിമുഖത്തിൽ പറഞ്ഞിരുന്നു.