മുഖ സൗന്ദര്യം കൂട്ടണം; കാശെറിഞ്ഞ് കത്തി വെച്ച് അല്ലു; നടന്റെ പഴയ ചിത്രം കണ്ട് അമ്പരന്ന് ആരാധകർ

കേരളത്തിൽ നിന്ന് ലഭിക്കുന്ന സ്നേഹത്തെ പറ്റി അല്ലു അർജുൻ നേരത്തെ സംസാരിച്ചിട്ടുണ്ട്. അതേസമയം ഇന്ന് അല്ലു തെലുങ്കർക്കും മലയാളികൾക്കും മാത്രം പ്രിയപ്പെട്ടവനല്ല മറിച്ച് ഉത്തരേന്ത്യൻ സിനിമകളിലും അറിയപ്പെടുന്ന നടനാണ്. പുഷ്പ എന്ന സിനിമയു‍ടെ വിജയമാണ് നടന് ഈ നേട്ടം നേടിക്കൊടുത്തത്.

സുകുമാർ സംവിധാനം ചെയ്ത 2021 ൽ പുറത്തിറങ്ങിയ സിനിമ വൻ വിജയമായി. സിനിമയിൽ വില്ലനായെത്തിയത് മലയാളി നടൻ ഫഹദ് ഫാസിലാണ്.

രശ്മിക മന്ദാന നായികയായും സമാന്ത ഡാൻസ് നമ്പറുമായും എത്തിയതോടെ സിനിമ വൻ ഹിറ്റായി. പുഷ്പയ്ക്ക് ശേഷം അല്ലുവിന്റെ പുതിയ സിനിമകളൊന്നും റിലീസ് ചെയ്തിട്ടില്ല. പുഷ്പ 2 അണിയറയിൽ ഒരുങ്ങിക്കൊണ്ടിരക്കുകയാണ്.

സോഷ്യൽ മീഡിയയിൽ അല്ലുവിന്റെ ചില ഫോട്ടോകളാണിപ്പോൾ വൈറലാവുന്നത്. നടന്റെ പഴയ ലുക്കും പുതിയ ലുക്കും താരതമ്യം ചെയ്താണ് ചർച്ചകൾ. അന്നത്തെയും ഇന്നത്തെയും അല്ലുവിന്റെ മുഖങ്ങൾ തമ്മിൽ വ്യത്യാസമുണ്ടെന്ന് പലരും അഭിപ്രായപ്പെടുന്നു.

നടൻ നോസ് സർജറിയും, താടിയെല്ല് ക്രമീകരിക്കുകയും ചെയ്തിട്ടുണ്ടെന്ന് ചിലർ വാദിച്ചു. റെഡിറ്റിലാണ് അല്ലു അർജുന്റെ പ്ലാസ്റ്റിക് സർജറി സംബന്ധിച്ച് വലിയ ചർച്ച നടക്കുന്നത്.

പ്ലാസ്റ്റിക് സർജറി നടത്തിയെന്ന് പറഞ്ഞ് പലരും നടിമാരെ അധിക്ഷേപിക്കാറുണ്ടെന്നും എന്നാൽ എന്ത് കൊണ്ടാണ് നടൻമാരുടെ പ്ലാസ്റ്റിക് സർജറി ചൂണ്ടിക്കാട്ടാത്തതെന്നും ചോദ്യം വന്നു. രാം ചരൺ, ദുൽഖർ തുടങ്ങിയ താരങ്ങളും പ്ലാസ്റ്റിക് സർജറി ചെയ്തിട്ടുണ്ടെന്ന് മറ്റു ചിലർ ചൂണ്ടിക്കാട്ടി.

അല്ലുവിന‍െ കൂടാതെ രാം ചരണിന്റെ പഴയ മുഖവും ഇപ്പോഴത്തെ മുഖവും നോക്കുമ്പോൾ വ്യത്യാസമുണ്ട്. ഇരുവരും ബന്ധുക്കളുമാണ്. പൊതുവെ നായക നടൻമാരെ ആരാധ്യ പുരുഷൻമാരായി കാണുന്ന തെലുങ്ക് സിനിമാ ലോകത്ത് നടൻമാർക്കെതിരെ ഇത്തരം ആരോണങ്ങളും ട്രോളുകളും വരുന്നത് കുറവാണ്.

പ്ലാസ്റ്റിക് സർജറി ചെയ്തതായി അല്ലു ഇതുവരെ എവിടെയും പറഞ്ഞിട്ടില്ല. തെലുങ്കിൽ ഏറ്റവും കൂടുതൽ പ്രതിഫലം കൈപറ്റുന്ന നായക നടൻമാരിലൊരാളാണ് അല്ലു. പുഷ്പ 2 വിൽ നടന്റെ പ്രതിഫലം നൂറ് കോടിക്കടുത്താണെന്നാണ് റിപ്പോർട്ടുകൾ. താരങ്ങൾക്കിടിയിൽ കോസ്മെറ്റിക് സർജറി ഇപ്പോൾ മുമ്പത്തേക്കാൾ കൂടുതലാണ്.

നിരവധി നടിമാരും നടൻമാരും ഇതിനം ഇത്തരം സർജറികൾ നടത്തിയിട്ടുണ്ട്. ചിലർ ഇക്കാര്യം രഹസ്യമായി സൂക്ഷിക്കുമ്പോൾ ചിലർ പരസ്യമായി ഇക്കാര്യം സമ്മതിക്കുന്നു. നടി ശ്രുതി ഹാസൻ പ്ലാസ്റ്റിക് സർജറി ചെയ്തിട്ടുണ്ടെന്ന് തുറന്ന് പറഞ്ഞിട്ടുണ്ട്.