കൈയ്യില്‍ പാമ്പിന്റെ ടാറ്റൂ; സൂപ്പര്‍താരം നാഗര്‍ജുന കൈയ്യില്‍ കുത്തിയ ടാറ്റുവിന് പിന്നിലെ കാരണം പറഞ്ഞ് നടന്‍കൈ

സിനിമാ നടന്‍ എന്നതിലുപരി ബിഗ് ബോസ് റിയാലിറ്റി ഷോ യുടെ അവതാരകന്‍ കൂടിയായിരുന്നു നാഗര്‍ജുന. തെലുങ്കിലെ ബിഗ് ബോസിന്റെ മൂന്നാം സീസണില്‍ അവതാരകനായിട്ടെത്തുമ്പോഴാണ് തന്റെ കൈയ്യിലുള്ള ടാറ്റുവിന്റെ കഥ നാഗര്‍ജുന പറയുന്നത്. ഒരു പാമ്പ് അതിന്റെ പടം പൊഴിക്കുന്നത് പോലെയും ഒപ്പം ഒരു മനുഷ്യന്റെ കണ്ണുമൊക്കെ ചേര്‍ന്ന് വേറിട്ടൊരു ടാറ്റുവാണ് നാഗര്‍ജുന കൈയ്യില്‍ പതിപ്പിച്ചിരുന്നത്. ഇങ്ങനൊരു ടാറ്റുവിന് എന്തെങ്കിലും മെസേജ് ഉണ്ടാവുമല്ലോ എന്ന ആരാധകരുടെ സംശയത്തിനുള്ള മറുപടിയാണ് താരം നല്‍കിയത്.

പാമ്പ് പടം പൊഴിക്കുന്നത് പോലെയുള്ള ടാറ്റു ചെയ്തതിന് കാരണം 'കയ്‌പേറിയ ഭൂതകാലം ഉപേക്ഷിച്ച് ജീവിതത്തില്‍ മുന്നോട്ട് പോകാന്‍ തീരുമാനിക്കുന്നുവെന്നാണ്. ഞാനും അങ്ങനെ ചെയ്യുന്നത് കൊണ്ടാണ്' ടാറ്റുവില്‍ ഉള്‍പ്പെടുത്തിയത്. കണ്ണ് അര്‍ഥമാക്കുന്നത് 'എന്റെ ജീവിതത്തില്‍ പുതിയതും പുതുമയുള്ളതുമായ എന്തെങ്കിലും എനിക്ക് വേണം' എന്നതാണെന്നും നടന്‍ വ്യക്തമാക്കുന്നു. ഇതോടെ നടന്റെ ടാറ്റുവിനെ കുറിച്ച് ഉയര്‍ന്ന് വന്ന ചര്‍ച്ചകള്‍ക്കെല്ലാം മറുപടിയായി.

അതേ സമയം നാഗര്‍ജുനയുടെ മാത്രമല്ല മകന്‍ നാഗ ചൈതന്യയുടെയും മരുമകളായിരുന്ന സാമന്തയുടെയുമൊക്കെ ടാറ്റുവിനെ കുറിച്ചുള്ള കഥകള്‍ നാട്ടില്‍ പാട്ടായിരുന്നു. ഇരുവരും പ്രണയിച്ച് വിവാഹം കഴിച്ചവരായത് കൊണ്ട് തന്നെ ശരീരത്ത് പലയിടങ്ങളിലായി പേരുകള്‍ ടാറ്റു ചെയ്തിരുന്നു. സാമന്ത മുന്‍ഭര്‍ത്താവിന്റെ പേര് മുതല്‍ രണ്ടാളും ആദ്യമായി ഒരുമിച്ച് അഭിനയിച്ച സിനിമയുടെ പേരുകള്‍ വരെ ടാറ്റു ചെയ്തിരുന്നു. സമാനമായി നാഗചൈതന്യയും കപ്പിള്‍ ടാറ്റു കുത്തിയിരുന്നു.

വിവാഹബന്ധം വേര്‍പ്പെടുത്താന്‍ തീരുമാനിച്ചതോടെ കാര്യങ്ങളെല്ലാം മാറി മറിഞ്ഞു. ഇപ്പോള്‍ ടാറ്റു മായിച്ച് കളഞ്ഞെന്നും അതല്ല ഇരുവരും ഒളിപ്പിച്ച് പിടിച്ച് നടക്കുകയാണെന്നുമൊക്കെയാണ് ആരാധകര്‍ പറയുന്നത്. എന്തായാലും കേവലം ഒരു ടാറ്റുവിന്റെ പേരില്‍ താരകുടുംബം ഒന്നടങ്കം വാര്‍ത്തകളില്‍ നിറയുന്നതാണ് കഴിഞ്ഞ കുറച്ച് കാലങ്ങളായി കണ്ട് വരുന്നത്.ഇത്രയും കാലമായിട്ടും ഇതൊന്നും അവസാനിച്ചില്ലെന്നുള്ളതാണ് ശ്രദ്ധേയം. നിലവിൽ രണ്ടാളും സിനിമാ തിരക്കുകളിലൂടെ മുന്നോട്ട് പോവുകയാണ്.