സാമന്തയുമായി പിരിഞ്ഞപ്പോൾ നാഗചൈതന്യയെ അലട്ടിയത് ഈ ഒരു കാര്യമായിരുന്നു, വെളിപ്പെടുത്തി നടൻ

സാമന്തയുടെ പോസ്റ്റുകളാണ് ഇവർ തമ്മിലുള്ള പ്രശ്നത്തെ കുറിച്ചുളള സൂചന നൽകിയത്. എന്നാൽ നാഗ ചൈതന്യ മൗനം പാലിക്കുകയായിരുന്നു. നടിയുടെ സോഷ്യൽ മീഡിയ പോസ്റ്റുകൾ ചർച്ചയായപ്പോഴും നടൻ മൗനം വെടിഞ്ഞിരുന്നില്ല. വിവാഹമോചനത്തിന് ശേഷവും ചായി നിശബ്ദത തുടരുകയായിരുന്നു. പല തരത്തിലുള്ള വിവാദങ്ങളും വിമർശനങ്ങളും താരവിവാഹമോചനത്തിന് പിന്നാലെ വന്നിരുന്നു. ആരോപണങ്ങൾ കടുത്തപ്പോൾ പ്രതികരിച്ച് സാമന്ത രംഗത്ത് എത്തിയിരുന്നു എന്നാൽ അപ്പോഴും ചായി മൗനം‌ പാലിക്കുകയായിരുന്നു.

ഈ അടുത്ത കാലത്താണ് വിവാഹമോചനത്തെ കുറിച്ചും മറ്റും നാഗചൈതന്യ മനസ് തുറന്നത്. ബോളിവുഡ് മാധ്യമത്തിന് നൽകിയ അഭിമുഖത്തിലായിരുന്നു ഇത്. രണ്ട് പേരും ചേർന്നെടുത്ത തീരുമാനമായിരുന്നു എന്നാണ് ഡിവോഴ്സിനെ കുറിച്ച് നടൻ പറഞ്ഞത്. സാമന്തയ്ക്ക് ഏറെ ബഹുമാനം നൽകി കൊണ്ട് വളരെ പക്വതയോടെയായിരുന്നു വേർപിരിയലിനെ കുറിച്ച് സംസാരിച്ചത്. ''രണ്ടുപേരുടെയും നല്ലതിന് വേണ്ടിയാണ് വേർപിരിയാൻ തീരുമാനിച്ചത്. സമാന്ത സന്തോഷവതിയാണെങ്കില്‍ ഞാനും സന്തോഷവാനാണ്. ആ സാഹചര്യത്തിലെ മികച്ച തീരുമാനമാണ് ഇതെന്നുമായിരുന്നു'' നാഗചൈതന്യ പറഞ്ഞത് . ഇതിന് സമാനമായിട്ടായിരുന്നു സാമന്തയെ വേർപിരിയലിനെ കുറിച്ച് പറഞ്ഞത്.

സിനിമയെക്കാളും കുടുംബത്തിന് പ്രധാന്യം കൊടുക്കുന്ന ആളാണ് നാഗചൈതന്യ. അതുകൊണ്ട് തന്നെ വിവാഹമോചനത്തിന് ശേഷം ഏറ്റവും കൂടുതൽ ആശങ്കപ്പെട്ടതും ആ ഒരു കാര്യത്തിലായിരുന്നു എന്നും നടൻ പറയുന്നു. ബോളിവുഡ് ബബിൾസിന് നൽകിയ അഭിമുഖത്തിലാണ് ഇക്കാര്യം പഞ്ഞത്. തന്നെ കുറിച്ച് എന്ത് പറഞ്ഞാലും കുഴപ്പമില്ല. എന്നാൽ കുടുംബത്തെ കുറിച്ച് എഴുതുന്നത് വിഷമം ആണ്. അത് തന്നെ അലട്ടിയിരുന്നുവെന്നും നാഗചൈതന്യ പറഞ്ഞു.

നടന്റെ വാക്കുകൾ ഇങ്ങനെ...''വിവാഹമോചനത്തിന് ശേഷം തന്നെ അലട്ടയിരുന്നത് കുടുംബത്തെ കുറിച്ച് എന്തെങ്കിലും എഴുതുമോ എന്നതായിരുന്നു. അത് മാത്രമായിരുന്നു തന്നെ ഏറെ വിഷമിപ്പിച്ചിരുന്നു. എന്നെ കുറിച്ച് എന്ത് എഴുതിയാലും തനിക്ക് കുഴപ്പമില്ല. താൻ എപ്പോഴും വിചാരിക്കും ഫലമുള്ള മരത്തിൽ മാത്രമേ കല്ല് എറിയുകയുളളൂവെന്ന്. പഴങ്ങൾ ഇല്ലെങ്കിൽ, അവർ കല്ലെറിയില്ല, അല്ലേ?" എന്നും നടൻ ചോദിക്കുന്നു. കുടുംബം ഉൾപ്പെട്ടില്ലെങ്കിലും വലിയ കാര്യമൊന്നുമില്ലെന്നും നടൻ പറയുന്നു.

Recommended Video

സാമന്ത ഹാപ്പിയെങ്കിൽ താനും ഹാപ്പിയെന്ന് നാഗ ചൈന്യ | FilmiBeat Malayalam

11 വർഷത്തെ ബന്ധം അവസാനിപ്പിക്കുക എന്നത് താരങ്ങളെ സംബന്ധിച്ച് വലിയ കാര്യമാണ്. അത്രവേഗം സാധിക്കുന്ന ഒന്നല്ല. ഈ പ്രതിസന്ധിയെ തരണം ചെയ്തതിനെ കുറിച്ചും നടനോട് ചോദിക്കുന്നുണ്ട്. തന്റെ പ്രയാസകരമായ സമയത്ത് കുടുംബം ഒപ്പം നിന്നുവെന്നാണ് നടൻ പറയുന്നത്. രണ്ട് പേരും ചേർന്നെടുത്ത തീരുമാനമായിരുന്നു വിവാഹമോചനം. ബുദ്ധിമുട്ട് ഘട്ടത്തിൽ എന്റെ കുടുംബം ഒന്നടങ്കം എന്നോടൊപ്പം നിന്നു. ഞങ്ങൾ രണ്ടുപേരുടെയും താൽപ്പര്യങ്ങൾ മുൻനിർത്തി എടുത്ത തീരുമാനമായിരുന്നു അത്. അവൾ സന്തോഷവതിയാണ്. എനിക്കും സന്തോഷമുണ്ട്. ഞങ്ങൾ രണ്ടുപേരും പ്രൊഫഷണലിലും നന്നായി പ്രവർത്തിക്കുന്നുവെന്നും നാഗ ചൈതന്യ പറഞ്ഞു