പുഷ്പ രണ്ടാം ഭാഗത്തിൽ നിന്ന് സാമന്ത പുറത്ത്, വിചിത്രമായ കാരണവുമായി സംവിധായകൻ...

സമാന്തയുടെ ഐറ്റം ഗാനം ഹിറ്റായതോടെ രണ്ടാം ഭാഗത്തിൽ ദൈർഘ്യമേറിയ രംഗം കൊടുക്കണമെന്ന് ആരാഞ്ഞു കൊണ്ട് പ്രേക്ഷകർ രംഗത്ത് എത്തിയിരുന്നു. അത്രയധികം പ്രേക്ഷകരുടെ മനസ്സിൽ ഗാനം ഇടം പിടിച്ചിരുന്നു. ഇപ്പോഴിത സാമന്തയുടെ ആരാധകരെ അൽപം നിരാശപ്പെടുത്തുന്ന തരത്തിലുള്ള വാർത്തയാണ് പുറത്ത് വരുന്നത്. ടോളിവുഡ് മാധ്യമമാണ് സംവിധായകൻ സുകുമാറിനെ ഉദ്ധരിച്ച് വാർത്ത പുറത്ത് വിട്ടിരിക്കുന്നത്. രണ്ടാം ഭാഗത്തിൽ സാമന്ത ഉണ്ടാവില്ലെന്നാണ് സംവിധായകൻ പറയുന്നത്. നടിയുടെ ഐറ്റം ഡാൻസും ഉണ്ടാവില്ലെന്നും സുകുമാർ പറഞ്ഞതായി ടോളിവുഡ് മാധ്യമം റിപ്പോർട്ട് ചെയ്യുന്നു,

കൂടാതെ സാമന്തയ്ക്ക് പകരം ബോളിവുഡിൽ നിന്നുള്ള നടിയെ ആയിരിക്കും പുഷ്പ ടുവിലെ ഐറ്റം ഗാനത്തിൽ പരിഗണിക്കുക എന്നും വാർത്തകൾ വരുന്നുണ്ട്. സമാന്തയ്ക്ക് പകരം മറ്റൊരു നടിയെ കൊണ്ടു വരാനാണ് സുകുമാരന്റെ തീരുമാനം.ബോളിവുഡില്‍ ചിത്രത്തിന് വന്‍ വരവേല്‍പ് കിട്ടിയ സാഹചര്യത്തില്‍ ഒരു ബോളിവുഡ് നടി വച്ച് രണ്ടാം ഭാഗത്ത് ഐറ്റം ഡാന്‍സ് ചെയ്യിപ്പിക്കാനാണ് സംഗീത സംവിധായകന്‍ ദേവി ശ്രീ പ്രസാദും സംവിധായകന്‍ സുകുമാരനും ആലോചിക്കുന്നത്. എന്നാൽ ഇത് ഒദ്യോഗികമായി വെളിപ്പെടുത്തിയിട്ടില്ല. പുഷ്പ ടുവിൽ സാമന്തയെ ഒഴിവാക്കിയത ആരാധകരെ നിരാശയിലാഴ്ത്തിയിട്ടുണ്ട്.

അതേസമയം സാമന്തയെ ചിത്രത്തിൽ നിന്ന് ഒഴിവാക്കിയതിന് പിന്നിൽ മുൻഭർത്താവ് നാഗചൈതന്യയും കുടുംബവുമാണോ എന്നും ആരാധകർ സംശയം പ്രകടിപ്പിക്കുന്നുണ്ട്. ഡിവോഴ്സിനെ തൊട്ട് പിന്നാലെയായിരുന്നു ‌ നടി ഐറ്റം ഗാനത്തിൽ പ്രത്യക്ഷപ്പെട്ടത്. ഇത് നാഗ ചൈതന്യയേയും കുടുംബത്തേയും ഏറെ ചൊടിപ്പിച്ചതായും വാർത്തകൾ പ്രചരിച്ചിരുന്നു. നടിയുടെ ബോൾഡ് കഥാപാത്രങ്ങളാണ് വേർപിരിയലിലേയ്ക്ക് എത്തിച്ചതെന്നും വാർത്തകൾ വന്നിരുന്നു. കൂടാതെ ഒരു അഭിമുഖത്തിൽ നാഗ ചൈതന്യ സൂചിപ്പിക്കുകയും ചെയ്തിരുന്നു. വേഷങ്ങൾ തിരഞ്ഞെടുക്കുന്നതിനെ കുറിച്ച് ചോദിക്കുമ്പോഴായിരുന്നു നടന്റെ മറുപടി.

''എല്ലാത്താരം വേഷങ്ങളും കെട്ടിക്കാൻ പറ്റിയ ആളാണ് ഞാൻ. എന്നാൽ ഇത് തന്റെ കുടുംബത്തെയും ഞങ്ങളുടെ അഭിമാനത്തേയും ബാധിക്കരുത്.എന്റെ കുടുംബാംഗങ്ങൾക്ക് നാണക്കേടുണ്ടാക്കുന്ന തരത്തിലുള്ള വേഷങ്ങൾ ഞാൻ സ്വീകരിക്കില്ലെന്നായിരുന്നു നടൻ ഉത്തരം നൽ‌കിയത്. ഇത് സാമന്തയ്ക്കുള്ള മറുപടിയാണോ എന്നും ആരാധകർ ചോദിച്ചിരുന്നു.

Recommended Video

മോശം കമന്റിട്ടയാളെ പറപ്പിച്ച് സാമന്ത | FilmiBeat Malayalam

അല്ലു അര്‍ജുന്‍ നിര്‍ബന്ധിച്ചതു കൊണ്ട് മാത്രമാണ് ഐറ്റം നമ്പര്‍ ചെയ്തതെന്ന് സാമന്തയും അഭിമുഖത്തിൽ പറഞ്ഞിരുന്നു. . അല്ലു അര്‍ജുന്‍ പറഞ്ഞില്ലായിരുന്നെങ്കില്‍ ആ ഗാനം ചെയ്യില്ലായിരുന്നു എന്നാണ് സാമന്ത പറയുന്നത്.തനിക്ക് പല ഇന്‍ഹിബിറ്റേഷന്‍സും ഉണ്ടായിരുന്നു. പാട്ട് എങ്ങിനെ പുറത്തു വരും എന്ന പേടിയും. പക്ഷെ അല്ലു അര്‍ജുന്‍ തന്നെ ഇരുത്തി, കാര്യങ്ങള്‍ പറഞ്ഞ് ബോധ്യപ്പെടുത്തി. അദ്ദേഹത്തിന്റെ പ്രോത്സാഹനം ഒന്ന് കൊണ്ട് മാത്രമാണ് ആ പാട്ട് ചെയ്തത്. അല്ലെങ്കില്‍ താന്‍ ചെയ്യില്ലായിരുന്നു എന്നും നട കൂട്ടിച്ചേർക്കുന്നു. സിനിമ റിലീസ് ചെയ്യാന്‍ ദിവസങ്ങള്‍ മാത്രം ബാക്കി നില്‍ക്കെയാണ് സാമന്ത ഈ ഗാനത്തില്‍ അഭിനയിച്ചത്. ഒന്നര കോടി രൂപയാണ് ഒരൊറ്റ ഗാനരംഗത്ത് അഭിനയിക്കുന്നതിന് വേണ്ടി പ്രതിഫലം വാങ്ങിയത്.