പുഷ്പയ്ക്ക് വേണ്ടി അല്ലു അര്‍ജുന്‍റെ പ്രതിഫലം 70 കോടി? രണ്ട് ഭാഗങ്ങള്‍ക്കായി റെക്കോര്‍ഡ് തുക

പാന്‍ ഇന്ത്യന്‍ പ്രോജക്ടായി ഒരുങ്ങുന്ന പുഷ്പയില്‍ വമ്പന്‍ താരനിരയാണ് അണിനിരക്കുന്നത്. അടുത്തിടെയാണ് അല്ലു അര്‍ജുന്‍ ചിത്രം രണ്ട് ഭാഗങ്ങളിലായിട്ടാണ് വരുന്നതെന്ന റിപ്പോര്‍ട്ടുകള്‍ വന്നത്. ആദ്യ ഭാഗത്തിന്‌റെ ഭൂരിഭാഗം രംഗങ്ങളും നേരത്തെ ചിത്രീകരിച്ചിരുന്നു. ഇനി 30 ദിവസത്തെ ഷൂട്ടിങ് കൂടിയാണ് ബാക്കിയുളളതെന്നാണ് അറിയുന്നത്.

തെലുങ്കിന് പുറമെ മലയാളം, കന്നഡ, തെലുങ്ക്, ഹിന്ദി ഭാഷകളിലായിട്ടാണ് സിനിമ പുറത്തിറങ്ങുക. രാഷ്മിക മന്ദാന നായികയാവുന്ന ചിത്രത്തില്‍ ധനഞ്ജയ്, സുനില്‍, അജയ് ഘോഷ് തുടങ്ങിയവരും മറ്റു പ്രധാന വേഷങ്ങളില്‍ എത്തുന്നു. അതേസമയം ഫഹദ് ഫാസിലിന്‌റെ ആദ്യതെലുങ്ക് ചിത്രം കൂടിയാണിത്. രണ്ടര മണിക്കുറില്‍ കഥ പറയാന്‍ ബുദ്ധിമുട്ടുളളതിനാലാണ് അല്ലു അര്‍ജുന്‍ ചിത്രം രണ്ട് ഭാഗങ്ങളാക്കിയതെന്ന് റിപ്പോര്‍ട്ടുകളുണ്ടായിരുന്നു.

ഓഗസ്റ്റ് 13നാണ് ആദ്യ ഭാഗത്തിന്‌റെ റിലീസ് ഡേറ്റ് പറഞ്ഞിരിക്കുന്നത്. അടുത്ത ഭാഗം 2022ല്‍ എത്തുമെന്നും റിപ്പോര്‍ട്ടുകളുണ്ടായിരുന്നു. ഇപ്പോഴത്തെ സാഹചര്യത്തില്‍ സിനിമ വീണ്ടും നീണ്ടുപോവാനാണ് സാധ്യത. അതേസമയം പുഷ്പയില്‍ അല്ലു അര്‍ജുന്‌റെ പ്രതിഫലം സംബന്ധിച്ച പുതിയ റിപ്പോര്‍ട്ടുകള്‍ സോഷ്യല്‍ മീഡിയയില്‍ പുറത്തുവന്നിരുന്നു. 60 മുതല്‍ 70കോടി വരെയാണ് പുഷ്പയില്‍ അല്ലു അര്‍ജുന്‍ വാങ്ങുന്നതെന്ന് റിപ്പോര്‍ട്ടുകള്‍ സൂചിപ്പിക്കുന്നു.

Recommended Video

Antony Perumbavoor announced new movie with jeethu joseph | FilmiBeat Malayalam

തെലുങ്ക് മാധ്യമങ്ങളാണ് ഇതുസംബന്ധിച്ച് റിപ്പോര്‍ട്ട് ചെയ്തിരിക്കുന്നത്. എന്നാല്‍ ഇതുസംബന്ധിച്ച് ഔദ്യോഗിക സ്ഥിരീകരണമൊന്നും ഇതുവരെയുണ്ടായിട്ടില്ല. മുന്‍പ് അല വൈകുന്ദപുരംലോ ചിത്രത്തിന് 35 കോടിയാണ് അല്ലു വാങ്ങിയതെന്ന് റിപ്പോര്‍ട്ടുകളുണ്ടായിരുന്നു. അതേ പ്രതിഫലം തന്നെയാണ് അല്ലു പുഷ്പയ്ക്കും വാങ്ങാനിരുന്നത്. എന്നാല്‍ സിനിമ രണ്ട് ഭാഗങ്ങളാക്കാന്‍ നിര്‍മ്മാതാവ് തീരുമാനിച്ചപ്പോള്‍ അല്ലു അര്‍ജുന്‍ പ്രതിഫലം കൂട്ടുകയായിരുന്നു എന്നും റിപ്പോര്‍ട്ടുകള്‍ പറയുന്നു.