പിരിയാനുണ്ടായ കാരണം സാമന്ത പറഞ്ഞോണ്ടിരിക്കുന്നു; നാഗ ചൈതന്യ മൗനത്തിലായതിന് പിന്നിലൊരു തന്ത്രമുണ്ടെന്ന് ആരാധകർ

ഏറെ കാലമായി പ്രചരിച്ചിരുന്ന ഗോസിപ്പുകള്‍ അവസാനിപ്പിച്ച് കൊണ്ടാണ് സാമന്തയും നാഗയും വേര്‍പിരിയുകയാണെന്ന കാര്യം വെളിപ്പെടുത്തിയത്. ഒക്ടോബര്‍ രണ്ടനായിരുന്നു പരസ്പര സമ്മതത്തോടെ വിവാഹമോചനത്തിന് വേണ്ടിയുള്ള അപേക്ഷ നല്‍കിയതായി താരങ്ങള്‍ പറഞ്ഞത്. നിലവില്‍ അതിന്റെ നിയമനടപടികള്‍ കോടതിയില്‍ നടന്ന് കൊണ്ടിരിക്കുകയാണ്. ഇതിനിടയിലാണ് സാമന്തയ്‌ക്കെതിരെ പല തരത്തിലുള്ള ആരോപണങ്ങളും ഉയര്‍ന്ന് വന്നത്. നടി ഗര്‍ഭിണിയാവാന്‍ സമ്മതിച്ചില്ലെന്നും അബേര്‍ഷന്‍ നടത്തിയെന്നുമടക്കം അനേകം അഭ്യൂഹങ്ങള്‍ പ്രചരിച്ചു.

തന്നെ കുറിച്ച് വ്യാജ വാര്‍ത്ത ചമച്ചവര്‍ക്കെതിരെ രൂക്ഷ വിമര്‍ശനവുമായി നടി എത്തുകയും ചെയ്തിരുന്നു. എന്നിട്ടും പലരും സാമന്തയെ മാത്രം ട്രോളാന്‍ തുടങ്ങിയതോടെയാണ് ഇപ്പോള്‍ ഒരു അഭിമുഖത്തിലൂടെ കാര്യങ്ങള്‍ വ്യക്തമാക്കിയത്. 'രണ്ട് പേര്‍ തമ്മില്‍ വേര്‍പിരിയുക എന്നത് വലിയ വേദന നല്‍കുന്ന കാര്യമാണെന്ന് പലപ്പോഴായി സാമന്ത പറഞ്ഞിരുന്നു. ചില യഥാര്‍ഥ്യങ്ങളെ അംഗീകരിക്കാന്‍ നമുക്ക് ബുദ്ധിമുട്ട് ഉണ്ടാവും. അങ്ങനെ വരുമ്പോഴാണ് പ്രശ്‌നങ്ങള്‍ കൂടുന്നത്. അതിനോട് നമ്മള്‍ പോരാടേണ്ടി വരും. ഈ സാഹചര്യം കടന്ന് പോയ താന്‍ എത്ര ശക്തയാണെന്ന് ഓര്‍ത്ത് അഭിമാനം തോന്നിയിട്ടുണ്ടെന്നുമടക്കം സാമന്ത നിരവധി കാര്യങ്ങള്‍ പറഞ്ഞിരുന്നു.

ജീവിതത്തില്‍ ദുര്‍ബലയായ വ്യക്തിയാണെന്ന ചിന്ത എനിക്ക് തോന്നി. വിവാഹമോചനത്തെ തുടര്‍ന്ന് താന്‍ മരിക്കുമെന്ന് വരെ കരുതി. എന്നാല്‍ എത്രത്തോളം ശക്തിയുള്ള സ്ത്രീയാണെന്ന് മനസിലായത് ഇപ്പോഴാണെന്ന് തുടങ്ങി അനേകം കാര്യങ്ങളാണ് സാമന്ത അഭിമുഖത്തില്‍ വ്യക്തമാക്കിയത്. ഇതോടെ വിവാഹമോചനത്തോട് സാമന്തയ്ക്ക് വലിയ താല്‍പര്യമില്ലായിരുന്നു എന്നാണ് വ്യക്തമാവുന്നത്. മാത്രമല്ല വ്യക്തി ജീവിതത്തെ സംബന്ധിക്കുന്ന കാര്യങ്ങള്‍ തുറന്ന് പറയാന്‍ കാണിച്ചത് അതിനൊരു പരിഹാരം കണ്ടെത്താന്‍ വേണ്ടിയാണെന്നും ആരാധകര്‍ സൂചിപ്പിച്ചു.

എന്നാല്‍ നാഗ ചൈതന്യ അന്നും ഇന്നും മൗനം പാലിക്കുന്നതാണ് എല്ലാവരെയും അത്ഭുതപ്പെടുത്തിയത്. നാഗയുടെ ആരാധകര്‍ തന്നെ അവഹേളിക്കുന്ന തരത്തില്‍ ട്രോളിയതിനെ കുറിച്ചും നടി പറഞ്ഞിരുന്നു. എന്നിട്ടും ഒരക്ഷരം മിണ്ടാതിരിക്കുകയായിരുന്നു നാഗ. സാമന്ത ഇത്തരം വെളിപ്പെടുത്തലുകള്‍ നടത്തി അവസാനം അതൊക്കെ മതിയാക്കി പോവുമെന്നും അതുവരെ മിണ്ടാതിരിക്കുന്നതാണ് നല്ലതെതന്ന് നടന് തോന്നിയിട്ടുണ്ടാവുമെന്നുമാണ് ചിലരുടെ അഭിപ്രായം. നടി പറയുന്നതിനൊപ്പം മറുപടി പറഞ്ഞാല്‍ ഇതൊന്നും ഒരിക്കലും അവസാനിക്കാതെ നിലനില്‍ക്കുമെന്ന ഭയവും നാഗ ചൈതന്യയ്ക്ക് കാണുമെന്നും ആരാധകര്‍ സൂചിപ്പിച്ചു.