കൗൺസിലിംഗ് ഫലം കണ്ടില്ല, വിവാഹമോചനത്തിന് ശേഷം സാമന്തയ്ക്ക് ലഭിക്കുന്നത് കോടികൾ

സാമന്ത-നാഗചൈതന്യ വിഷയത്തിൽ പിതാവും നടനുമായ നാഗാർജുന ഇടെപട്ടിട്ടുണ്ടെന്നും ടോളിവുഡ് മാധ്യമങ്ങൾ റിപ്പോർട്ട് ചെയ്യുന്നുണ്ട്. ഇരുവരും തമ്മിലുള്ള പ്രശ്നം പരിഹരിക്കാൻ നടൻ മുൻ മുന്‍കൈ എടുക്കുന്നുവെന്നാണ് പ്രചരിക്കുന്ന റിപ്പോർട്ട്. ഇരുവരും തമ്മിലുള്ള തെറ്റിദ്ധാരണ മാറ്റാൻ തന്നാൽ കഴിയുന്ന വിധം നടൻ ശ്രമിക്കുന്നുണ്ടെന്നാണ് പ്രചരിക്കുന്ന റിപ്പോർട്ടിൽ പറയുന്നത് . ഈ വിഷയത്തെ തുടർന്ന് പൊതുവേദിയിൽ നിന്ന് മാറി നിൽക്കുകയാണ് നടൻ. ബിഗ് ബോസ് തെലുങ്ക് സീസണിന്റെ പ്രസ്മീറ്റിൽ നടൻ പങ്കെടുത്തിരുന്നില്ല. കൊവിഡ് പ്രതിസന്ധിയെ തുടർന്നാണ് നടൻ ചടങ്ങിൽ നിന്ന് വിട്ടു നിന്നതെന്നായിരുന്നു അന്ന് ബിഗ് ബോസ് ടീം അറിയിച്ചത്.

ഇപ്പോഴിത പുറത്ത് വരുന്നത് താരങ്ങളുടെ വിവാഹമോചനത്തെ കുറിച്ചുള്ള പുതിയ വാർത്തയാണ്. കൗൺസിലിംഗ് ഫലം കണ്ടില്ലെന്നാണ് പ്രചരിക്കുന്ന റിപ്പോർട്ട്. കൂടാതെ വേർപിരിയണമെന്നുള്ള നിലപാടിൽ ഇപ്പോഴും താരങ്ങൾ ഉറച്ചു നിൽക്കുകയാണെന്നും വാർത്തകൾ പ്രചരിക്കുണ്ട്. കൂടാതെ വിവാഹമോചവുമായി ബന്ധപ്പെട്ടുള്ള നിയമപരമായ ഫോർമാലിറ്റികൾ രണ്ട് മാസത്തിനുള്ളിൽ അവസാനിക്കുനമെന്നും താരങ്ങളുമായി ബന്ധപ്പെട്ട വൃത്തങ്ങളെ ഉദ്ധരിച്ച് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. അതേസമയം വിവാഹമോചനത്തെ കുറിച്ച് ഔദ്യോഗികമായി വെളിപ്പെടുത്തിയിട്ടില്ല. കൂടാതെ വിവാഹമോചനത്തിന് ശേഷം നടിക്ക് 50 കോടി ജീവനാംശമായി ലഭിക്കുമെന്നാണ് വിവരം.

വിവാഹമോചന കഥകൾ ചർച്ചയാകുമ്പോൾ നാഗ ചൈതന്യയുടെ പുതിയ സിനിമ റിലീസിനൊരുങ്ങുകയാണ് .സായിപല്ലവിയാണ് നായികയായി എത്തുന്നത്. ചിത്രത്തിന്റെ ട്രെയിലറിന് മികച്ച പ്രേക്ഷക സ്വീകാര്യതയായിരുന്നു ലഭിച്ചിരുന്നത്. നാഗചൈതന്യ ട്വീറ്റർ പേജിൽ ട്രെയിലർ പങ്കുവെച്ചിരുന്നു.
നടന്റെ ട്വീറ്റ് സാമന്ത റീ ട്വീറ്റ് ചെയ്തിരുന്നു. ഇത് പ്രേക്ഷകരെ ഞെട്ടിപ്പിച്ചിരുന്നു. സായ് പല്ലവിയെ മാത്രം ടാ ഗ് ചെയ്തു കെണ്ടാണ് റീട്വീറ്റ് ചെയ്തത് എന്നാൽ വീണ്ടും പ്രേക്ഷകരെ ഞെട്ടിച്ചു കൊണ്ട് സാമന്തയ്ക്ക് മറുപടിയുമായി നാഗചൈതന്യ രംഗത്ത് എത്തിയിരുന്നു. നന്ദി സാം എന്നാണ് നടൻ കുറിച്ചത്. ഇതോടെ ആരാധകർ ആശങ്കയിലാവുകയായിരുന്നു. താരങ്ങൾ വീണ്ടും ഒന്നിക്കുമെന്ന് പ്രതീക്ഷിച്ചിരുന്നു. എന്നാൽ ഇപ്പോൾ പുറത്ത് വരുന്ന വാർത്തകൾ പ്രേക്ഷകരെ നിരാശയിലാഴ്ത്തിയിട്ടുണ്ട്.

Recommended Video

Samantha slaps paparazzis' for spreading divorce rumors | FilmiBeat Malayalam

ഏറെ നാളത്തെ പ്രണയത്തിന് ശേഷമാണ് സാമന്തയും നാഗചൈതന്യയും വിവാഹിതരാകുന്നത്. ഹിന്ദു, ക്രിസ്ത്യൻ മത ആചാരപ്രകാരമാണ് ഇരുവരും വിവാഹിതരായത്. വളരെ ആഡംബര വിവാഹമായിരുന്നു, നിരവധി താരങ്ങൾ വിവാഹത്തിന് പങ്കെടുത്തിരുന്നു. 2010ൽ ഗൗതം മേനോൻ സംവിധാനം ചെയ്ത യേ മായ ചേസാവെയുടെ സെറ്റിൽ വച്ചാണ് ഇരുവരും പ്രണയത്തിലാവുന്നത്. പിന്നീട് ഏഴ് വർഷത്തിന് ശേഷമായിരുന്നു ഇരുവരും വിവാഹിതരാവുന്നത്. കല്യാണത്തിന് ശേഷവും സാമന്ത സിനിമയിൽ സജീവമായിരുന്നു. വിവാഹ ശേഷവും മികച്ച പ്രേക്ഷക സ്വീകാര്യതയായിരുന്നു നടിക്ക് ലഭിച്ചത്.