ഭൂതകാലമാണ് ആളുകളെ ശക്തരാക്കുന്നത്, സാമന്തയുടെ വാക്കുകൾ വൈറൽ ആകുന്നു, പിന്തുണയുമായി ആരാധകർ

വിവാഹമോചനത്തിന് ശേഷം സാമന്തയ്ക്ക് നേരെ രൂക്ഷമായ സൈബർ ആക്രമണം ഉയർന്നിരുന്നു. വേർപിരിയലിന് കാരണം നടിയാണെന്ന് തരത്തിലായിരുന്നു വിമർശനം. എന്നാൽ തുടക്കത്തിൽ ഇതിനെതിരെ പ്രതികരിക്കാൻ സാമന്ത തയ്യാറായിരുന്നില്ല. എന്നാൽ വിമർശനം അതിരു വിട്ടപ്പോൾ നടി പ്രതികരിച്ച് രംഗത്ത് എത്തിയിരുന്നു. സൈബർ അറ്റാക്കിനെതിരെ നിയമപരമായി നീങ്ങുമെന്ന് മുന്നറിയിപ്പും നൽകിയിരുന്നു.വിവാഹമോചനത്തിന് ശേഷം സാമന്തയും നാഗചൈതന്യയും തങ്ങളുടെ ജോലിയിൽ സജീവമായിട്ടുണ്ട്. നല്ല നിരവധി ചിത്രങ്ങളാണ് താരങ്ങളുടേതായി അണിയറയിൽ ഒരുങ്ങുന്നത്

വിവാഹമോചനത്തിന് ശേഷവും സാമന്ത സമൂഹമാധ്യമങ്ങളിൽ സജീവമാണ്. തന്റെ പുതിയ പ്രൊജക്ടുകൾ പങ്കുവെയ്ക്കുന്നതിനോടൊപ്പം ഇമോഷൻസുംതുറന്ന് എഴുതാറുണ്ട്. ഇത് പ്രേക്ഷകരുടെ ഇടയിലും സിനിമ കോളങ്ങളിലും വലിയ ചർച്ചയാവാറുണ്ട്. ഇപ്പോഴിത സമൂഹമാധ്യമങ്ങളിൽ വൈറൽ ആകുന്നത് സാമന്ത പങ്കുവെച്ച കുറിപ്പാണ്. ശക്തരായ ആളുകളുടെ ഭൂതകാലം കഠിമായിരിക്കുമെന്നാണ് നടി പറയുന്നത്. ' ഈസിയായ ഭൂതകാലമുള്ള ശക്തനായ ഒരാളെ ഞാൻ ഒരിക്കലും കണ്ടിട്ടില്ലെന്നാണ് നടി പങ്കുവെച്ചിരുക്കുന്നത്. ,സാമിന്റെ വാക്കുകൾ സിനിമ കോളങ്ങളിൽ വൈറൽ ആയിട്ടുണ്ട്. ശക്തമായി മുന്നോട്ട് പോകാനാണ് ആരാധകർ പറയുന്നത്.

ഫിലിം ഫെയറിന് നൽകിയ അഭിമുഖത്തിൽ വിവാഹമോചനത്തെ കുറിച്ച് സാമന്ത പറഞ്ഞിരുന്നു. വേർപിരിയൽ തകർത്തു കളയുമെന്ന് ഭയപ്പെട്ടിരുന്നുവെന്നും സാം അഭിമുഖത്തിൽ പറഞ്ഞിരുന്നു. നടിയുടെ വാക്കുകൾ ഇങ്ങനെ...'' ജീവിതത്തിലെ മോശം അനുഭവങ്ങളെ സ്വീകരിച്ച് അതിനെ മനസ്സിലാക്കി മുന്നോട്ടു പോയാൽ പാതിപ്രശ്നങ്ങൾ ഒഴിവാകുമെന്ന് പറയുകയാണ് സാമന്ത. അതിന് തയ്യാറാവാതിരിക്കുമ്പോഴാണ് പരസ്പരം പോരാട്ടം നിർത്താതിരിക്കുന്നത്. ഇനിയും ജീവിതമുണ്ടെന്ന തിരിച്ചറിവോടെ കഴിഞ്ഞതിനെ ഉൾക്കൊണ്ട് നീങ്ങുകയാണ് വേണ്ടതെന്ന് സാമന്ത പറയുന്നു.

Recommended Video

മോശം കമന്റിട്ടയാളെ പറപ്പിച്ച് സാമന്ത | FilmiBeat Malayalam

നാ​ഗ ചൈതന്യയുമായുള്ള വിവാഹമോചനം തന്നെ തകർത്തു കളയുമോ എന്ന് ഭയപ്പെട്ടിരുന്നതായും സാമന്ത പറഞ്ഞു . താനെത്ര കരുത്തയാണെന്ന് തിരിച്ചറിഞ്ഞ് അത്ഭുതപ്പെട്ടു. സ്വയം ദുർബലയായ വ്യക്തിയാണ് എന്നാണ് കരുതിയിരുന്നത്. ഈ വിവാഹമോചനത്തോടെ തകരുകയോ മരിച്ചുപോവുകയോ ചെയ്യുമെന്ന് കരുതി. ഇന്ന് താനെത്ര കരുത്തയാണ് എന്നോർത്ത് അഭിമാനിക്കുകയാണ്.