മൂന്നാം ഭാര്യയെ ജീവിതത്തിൽ നിന്ന് ഒഴിവാക്കണം, ‌ജീവനാംശമായി അഞ്ച് കോടി നൽകി നടൻ നരേഷ്, നാലാം വിവാഹം ഉടൻ!

നടി പവിത്ര ലോകേഷും നടൻ വി.കെ നരേഷും വിവാഹിതരാകാൻ പോകുന്നുവെന്ന വാർത്ത പുതുവത്സര ദിനത്തിലാണ് പുറത്തുവന്നത്. വിഡിയോ സന്ദേശത്തിലൂടെയാണ് 2023ൽ തങ്ങൾ വിവാഹിതരാകുന്നുവെന്ന് ഇരുവരും വെളിപ്പെടുത്തിയത്.

വിവാഹ പ്രഖ്യാപനത്തോടൊപ്പം പവിത്രയ്ക്ക് സ്നേഹചുംബനം നൽകുന്ന ഒരു വീഡിയോയും നരേഷ് സോഷ്യൽമീഡിയയിൽ പങ്കുവെച്ചിരുന്നു.

അറുപത്തിരണ്ടുകാരനായ നരേഷിന്റെ നാലാം വിവാഹമാണ് നടക്കാൻ പോകുന്നത്. 43കാരിയായ പവിത്രയുടെ രണ്ടാം വിവാഹവും.

പവിത്രയും നരേഷും ദീർഘനാളായി പ്രണയത്തിലാണ്. ഇരുവരുടേയും ബന്ധത്തിന്റെ പേരിൽ ചില വിവാദ വാർത്തകളും കഴിഞ്ഞ വർഷം പ്രചരിച്ചിരുന്നു. നരേഷിനൊപ്പം ഹോട്ടലിലെത്തിയ പവിത്രയെ ആക്രമിക്കാനെത്തിയ നരേഷിന്റെ മുൻഭാര്യയുടെ വീഡിയോ സമൂഹമാധ്യമങ്ങളിൽ വൈറലായിരുന്നു.

നരേഷിന്റെ വിവാഹ വാർ‌ത്ത പ്രചരിക്കുന്നതോടൊപ്പം തന്നെ അദ്ദേഹത്തിന്റെ മൂന്നാം ഭാര്യയെ കുറിച്ചും സോഷ്യൽമീഡിയയും സിനിമാ മേഖലയും ചർച്ച ചെയ്യുന്നുണ്ട്.

Also Read: ആദ്യഭാര്യയിലെ മകന്റെ വിവാഹം; അച്ഛനായി ബാബുരാജ് എത്തി, വാണി വിശ്വനാഥ് നല്ല ഭാര്യ ആയത് കൊണ്ടാണെന്ന് ആരാധകരും

രമ്യ രഘുപതിയാണ് നരേഷിന്റെ മൂന്നാം ഭാര്യ. നാലാം വിവാ​ഹത്തിന് ഒരുങ്ങുന്ന നരേഷ് രമ്യയുമായുള്ള വിവാഹബന്ധം വേർപ്പെടുത്തിയോ എന്നത് ഇപ്പോഴും വ്യക്തമല്ല.

അതേസമയം നാലാം വിവാഹത്തിന് മുന്നോടിയായി നരേഷ് രമ്യയ്ക്ക് ജീവനാംശം നൽകി ജീവിതത്തിൽ നിന്നും ഒഴിവാക്കി എന്ന തരത്തിലും വാ​ർത്തകൾ വരുന്നുണ്ട്. വിവിധ കേന്ദ്രങ്ങളിൽ നിന്ന് ലഭിച്ച വിവരങ്ങൾ പ്രകാരം നരേഷ് തന്റെ മൂന്നാം ഭാര്യ രമ്യയ്ക്ക് ജീവനാംശമായി അഞ്ച് കോടി രൂപ നൽകിയെന്നാണ് റിപ്പോർട്ട്.

ഇരുകുടുംബങ്ങളിലേയും മുതിർന്നവരുടേയും അഭിഭാഷകരുടേയും സാന്നിധ്യത്തിൽ പ്രശ്‌നം ഒത്തുതീർപ്പായതായും അഭ്യൂഹങ്ങൾ ശക്തമാണ്. അതേസമയം കാര്യങ്ങൾ ഇത്ര എളുപ്പം കോംപ്രമൈസ് ചെയ്തതെങ്ങനെയെന്ന ചോദ്യങ്ങളും ഉയരുന്നുണ്ട്.

അതുമാത്രമല്ല രമ്യാ രഘുപതിക്ക് കർണാടകയിൽ കോടിക്കണക്കിന് രൂപ ആസ്തിയുണ്ടെന്നും അങ്ങനെയൊരാൾ നരേഷിന്റെ ഈ അഞ്ച് കോടി രൂപ വാങ്ങി ‌ബന്ധം വേർപ്പെടുത്താൻ സമ്മതം മൂളി എന്നത് വിശ്വാസയോ​ഗ്യമല്ലെന്നും ചിലർ അഭിപ്രായപ്പെട്ടു.

നരേഷിന്റേയും പവിത്ര ലോകേഷിന്റേയും വിവാഹം ഉടൻ തന്നെ ഗംഭീരമായി നടക്കും. നരേഷ് ആദ്യം വിവാഹം കഴിച്ചത് സീനിയർ ഡാൻസ് മാസ്റ്റർ ശ്രീനുവിന്റെ മകളെയാണ്. ആ ബന്ധത്തിൽ ദമ്പതികൾക്ക് നവീൻ വിജയ്കൃഷ്ണ എന്നൊരു മകനുണ്ട്.

നരേഷ് തന്റെ ആദ്യ ഭാര്യയെ ഡിവോഴ്സ് ചെയ്ത ശേഷം കവിയും ചലച്ചിത്ര ഗാനരചയിതാവുമായ ദേവുലാപ്പള്ളി കൃഷ്ണ ശാസ്ത്രിയുടെ ചെറുമകൾ രേഖ സുപ്രിയയെ വിവാഹം കഴിച്ചു. ഈ ബന്ധത്തിൽ തേജ എന്നൊരു മകനുമുണ്ട്.

നരേഷ് തന്റെ രണ്ടാം ഭാര്യയെ ഡിവോഴ്സ് ചെയ്ത ശേഷം 50 വയസ് പിന്നിട്ടപ്പോഴാണ് തന്നേക്കാൾ 20 വയസിന് ഇളയ രമ്യ രഘുപതിയെ വിവാഹം കഴിച്ചത്. ആ ബന്ധത്തിൽ ദമ്പതികൾക്ക് ഒരു മകനുണ്ട്.