ഇവന് വേണ്ടി ഇത്രയും പണം ചെലവാക്കാൻ ആരെങ്കിലും പറഞ്ഞോ? വിജയ് ദേവരെകാണ്ടയെക്കുറിച്ച് ഫിലിം മേക്കർ

എന്നാൽ അർജുൻ‌ റെഡി ഉണ്ടാക്കിയ വിജയം പിന്നീട് നടന് ആവർത്തിക്കാനായില്ല. ഡിയർ കംറേഡ്, വേൾഡ് ഫേയ്മസ് ലൗവർ തുടങ്ങിയ സിനിമകൾ വലിയ രീതിയിൽ ശ്രദ്ധിക്കപ്പെട്ടില്ല. ഇതിന് ശേഷം ഏറെ ഹൈപ്പുകളോടെ റിലീസ് ചെയ്ത സിനിമ ആയിരുന്നു ലൈ​ഗർ.

വിജയ് ദേവരകൊണ്ടയുടെ കരിയറിലെ തന്നെ ഏറ്റവും വലിയ ബി​ഗ് ബജറ്റ് സിനിമ ആയിരുന്നു ഇത്. പാൻ ഇന്ത്യൻ തലത്തിൽ റിലീസ് ചെയ്ത സിനിമ പക്ഷെ വൻ പരാജയം ആണ് ഏറ്റുവാങ്ങിയത്. കനത്ത പരാജയം മൂലം പ്രതിഫലമായി വാങ്ങിയ തുകയിൽ നിന്നും ആറ് കോടി നടൻ തിരിച്ചു കൊടുത്തെന്നും റിപ്പോർട്ടുകൾ വന്നിരുന്നു.

ലൈ​ഗർ റീലീസ് ചെയ്ത് കഴിഞ്ഞിട്ട് മാസങ്ങൾ കഴിഞ്ഞെങ്കിലും ഇപ്പോഴും സിനിമയുടെ പരാജയം സംബന്ധിച്ചുള്ള പ്രശ്നങ്ങൾ തുടരുകയാണ്. പരാജയം കനത്ത നഷ്ടമുണ്ടാക്കിയതിനാൽ നിർമാതാക്കൾ നഷ്ട പരിഹാരം തരണമെന്നാണ് വിതരണക്കാർ ആവശ്യപ്പെടുന്നത്. ഇതിനായി ചിത്രത്തിന്റെ നിർമാതാക്കൾക്കെതിരെ സമരം നടത്തുകയാണ് വിതരണക്കാർ. സമരക്കാർക്കെതിരെ ചിത്രത്തിന്റെ സംവിധായകനും കോ പ്രൊഡ്യൂസറുമായ പൂരി ജ​ഗന്നാഥ് രം​ഗത്ത് വന്നിട്ടുണ്ട്. തെലുങ്ക് സിനിമാ ലോകത്ത് വലിയ വിവാദമായിരിക്കുകയാണ് വിഷയം.

ഇപ്പോഴിതാ വിഷയത്തിൽ പ്രതികരണവുമായെത്തിയിരിക്കുകയാണ് പ്രമുഖ തെലുങ്ക് ഫിലിം മേക്കറായ താമരറെഡി ഭരദ്വാജ്. വിജയ് ദേവരകൊണ്ടയുടെ സിനിമ എന്തിനാണ് ഇത്ര വില കൊടുത്ത് വാങ്ങിയതെന്നാണ് ഇദ്ദേഹം ചോദിക്കുന്നത്.

'വിജയ് ദേവരകൊണ്ടയ്ക്ക് മേൽ ഇത്രയും പണം ചെലവഴിക്കാൻ ആര് പറഞ്ഞു. അവന്റെ മാർക്കറ്റും മുൻ സിനിമകൾ എങ്ങനെയാണ് പെർഫോം ചെയ്തതെന്നും ഇവർക്കറിയില്ലേ. ഒരു സിനിമയ്ക്ക് അധികം പണം ചെലവഴിച്ചിട്ട് പരാജയപ്പെടുമ്പോൾ നഷ്ടപരിഹാരം ചോദിക്കാൻ പറ്റില്ല'

'അത് ശരിയായ രീതി അല്ല. ശരിയായ കണക്കുകൂട്ടലിൽ വിതരണക്കാർ സിനിമ വാങ്ങണം. ആരും അവരോട് സിനിമ വാങ്ങാൻ ആവശ്യപ്പെടുന്നില്ല. പൂരി ജ​ഗന്നാഥ് ഇവരുടെ വീട്ടിൽ പോയി സിനിമ വാങ്ങാൻ അപേക്ഷിച്ചോ?' താമരറെഡി ഭരദ്വാജ് ചോദിച്ചു.
വിജയ് ദേവരകാെണ്ടയുടെ കരിയറിന് വലിയ തിരിച്ചടി ആണ് ലൈ​ഗറിന്റെ പരാജയം ഉണ്ടാക്കിയിരിക്കുന്നത് ഖുശി ആണ് നടന്റെ അടുത്ത സിനിമ. സമാന്ത ആണ് ചിത്രത്തിലെ നായിക.