മദ്യപാന സീന്‍ പറ്റില്ല, മലയാളി നടി ഉപേക്ഷിച്ചത് കീര്‍ത്തിയ്ക്ക് സൗഭാഗ്യമായി; മഹാനടി സിനിമയെ പറ്റി നിര്‍മാതാവ്

പ്രശസ്ത നിര്‍മാതാവ് അശ്വിനി ദത്ത് അടുത്തിടെ ഒരു ചാറ്റ് ഷോ യില്‍ പങ്കെടുത്തിരുന്നു. അഭിമുഖത്തില്‍ മഹാനടിയെ കുറിച്ചുള്ള ചോദ്യവും വന്നു. ഇതിന് മറുപടി പറയവേയാണ് സാവിത്രി എന്ന കേന്ദ്രകഥാപാത്രത്തെ അവതരിപ്പിക്കാന്‍ ആദ്യം തീരുമാനിച്ച നടിയെ കുറിച്ചും അവര്‍ പിന്മാറിയതിനെ പറ്റിയും നിര്‍മാതാവ് സംസാരിച്ചത്. അതൊരു മലയാളി നടിയായിരുന്നെന്നാണ് അശ്വിനി പറയുന്നത്. സിനിമയുടെ അണിയറ പ്രവര്‍ത്തകരെല്ലാം സാവിത്രിയുടെ പെര്‍ഫെക്ട് ചോയിസായി ആ നടിയെ തന്നെയാണ് കണക്ക് കൂട്ടിയത്.

സാവിത്രിയായി അഭിനയിക്കാനും ആ കഥാപാത്രത്തോട് ശരിയായ നീതി പുലര്‍ത്താനും ആ നടിയ്ക്ക് സാധിക്കുമെന്നും അതിന് അംഗീകാരം ലഭിക്കുമെന്നും താന്‍ കരുതിയിരുന്നതായി അശ്വിനി ദത്തും പറയുന്നു. എന്നാല്‍ സിനിമയുടെ കഥയെ കുറിച്ച് ചര്‍ച്ച ചെയ്യുന്നതിനിടയില്‍ അതിലെ മദ്യപാന രംഗങ്ങള്‍ ഒഴിവാക്കണമെന്ന് നടി ആവശ്യപ്പെട്ടു. എന്നാല്‍ തിരക്കഥയെ കുറിച്ച് അഭിപ്രായം പറയുന്നതിനൊപ്പം നടി ഡിമാന്‍ഡ് കൂടി വച്ചതോടെ തനിക്ക് ദേഷ്യം വന്നതായി നിര്‍മാതാവ് പറയുന്നു.

ഈ പ്രശ്‌നം വന്നതോടെ ആ നടിയെ ഇനി സിനിമയില്‍ അഭിനയിപ്പിക്കേണ്ടതില്ലെന്ന് തീരുമാനിച്ചു. അങ്ങനെയാണ് സംവിധായകന്‍ നാഗ് അശ്വിന്‍ കീര്‍ത്തി സുരേഷിനെ സമീപിച്ച് കഥാപാത്രത്തെ കുറിച്ച് പറയുന്നത്. മഹാനടിയിലെ വേഷത്തിന് വേണ്ടി അശ്വിനി ദത്ത് കീര്‍ത്തിയെ സമീപിപ്പിച്ചത് എല്ലാവരെയും ഞെട്ടിച്ച് കൊണ്ടാണ്. എന്നാല്‍ ആ വേഷത്തിന് പുതുമ നല്‍കി കൊണ്ടും തന്റെ പ്രകടനത്തിലൂടെയും എല്ലാവരെയും വിസ്മയിപ്പിക്കാന്‍ കീര്‍ത്തിയ്ക്ക് സാധിച്ചതായിട്ടും അശ്വിനി വെളിപ്പെടുത്തി.

Recommended Video

Gopi Sundar & Amrutha Suresh: കട്ടക്കലിപ്പിൽ ഗോപി സുന്ദർ, ചെകിള ഞാൻ അടിച്ചു പൊളിച്ചേനെ

അശ്വിനി പറഞ്ഞതില്‍ നിന്നും ആ നടിയാരാണെന്നുള്ള കാര്യം പലര്‍ക്കും മനസിലായേക്കും. ഈ വാര്‍ത്തയുടെ താഴെ വരുന്ന കമന്റുകളില്‍ നടി നിത്യ മേനോനാണ് ആ വേഷത്തില്‍ അഭിനയിക്കേണ്ടിയിരുന്നതെന്നാണ് ആരാധകര്‍ പറയുന്നത്. എന്നാല്‍ നിത്യ അഭിനയിച്ച ആദ്യ ചിത്രത്തിലും പിന്നീട് ജനത ഗ്യാരേജ് എന്ന സിനിമയിലുമൊക്കെ നടി മദ്യപിക്കുന്ന സീനുകളില്‍ അഭിനയിച്ചിട്ടുണ്ട്. അതുകൊണ്ട് തന്നെ നടി പിന്മാറിയതിന് മറ്റെന്തെങ്കിലും കാരണം ഉണ്ടായേക്കും എന്നാണ് ആരാധകരുടെ വിശദീകരണം.