'നടി സുസ്മിത സെന്നിനോട് ക്രഷായിരുന്നു, അത് അവരോട് തന്നെ പറയുകയും ചെയ്തിട്ടുണ്ട്'; വെളിപ്പെടുത്തി നാഗചൈതന്യ!

Published: Tuesday, August 16, 2022, 15:12 [IST]

തെലുങ്കിലെ വിലപിടിപ്പുള്ള നടന്മാരിൽ‌ ഒരാളാണ് നാഗചൈതന്യ അക്കിനേനി. ലാൽ സിങ് ഛദ്ദയിലൂടെ ബോളിവുഡിലേക്കും അരങ്ങേറിയിരിക്കുകയാണ് നാഗചൈതന്യ. ആമിർഖാനൊപ്പമാണ് നാഗചൈതന്യ ലാൽ സിങ് ഛദ്ദയിൽ അഭിനയിച്ചിരിക്കുന്നത്.

ഒപ്പം അഭിനയിക്കണമെന്ന് ആഗ്രഹിക്കുന്ന നടിമാരുടെ വലിയൊരു ബക്കറ്റ് ലിസ്റ്റ് തന്നെ നാഗചൈതന്യയുടെ കൈയ്യിലുണ്ട്. അടുത്തിടെ ഒരു അഭിമുഖത്തിൽ ഒപ്പം അഭിനയിക്കണമെന്ന് താൻ ആഗ്രഹിക്കുന്ന നടിമാരെക്കുറിച്ച് താരം വെളിപ്പെടുത്തുകയും ചെയ്തു.

നിരവധി പേരുകൾ ഉണ്ടെന്ന് പറഞ്ഞുകൊണ്ടാണ് നടിമാരുടെ പേരകൾ നാഗചൈതന്യ പറ‍ഞ്ഞ് തുടങ്ങിയത്. ആലിയ ഭട്ട്, കരീന കപൂർ ഖാൻ, പ്രിയങ്ക ചോപ്ര, കത്രീന കൈഫ് എന്നിവരോടൊപ്പം പ്രവർത്തിക്കാനുള്ള ആഗ്രഹം അദ്ദേഹം പ്രകടിപ്പിച്ചു.

'എനിക്ക് ഒപ്പം അഭിനയിക്കണമെന്ന് ആഗ്രഹമുള്ള നടിമാരുടെ വലിയൊരു ലിസ്റ്റ് തന്നെയുണ്ട്. അതിൽ ആദ്യത്തേത് ആലിയ ഭട്ടാണ്. അവരുടെ പ്രകടനങ്ങൾ എനിക്ക് ഇഷ്ടമാണ്. ശേഷം പ്രിയങ്ക ചോപ്ര, കരീന കപൂർ ഖാൻ എന്നിവർക്കൊപ്പം അഭിനയിക്കണമെന്നാണ് ആഗ്രഹം. ഇനിയും പേരുകൾ ധാരാളമുണ്ട്.'

'ലിസ്റ്റ് നീണ്ടതാണ്. അതുപോലെ വളരെ സുന്ദരിയായി തോന്നിയിട്ടുള്ള നടിയാണ് കത്രീന കൈഫ്. അവർക്കൊപ്പം അഭിനയിക്കാൻ ആഗ്രഹമുണ്ട്' അഭിമുഖത്തിനിടെ തന്റെ ആദ്യത്തെ സെലിബ്രിറ്റി ക്രഷ് ആരായിരുന്നുവെന്നും നാഗചൈതന്യ വെളിപ്പെടുത്തി.

നടി സുസ്മിത സെന്നായിരുന്നു തന്റെ ആദ്യത്തെ സെലിബ്രിറ്റി ക്രഷെന്നും ഒരിക്കൽ അവരെ കാണാൻ അവസരം കിട്ടിയപ്പോൾ ഈ കാര്യം അവരോട് പറഞ്ഞിരുന്നുവെന്നും നാഗചൈതന്യ പറഞ്ഞു.

2021ലാണ് നാഗചൈതന്യ സാമന്തയുമായി വിവാഹമോചനം നടത്തിയത്. വർഷങ്ങളോളം നീണ്ട പ്രണയത്തിന് ശേഷം വിവാഹിതരായവർ നാല് വർഷത്തെ ദാമ്പത്യ ജീവിതത്തിന് ശേഷമാണ് വേർപിരിഞ്ഞത്.

അത് അവരോട് തന്നെ പറയുകയും ചെയ്തിട്ടുണ്ട്

ആ വാർത്ത ആരാധകർക്കും സിനിമ മേഖലയ്ക്കും ഒന്നാകെ ഷോക്ക് നൽകിയ ഒന്നായിരുന്നു. അത്രത്തോളം പ്രണയിച്ച് സ്നേഹിച്ച് ജീവിച്ചിരുന്നവർ എന്തിന് വേർപിരിഞ്ഞുവെന്നാണ് എല്ലാവരും തിരക്കിയത്.

വേർപിരിയലിന് ശേഷം രണ്ടുപേരും അവരുടെ കരിയറിൽ ശ്രദ്ധ കൊടുത്ത് മുന്നോട്ട് പോവുകയാണ്. പുഷ്പയ്ക്കും ഫാമിലി മാൻ 2 സീരിസിനും ശേഷം സാമന്തയുടെ താരമൂല്യം കുത്തനെ ഉയർന്നു.

പുഷ്പയിലെ സാമന്തയുടെ ഐറ്റം ഡാൻസ് വലിയ ഹിറ്റായിരുന്നു. അതേസമയം നാഗചൈതന്യ ഇപ്പോൾ കുറുപ്പ് സിനിമയിൽ നായികയായി എത്തി ശ്രദ്ധ നേടിയ ശോഭിത ധൂലിപാലയുമായി പ്രണയത്തിലാണെന്നാണ് റിപ്പോർട്ടുകൾ.

പിങ്ക് വില്ല എന്ന ബിടൗൺ മാധ്യമത്തിലാണ് ശോഭത ധൂലിപാലയും നാഗചൈതന്യയും പ്രണയത്തിലാണെന്ന വാർത്ത ആദ്യം വരുന്നത്. ജൂബിലി ഹിൽസിലെ നാഗ ചൈതന്യയുടെ നിർമാണം പുരോഗമിച്ച് കൊണ്ടിരിക്കുന്ന വീട്ടിൽ ശോഭിത എത്തിയെന്നും മണിക്കൂറുകൾക്ക് ശേഷം ഇവുവരും ഒരു
കാറിലാണ് തിരികെ മടങ്ങിയതെന്നുമായിരുന്നു വാർത്ത.

മെയ് 31 ന് നടന്ന ശോഭിതയുടെ പിറന്നാൾ ആഘോഷത്തിൽ അടുത്ത സുഹൃത്തുക്കൾക്കൊപ്പം നാഗ ചൈതന്യയും എത്തിയിരുന്നുവെന്നും റിപ്പോർട്ടുകൾ ഉണ്ടായിരുന്നു.

Recommended Video