ബാലയ്യയെ വെച്ച് സിനിമ ചെയ്യില്ല, നടന്റെ മുഖത്ത് നോക്കി പറഞ്ഞ് രാജമൗലി, കാരണം ഇതാണ്...

സിനിമ പ്രെമോഷന്റെ ഭാഗമായി രാജമൗലി തെലുങ്ക് താരം നന്ദമൂരി ബാലകൃഷ്ണയുടെ ടോക്ക് ഷോയിൽ പങ്കെടുത്തിരുന്നു. സംഗീത സംവിധായകൻ എംഎം കീരവാണിക്കൊപ്പമാണ് എത്തിയത്. താരങ്ങളുടെ രസകരമായ അഭിമുഖം ഇപ്പോൾ സോഷ്യൽമീഡിയയിൽ വൈറലാവുകയാണ്. അഭിമുഖത്തിൽ ബാലയ്യയെ വെച്ച് സിനിമ ചെയ്യാത്തതിനെ കുറിച്ച് എസ്എസ് രാജമൗലിയോട് ചോദിച്ചിരുന്നു. ബാലകൃഷ്ണയെ വെച്ച് സിനിമ ചെയ്യാൻ തനിക്ക് പേടിയാണെന്നാണ് രാജമൗലി മറുപടിയായി പറഞ്ഞത്. സിനിമ സെറ്റിൽ അദ്ദേഹവുമായി ഇടപെടാൻ ഭയമുണ്ടെന്നും സംവിധായകൻ കൂട്ടിച്ചേർത്തു

രാജമൗലിയുടെ വാക്കുകൾ ഇങ്ങനെ... തനിക്ക് ബാലകൃഷ്ണയെ വെച്ച് സിനിമ ചെയ്യാൻ ഭയമാണ്. കാരണം അദ്ദേഹത്തെ കൈകാര്യം ചെയ്യാൻ കഴിയില്ല. പ്രായഭേദമന്യേ എല്ലാവരേയും ഒരേ സമയം ബഹുമാനിക്കുന്ന വ്യക്തിയാണ്. എന്നാൽ എന്തെങ്കിലും തെറ്റ് സംഭവിക്കുമ്പോൾ അദ്ദേഹത്തിന് ദേഷ്യം വരും. ദേഷ്യം വന്നാൽ സ്ഥിതി വഷളാകും. സെറ്റിൽ അദ്ദേഹവുമായി ഇടപെടാൻ എനിക്ക് പേടിയാണ്. എനിക്ക് അത്തരം സാഹചര്യങ്ങൾ കൈകാര്യം ചെയ്യാൻ കഴിയില്ല, അതിനാലാണ് താൻ ബാലകൃഷ്ണയ്‌ക്കൊപ്പം പ്രവർത്തിക്കാത്തതെന്നാണ് രാജമൗലി പറയുന്നത്,

സിനിമ ചെയ്യാൻ കാലതാമസം എടുക്കുന്നതിനെ കുറിച്ചും ബാലകൃഷ്ണ ചോദിച്ചിരുന്നു. ഓരോ ഷോട്ടും നഷ്ടപ്പെടാതെ വളരെ സൂഷ്മായിട്ടാണ് ചെയ്യുന്നത്. ഇതുകൊണ്ടാണ് കൂടുതൽ സമയമെടുക്കുന്നതെന്നാണ് രാജമൗലി ചോദ്യത്തിന് ഉത്തരമായി പറഞ്ഞു. ഇതേ അഭിമുഖത്തിൽ അവതാർ സിനിമയെ കുറിച്ച് നടൻ വിമർശിച്ചിരുന്നു. അവതാർ തനിക്ക് ഒട്ടും ഇഷ്ടപ്പെടാത്ത സിനിമകളിൽ ഒന്നാണ് എന്നാണ് ബാലയ്യ പറഞ്ഞത്. അവതാർ സിനിമ കണ്ട് തുടങ്ങിയപ്പോഴെ മടുത്തുവെന്നും എഴുന്നേറ്റ് പോയി എന്നുമാണ് നടൻ പറഞ്ഞത്. എന്നാൽ ഇതിന് കൃത്യമായ മറുപടിയുടെ രാജമൗലി നൽകിയിരുന്നു.

Recommended Video

Balakrishna lose his temper and throw phone in audio launch

'നിങ്ങളുടെ ജനറേഷന് അവതാർ പോലുള്ള സിനിമകൾ ഉൾക്കൊള്ളാൻ സാധിക്കില്ലെന്നും പക്ഷെ ഞങ്ങളുടെ ജനറേഷന് അവതാർ ഒരുപാട് ഇഷ്ടപ്പെട്ട സിനിമയാണ്' എന്നാണ് രാജമൗലി ബാലയ്യയോട് മറുപടിയായി പറഞ്ഞത്. മറ്റ് ഹീറോകളുടെ സിനമകൾ കാണാൻ താൽപര്യമില്ലാത്ത വ്യക്തിയാണ് ബാലയ്യയെന്ന് നേരത്തെ താരത്തിന്റെ പത്ന തന്നെ പറഞ്ഞിട്ടുണ്ട്. തിയേറ്ററിൽ പോയാലും പകുതിക്ക് വെച്ച് ഇറങ്ങിപ്പോരുന്ന സ്വഭാവമാണ് ബാലയ്യയ്ക്കെന്നും താരത്തിന്റെ ഭാര്യ വെളിപ്പെടുത്തിയിരുന്നു. റിലീസിന് മുൻപ് തന്നെ ആർ ആർ ആർ കോടികൾ സ്വന്തമാക്കിയിട്ടുണ്ട്. . തമിഴ്, തെലുങ്ക്, ഹിന്ദി, കന്നട, മലയാളം എന്നീ ഭാഷകള്‍ക്ക് പുറമെ വിദേശ ഭാഷകളിലും ചിത്രം റിലീസ് ചെയ്യും.