ഡിവോഴ്സ് ചെയ്യുമെന്ന് സാമന്ത വർഷങ്ങൾക്ക് മുമ്പേ പറഞ്ഞിരുന്നു, അറം പറ്റിയ വാക്കുകൾ വൈറൽ ആകുന്നു

."ഞങ്ങളുടെ എല്ലാ സുമനസ്സുകൾക്കും. ഒരുപാട് ആലോചനകൾക്കും ചിന്തകൾക്കും ശേഷം ഞങ്ങൾ വേർപിരിയാൻ തീരുമാനിച്ചു. ഒരു ദശാബ്ദത്തിലേറെ നീണ്ട സൗഹൃദം ഞങ്ങളുടെ ഭാഗ്യമാണ്, അത് ഞങ്ങളുടെ ബന്ധത്തിന്റെ കാതലായിരുന്നു, ഞങ്ങൾക്കിടയിൽ എല്ലായിപ്പോഴും ഒരു പ്രത്യേക ബന്ധം നിലനിൽക്കുമെന്ന് വിശ്വസിക്കുന്നു. ഞങ്ങളുടെ ആരാധകരോടും അഭ്യുദയകാംക്ഷികളോടും മാധ്യമങ്ങളോടും ബുദ്ധിമുട്ടുള്ള ഈ സമയത്ത് ഞങ്ങളെ പിന്തുണയ്ക്കാനും മുന്നോട്ട് പോകാൻ ആവശ്യമായ സ്വകാര്യത നൽകാനും അഭ്യർത്ഥിക്കുന്നു'' എന്നായിരുന്നു വിവാഹമോചനത്തെ കുറിച്ച് താരങ്ങൾ പറഞ്ഞത്.

എന്നാൽ ഈ കുറിപ്പ് ഇപ്പോൾ സാമന്ത സോഷ്യൽ മീഡിയയിൽ നിന്ന് ഒഴിവാക്കിയിട്ടുണ്ട്. പോസ്റ്റ് പിൻവലിച്ചതിന് പിന്നാലെ താരങ്ങൾ ഒന്നിക്കുന്നു എന്നുള്ള അഭ്യൂഹങ്ങളും പ്രചരിച്ചിരുന്നു. എന്നാൽ ഇനി ഒന്നിച്ച് പോകില്ലെന്നും ഇരുവരും തങ്ങളുടെ ജീവിതവുമായി മുന്നോട്ട് പോയിട്ടുണ്ടെന്നും താരങ്ങളുമായി ബന്ധപ്പെട്ട വൃത്തങ്ങൾ വ്യക്തമാക്കിയിട്ടുണ്ട്. ഇനിയൊരു അനുരഞ്ജനത്തിന് സ്ഥാനമില്ലെന്നും പറയുന്നു. തന്റെ ജീവിതത്തിൽ ബാധകമല്ലാത്ത കാര്യങ്ങൾ സമൂഹമാധ്യമങ്ങളിൽ വേണ്ടെന്ന തീരുമാനത്തിലാണ് ഈ കുറിപ്പ് സാമന്ത നീക്കം ചെയ്തതെന്നാണ് ഇവർ വ്യക്തമാക്കുന്നത്.

താരങ്ങളുടെ വിവാഹമോചനം ചർച്ചയാവുമ്പോൾ, ഇപ്പോൾ സോഷ്യൽ മീഡിയയിൽ വൈറൽ ആകുന്നത് വർഷങ്ങൾക്ക് മുൻപ് നടി പറഞ്ഞ വാക്കുകളാണ്. 2013 ൽ സാമന്ത തമാശയ്ക്ക് പറഞ്ഞ വാക്കുകളാണ് ഇപ്പോൾ ജീവിതത്തിൽ സത്യമായിരിക്കുന്നത്. വിവാഹത്തിന് ശേഷം ബന്ധം വേർപിരിയുമെന്നായിരുന്നു അന്ന് നടി പറഞ്ഞത്. 2013 ൽ സുഹൃത്തുകളോടൊപ്പമുള്ള ചാറ്റാണ് ഇപ്പോൾ വൈറൽ ആവുന്നത്.

2013 ൽ വിവാഹത്തെ കുറിച്ച സാം ഒരു പോസ്റ്റ് പങ്കുവെച്ചിരുന്നു. ഇതുമായി ബന്ധപ്പെട്ട് സുഹൃത്തുക്കളുമായി നടന്ന രസകരമായ ചർച്ചയ്ക്കൊടുവിലാണ് വിവാഹമോചിതയാവുമെന്ന് നടി പറഞ്ഞത്. ആ സംഭാഷണമാണ് ആരാധകർ വീണ്ടും കുത്തിപ്പൊക്കിയിരിക്കുന്നത്. 'എനിക്ക് പ്രായം കൂടുന്നു . അമ്മ തിരക്കുകൂട്ടി തുടങ്ങി' എന്നായിരുന്നു സമാന്ത പറഞ്ഞത്. മറുപടിയപമായി സുഹൃത്തും നടിയുമായ വിദ്യുരാമനും സംവിധായകന്‍ ഹാരിഷ് ശങ്കറും എത്തിയിരുന്നു. സമാന്തയുടെ വിവാഹത്തിന് നൃത്തം ചെയ്യുമെന്നായിരുന്നു ഇവരുടെ കമന്റ്. ' നിങ്ങളുടെ ഡാന്‍സ് കാണാന്‍ വേണ്ടി മാത്രം വിവാഹം ചെയ്യാം എന്നിട്ട് വിവാഹ മോചിതയാകാം' എന്ന് സാം മറുപടിയായി പറഞ്ഞത്.

Recommended Video

സാമന്ത ഹാപ്പിയെങ്കിൽ താനും ഹാപ്പിയെന്ന് നാഗ ചൈന്യ | FilmiBeat Malayalam

'അങ്ങനെയെങ്കില്‍ സമാന്തയുടെ വിവാഹ മോചനത്തിനും ഞങ്ങള്‍ നൃത്തം ചെയ്യും എന്ന് ഹാരിഷ് ശങ്കര്‍ തമാശ രൂപേണെ പറഞ്ഞു. ഹലോ, ഒന്ന് അടങ്ങൂ.. ഞാന്‍ ഈ അടുത്ത കാലത്തൊന്നും വിവാഹം ചെയ്യാന്‍ ഉദ്ദേശിക്കുന്നില്ല.. അതുകൊണ്ട് തത്കാലം നിർത്തുവെന്ന് പറഞ്ഞ് ആ സംഭാഷണം നടി അവസാനിപ്പിക്കുകയായിരുന്നു. താരങ്ങളുടെ സംഭാഷണം വൈറൽ ആയതോടെ ഇതിൽ പ്രതികരിച്ച് ആരാധകർ രംഗത്ത് എത്തിയിട്ടുണ്ട്. നടി വാക്കുകൾ അറംപ്പറ്റിപ്പോയി എന്നാണ് പ്രേക്ഷകർ പറയുന്നത്.