പിതാവ് നല്‍കിയതടക്കം 1300 കോടിയുടെ ആസ്തി; രാം ചരണിന്റെ സ്വത്തുക്കളെ കുറിച്ചുള്ള കണക്ക് വിവരം പുറത്തായി

2007 ലാണ് ചിതുര എന്ന ചിത്രത്തിലൂടെ രാം ചരണ്‍ വെള്ളിത്തിരയില്‍ നായകനായി അരങ്ങേറ്റം കുറിക്കുന്നത്. ആദ്യ സിനിമയും പിന്നീട് വന്ന സിനിമകളുമൊക്കെ ശ്രദ്ധേയമായതോടെ രാം ചരണിന്റെ ജീവിതവും പ്രശസ്തിയിലായി.

ഏറ്റവുമൊടുവില്‍ ആര്‍ആര്‍ആര്‍ പോലെ സൂപ്പര്‍ഹിറ്റ് സിനിമയുടെ ഭാഗമായി തന്റെ സ്റ്റാര്‍ വാല്യൂ ഉയര്‍ത്തി കൊണ്ടിരിക്കുകയാണ് നടന്‍. രാം ചരണിന്റേതായി വരാന്‍ പോവുന്ന സിനിമകളും ഇതേ രീതിയില്‍ വലിയ പ്രതീക്ഷകള്‍ നല്‍കുന്നത്.

2012 ലാണ് തെലുങ്കില്‍ പ്രശസ്തി നേടിയ ബിസിനസ് കുടുംബത്തില്‍ നിന്നുള്ള ഉപാസന കാമിനേനിയെ താരം വിവാഹം കഴിക്കുന്നത്. പത്ത് വര്‍ഷത്തോളം നീണ്ട ദാമ്പത്യത്തിനൊടുവില്‍ താരദമ്പതിമാര്‍ ആദ്യ കണ്മണിയെ വരവേല്‍ക്കാന്‍ ഒരുങ്ങുകയാണ്.

കുടുംബത്തിലെ അനന്തരവകാശി വൈകാതെ എത്തുമെന്നും തങ്ങളുടെ കുടുംബം വലുതാന്‍ പോവുകയാണെന്നും നടന്‍ ചിരഞ്ജീവിയാണ് പുറംലോകത്തെ അറിയിച്ചത്. മകന്റെ സന്തോഷത്തില്‍ പിതാവും സന്തുഷ്ടനായിരുന്നു.

രാം ചരണ്‍ ഒരു അച്ഛനാവാന്‍ ഒരുങ്ങുന്നു എന്ന വാര്‍ത്ത വന്നതിന് പിന്നാലെയാണ് അദ്ദേഹത്തിന്റെ വരുമാനത്തെ കുറിച്ചും ആസ്തിയെ കുറിച്ചുമൊക്കെയുള്ള വിവരങ്ങള്‍ പുറത്ത് വരുന്നത്. ടൈംസ് നൗ പുറത്ത് വിട്ട റിപ്പോര്‍ട്ട് പ്രകാരം 'രാം ചരണിന്റെ ആസ്തി ഏകദേശം 1300. 75 കോടി', വരുമെന്നാണ്. പിതാവില്‍ നിന്നും ലഭിച്ച സ്വത്തുക്കളും ഇതുവരെ സമ്പാദിച്ചതുമെല്ലാം ചേരുമ്പോഴാണ് ഇത്രയും വലിയ തുക ഉണ്ടാവുക എന്നാണ് വിവരം.

മാത്രമല്ല ആര്‍ആര്‍ആര്‍ ഹിറ്റായതിന് പിന്നാലെ സിനിമയിലെ പ്രതിഫലും നടന്‍ കൂട്ടിയിരിക്കുകയാണ്. 2018 ലും 2019 ലും ഏകദേശം പതിനേഴ് കോടി രൂപയായിരുന്നു രാം ചരണ്‍ ഒരു സിനിമയ്ക്കായി വാങ്ങിയിരുന്നത്. നടന്റേതായി ഇനി വരാന്‍ പോവുന്ന സിനിമയ്ക്ക് വേണ്ടി ഏകദേശം അമ്പത് മുതല്‍ അറുപത് കോടി വരെ പ്രതിഫലം വാങ്ങിക്കുന്നുണ്ടെന്ന് പറയപ്പെടുന്നു.

ആഢംബരത്തിന് യാതൊരു കുറവുമില്ലാത്ത ബംഗ്ലാവും നടന്റെ പേരിലുണ്ട്. ജൂബിലി ഹില്‍സിലുള്ള ബംഗ്ലാവിന് ഏകദേശം അമ്പത് കോടിയാണ് വില. ഹൈദരബാദിലെ പോഷ് പ്രദേശത്ത് വലിയൊരു വീടും സ്വന്തമായിട്ടുണ്ട്. നാല് കോടി മുതല്‍ വിലമതിക്കുന്ന ആഢംബര കാറുകളും താരം സ്വന്തമാക്കി. എന്തായാലും തെന്നിന്ത്യന്‍ നടന്മാരിലെ ഒരു കോടിശ്വേരന്‍ തന്നെയാണ് രാം ചരണെന്ന കാര്യം വ്യക്തമാണ്.