Don't Miss!
- News 400 കിലോ തനി തങ്കവും 15 കോടിയും: കാനഡയുടെ ചരിത്രത്തിലെ ഏറ്റവും വലിയ കവർച്ച, ഇന്ത്യക്കാരും പിടിയിലായി
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
- Automobiles ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- Lifestyle 900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം
- Finance സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
- Travel അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
വിജയ് ദേവരകൊണ്ട ഇപ്പോഴും വിഷമത്തിൽ?; ലൈഗറിന്റെ പരാജയം നടനെ വലിയ രീതിയിൽ ബാധിച്ചെന്ന് റിപ്പോർട്ട്
തെലുങ്ക് സിനിമയിൽ നിന്നും ഉയർന്നു വന്ന യുവ താരങ്ങളിൽ ശ്രദ്ധിക്കപ്പെട്ട നടനാണ് വിജയ് ദേവരകൊണ്ട. സിനിമാ പാരമ്പര്യം ഇല്ലാതെ തന്നെ ചുരങ്ങിയ കാലയളവിനുള്ളിൽ ശ്രദ്ധിക്കപ്പെട്ട വിജയ് ദേവരകൊണ്ട തെന്നിന്ത്യയിലെ യൂത്ത് ഐക്കൺ ആയി അറിയപ്പെടുന്നു.
അർജുൻ റെഡി എന്ന സിനിമയ്ക്ക് ശേഷമാണ് വിജയ് ദേവരകൊണ്ടയുടെ കരിയർ മാറി മറിഞ്ഞത്. പ്രണയം തകർന്ന യുവാവിനെ മികച്ച രീതിയിൽ അവതരിപ്പിച്ച വിജയ് ദേവരകൊണ്ട പ്രശംസകൾ ഏറ്റുവാങ്ങി. തെലുങ്ക് സിനിമയ്ക്ക് പുറത്തും നടൻ ഈ സിനിമയിലൂടെ അറിയപ്പെട്ടു.
തമിഴ്, ഹിന്ദി ഭാഷകളിൽ സിനിമ റീമേക്ക് ചെയ്യപ്പെടുകയും ഉണ്ടായി. ഹിന്ദിയിൽ കബീർ സിംഗ് എന്ന പേരിലാണ് സിനിമ റീമേക്ക് ചെയ്തത്. ഷാഹിദ് കപൂർ ആയിരുന്നു സിനിമയിലെ നായകൻ. തമിഴിൽ ആദിത്യ വർമ്മ എന്ന പേരിലാണ് സിനിമ റീമേക്ക് ചെയ്തത്. നടൻ വിക്രമിന്റെ മകൻ ധ്രുവ് വിക്രം ആണ് ഈ സിനിമയിൽ നായകനായത്.
രണ്ട് റീമേക്കുകളും വലിയ ഹിറ്റ് ആയി. അർജുൻ റെഡിക്ക് ശേഷം വിജയ് ദേവരകൊണ്ടയെ തേടി നിരവധി അവസരങ്ങൾ എത്തി. ബോളിവുഡിൽ നിന്നു വരെ അവസരങ്ങൾ വന്നെങ്കിലും നടൻ വളരെ സൂക്ഷ്മതയോടെയാണ് പിന്നീട് കരിയറിൽ നീങ്ങിയത്. എന്നാൽ ഇടയ്ക്ക് വെച്ച് നടന് പിഴവ് പറ്റി എന്നാണ് ആരാധകർ പറയുന്നത്.
ഡിയർ കംറേഡ് ഉൾപ്പെടെയുള്ള സിനിമകളുടെ പരാജയത്തിന് പിന്നാലെ വിജയ് ദേവരകൊണ്ട കൈ കൊടുത്തത് ലൈഗർ എന്ന പാൻ ഇന്ത്യൻ പ്രൊജക്ടിനാണ്. നടന്റെ കരിയറിലെ തന്നെ ഏറ്റവും വലിയ ബിഗ് ബജറ്റ് സിനിമ ആയിരുന്നു ലൈഗർ. വിജയ് ദേവരകൊണ്ടയുടെ താരമൂല്യം മുഴുവൻ ഉപയോഗിച്ചായിരുന്നു സിനിമയുടെ പ്രൊമോഷനും. അതിനാൽ തന്നെ വലിയ ഹൈപ്പ് സിനിമയ്ക്കുണ്ടായിരുന്നു. ലൈഗറിന് വേണ്ടിയാണ് താനേറ്റവും അധികം കഠിനാധ്വാനം ചെയ്തതെന്ന് വിജയ് ദേവരകൊണ്ടയും പറഞ്ഞിരുന്നു.
എന്നാൽ പ്രതീക്ഷകൾ അസ്ഥാനത്താക്കി ലൈഗർ തിയറ്ററിൽ വൻ പരാജയം ഏറ്റു വാങ്ങി. റിലീസിന് മുമ്പ് വൻ ഹൈപ്പ് ലഭിച്ച സിനിമ ആയതിനാൽ തന്നെ പരാജയം വൻ ചർച്ചയുമായി. വിജയ് ദേവരകൊണ്ടയ്ക്കെതിരെ ട്രോളുകളും പരിഹാസങ്ങളും നിറഞ്ഞു. പരാജയം കടുപ്പമായതിനാൽ ലൈഗറിന് വേണ്ടി വാങ്ങിയ പ്രതിഫലത്തിൽ നിന്നും ആറ് കോടി നടൻ തിരികെ നൽകിയെന്നും റിപ്പോർട്ടുകൾ പുറത്തു വന്നിരുന്നു.
ഇപ്പോഴിതാ ലൈഗറിന്റെ പരാജയം വിജയ് ദേവരകൊണ്ടയെ എത്തരത്തിൽ ബാധിച്ചു എന്നാണ് തെലുങ്ക് മാധ്യമങ്ങളിലെ ചർച്ച. പതിവിൽ നിന്നും വ്യത്യസ്തനായി വിജയ് ദേവരകൊണ്ട പൊതുവേദികളിൽ മിതഭാഷിയും ശാന്തനുമാണെന്നാണ് റിപ്പോർട്ടുകൾ. പരാജയം വിജയ് ദേവരകൊണ്ടയെ വളരെയധികം വിഷമിപ്പിച്ചിട്ടുണ്ടെന്നും അതിനാൽ തന്നെ ആരാധകരുമായി ഇടപഴകാനുള്ള മാനസികാവസ്ഥയിലല്ല നടനെന്നും സൂചനയുണ്ട്.
ലൈഗറിന്റെ പ്രൊമോഷൻ പരിപാടികളിൽ ഉൾപ്പെടെ സന്തോഷവാനായ വിജയ് ദേവരകൊണ്ടയെ ആണ് ആരാധകർ കണ്ടത്. ലൈഗറിന്റെ പരാജയ ക്ഷീണത്തിൽ നിന്നും മാറി നടൻ പഴയ താരത്തിളക്കത്തിലേക്ക് തിരിച്ചു വരുമെന്നാണ് ആരാധകർ പ്രതീക്ഷിക്കുന്നത്.
-
'സാരമില്ലാ... ഒരു നല്ല കാര്യത്തിന് വേണ്ടിയാണല്ലോ'; മൂന്ന് വർഷങ്ങൾ കൊണ്ടെടുത്ത തീരുമാനത്തെ കുറിച്ച് മാളവിക!
-
നോറയും ജാസ്മിനും ഒന്നിച്ചു; ജിന്റോയെ നാണം കെടുത്തി; ജാസ്മിനും നോറയും തമ്മിൽ അടുക്കുമോ?
-
സിനിമയ്ക്ക് വേണ്ടി ഭാര്യയെയും കാമുകിയെയും ഉപേക്ഷിക്കുന്നവര്ക്ക് എതിരാണ്! ഷാരൂഖ് ഖാന്റെ വാക്കുകളിങ്ങനെ