'അവർ മരിച്ചതോടെ നരേഷ് ഒറ്റപ്പെട്ടു, ആ അവസ്ഥ പവിത്രയുമായുള്ള വിവാഹത്തിലേക്ക് നരേഷിനെ നയിച്ചു'; നിർമാതാവ്!

ദീർഘനാളായി ഇവർ പ്രണയത്തിലാണെന്ന വാർത്ത കേൾക്കുകയാണ്. ഇരുവരുടെയും ബന്ധത്തിന്റെ പേരിൽ നിരവധി വിവാദങ്ങളും ഉയർന്ന് വന്നിരുന്നു. തെലുങ്ക് സൂപ്പർ താരം മഹേഷ് ബാബുവിന്റെ സഹോദരനാണ് നരേഷ്. കന്നട നടൻ മൈസൂർ ലോകേഷിന്റ മകളാണ് പവിത്ര.

ആദി ലോകേഷ് പവിത്രയുടെ സഹോദരനാണ്. പവിത്രയും ലോകേഷും തമ്മിലുള്ള വിവാഹം കഴിഞ്ഞുവെന്ന വാർത്തകൾ സോഷ്യൽ മീഡിയയിൽ വ്യാപകമായി പ്രചരിച്ചതിന് പിന്നാലെയാണ് വിവാദങ്ങൾക്കും തുടക്കമായത്.

നരേഷിന്റെ മൂന്നാമത്തെ ഭാര്യയായ രമ്യ രഘുപതിയാണ് പ്രശ്നങ്ങളുണ്ടാക്കിയത്. മൈസൂരിലെ ഹോട്ടലിൽ ഇരുവരും ഒന്നിച്ച് താമസിച്ച വിവരം രമ്യ പുറത്ത് വിട്ടിരുന്നു. നരേഷിനൊപ്പം ഹോട്ടലിലെത്തിയ പവിത്രയെ രമ്യ ആക്രമിക്കാനെത്തിയതിന്റെ വീഡിയോയും സമൂഹമാധ്യമങ്ങളിൽ വൈറലായിരുന്നു.

പവിത്രയും നരേഷും സുഹൃത്തുക്കളാണെങ്കിൽ എന്തിനാണ് രാത്രി മുഴുവൻ ഒരു ഹോട്ടൽ മുറിയിൽ ഒന്നിച്ച് കഴിയുന്നതെന്നാണ് രമ്യ ചോദിക്കുന്നത്. ഇരുവരും പറയുന്നത് പച്ചക്കള്ളമാണെന്നും അവർ അന്ന് പറഞ്ഞു. 'രണ്ടുപേരും ഒന്നിച്ച് ഹോട്ടലിൽ താമസിക്കാനെത്തിയ വിവരം കിട്ടിയതോടെയാണ് രാത്രി തന്നെ ഹോട്ടലിൽ എത്തിയത്.'

'എന്നാൽ ബഹളം വെച്ച് ഇതൊരു പ്രശ്‌നമാകാതിരിക്കാൻ പ്രത്യേകം ശ്രദ്ധിച്ചു. പക്ഷെ​ എല്ലാവരുടേയും മുന്നിൽ വെച്ച് തന്നെ അപമാനിക്കാനാണ് നരേഷ് നോക്കിയത്' രമ്യ മാധ്യമങ്ങളോട് അന്ന് പറഞ്ഞത് ഇതായിരുന്നു. രമ്യയിൽ നിന്നും വിവാഹമോചനം നേടിയെന്നാണ് നരേഷ് മാധ്യമങ്ങളോട് പിന്നീട് പറഞ്ഞത്.

എന്നാൽ തങ്ങൾ ഇപ്പോഴും ദമ്പതികളാണെന്നാണ് രമ്യ പറഞ്ഞത്. അതേസമയം ഇപ്പോൾ തെലുങ്ക് സിനിമാ മേഖലയിലെ സീനിയർ നി‌ർമാതാക്കളിൽ ഒരാളായ ചിട്ടിബാബു നരേഷ് നാലാമതും വിവാഹിതനാകാനുള്ള യഥാർഥ കാരണം വെളിപ്പെടുത്തിയിരിക്കുകയാണ് ഇപ്പോൾ.

'2019ൽ അമ്മയുടെ മരണശേഷം നരേഷ് തനിച്ചായി. അദ്ദേഹത്തിന് പിതാവുമായി ഒരു ബന്ധവുമില്ലെന്ന് എല്ലാവർക്കും അറിയാം. സൂപ്പർസ്റ്റാർ കൃഷ്ണയ്‌ക്കൊപ്പം നാനക്രംഗുഡയിലെ വീട്ടിൽ താമസിച്ചിരുന്ന നരേഷ് കൃഷ്ണയുടെ മരണശേഷം ആകെ തകർന്നു.'

'അതിനാൽ അദ്ദേഹം വിവാഹം കഴിക്കാൻ തീരുമാനിക്കുകയും പവിത്രയുമായുള്ള വിവാഹത്തെക്കുറിച്ച് ഔദ്യോഗിക പ്രഖ്യാപനം നടത്തുകയുമായിരുന്നു. 2018ലാണ് നരേഷും പവിത്രയും പരസ്പരം കണ്ട് തുടങ്ങിയത്. നിരവധി സിനിമകളിൽ ഇരുവരും ഭാര്യാഭർത്താക്കന്മാരായി അഭിനയിച്ചിട്ടുണ്ട്.'

ഒരു യുട്യൂബ് ചാനലിന് നൽകിയ അഭിമുഖത്തിൽ ചിട്ടിബാബു പറഞ്ഞു. പവിത്രയുടെ മുൻ ഭർത്താവ് സുചേന്ദ്ര പ്രസാദാണ് ആ ബന്ധത്തിൽ ഒരു മകന്റെ പവിത്ര ലോകേഷിനുണ്ട്.

വലിയ ജീവനാംശം തന്റെ മൂന്നാം ഭാര്യയ്ക്ക് നരേഷ് നൽകിയതായും അടുത്തിടെ വാർത്തകൾ വന്നിരുന്നു. പവിത്രയുമായുള്ള വിവാഹം സുഖമമായി നടക്കാനാണ് നരേഷ് അത് ചെയ്തെന്നും റിപ്പോർട്ടുകളുണ്ടായിരുന്നു.