കുഞ്ഞ് ജനിച്ചതോടെയാണ് വിവാഹ ജീവിതം തുടങ്ങുന്നത്; താന്‍ അച്ഛനായ നിമിഷത്തെ കുറിച്ച് അല്ലു അര്‍ജുന്‍ പറഞ്ഞതിങ്ങനെ

'കുഞ്ഞ് ജനിച്ച് നാലഞ്ച് ദിവസമേ ആയിട്ടുള്ളു. എങ്കിലും അവന്‍ ഒത്തിരി സന്തോഷങ്ങളാണ് തന്നത്. ഇപ്പോള്‍ ഈ സമയത്തും എനിക്ക് അമ്മയുടെയും കുഞ്ഞിന്റെയും ആരോഗ്യത്തെ കുറിച്ചോര്‍ക്കുമ്പോള്‍ പേടിയാണ്. എന്നാല്‍ രണ്ട് പേരും ആരോഗ്യത്തോടെയാണ് ഇരുന്നത്. ഒരു കുഞ്ഞ് കൂടി ജനിക്കുന്നതോട് കൂടിയാണ് യാഥര്‍ഥ വിവാഹ ജീവിതം തുടങ്ങുന്നതെന്നാണ് എനിക്ക് തോന്നുന്നത്. ഒരു വ്യക്തിയുമായി ഡേറ്റിംഗ് നടത്തി അവര്‍ എന്നും പ്രിയപ്പെട്ട ഒരാളെ പോലെ ആയിരിക്കുന്നതാണ് വിവാഹം എന്നാണ് അല്ലു അര്‍ജുന്റെ അഭിപ്രായം. ജനിച്ചതൊരു ആണ്‍കുട്ടിയാണെന്ന് ഞാന്‍ എന്നോട് തന്നെ പറഞ്ഞ നിമിഷമായിരുന്നു. ഞാന്‍ അങ്ങേയറ്റം സന്തോഷത്തിലാണ് അന്നുണ്ടായിരുന്നതെന്നും' അല്ലു പറഞ്ഞിരുന്നു.

പിന്നീടിങ്ങോട്ട് മകന്റെ ഓരോ ജന്മദിനങ്ങളും ഒരു അത്ഭുതം പോലെ തോന്നിയ നിമിഷങ്ങളാണെന്നാണ് താരം വ്യക്തമാക്കുന്നത്. പലപ്പോഴും മകന് ആശംസകള്‍ അറിയിച്ച് എത്തുന്നതിനൊപ്പം അവന്റെ വളര്‍ച്ചയെ കുറിച്ചും തന്നിലെ പിതാവിനെ പറ്റിയുമൊക്കെ അല്ലു അര്‍ജുന്‍ സംസാരിച്ചിരുന്നു. ഏപ്രില്‍ മൂന്ന് വരുമ്പോള്‍ അല്ലു അയാന്‍ എട്ടാം ജന്മദിനം ആഘോഷിക്കും. സ്ഥിരമുള്ളത് പോലെ കുടുംബാംഗങ്ങളുടെ കൂടെയായിരിക്കും ഈ പിറന്നാളോഘഷവും എന്നാണ് അറിയുന്നത്.

തെലുങ്കിലെ പ്രമുഖ നിര്‍മാതാവ് അല്ലു അരവിന്ദിന്റെ മൂന്ന് മക്കളില്‍ രണ്ടാമത്തെ ആളാണ് അല്ലു അര്‍ജുന്‍. ബാല താരമായി സിനിമയില്‍ അഭിനയിച്ച് തുടങ്ങിയ അര്‍ജുന്‍ പിന്നീട് നായകനായി വളര്‍ന്നതോടെയാണ് ശ്രദ്ധിക്കപ്പെടുന്നത്. ആര്യ എന്ന സിനിമയിലെ പ്രകടനമാണ് താരത്തിന് ജനപ്രീതി നേടി കൊടുത്തത്. മലയാളത്തില്‍ മൊഴിമാറ്റി അല്ലുവിന്റെ സിനിമകള്‍ എത്തിയിരുന്നു. അതെല്ലാം ഹിറ്റായി മാറുകയും ചെയ്തതോടെ തെന്നിന്ത്യയിലെ മുന്‍നിര യുവതാരങ്ങളില്‍ ഒരാളായി മാറി.

Recommended Video

കേരളത്തില്‍ നിന്ന് മാത്രം Pushpa വാരിയത് റെക്കോഡ് കളക്ഷൻ -Collection Report

നിലവില്‍ പുഷ്പ എന്ന സിനിമയിലൂടെ പ്രേക്ഷകരെ വിസ്മയിപ്പിച്ച് നില്‍ക്കുകയാണ് താരം. ആക്ഷന്‍ ഡ്രാമയായി ഒരുക്കിയ പുഷ്പ തിയറ്ററുകളിലും ബോക്‌സോഫീസിലും ഗംഭീര പ്രകടനമാണ് നടത്തിയത്. 354 കോടിയോളം നേടിയ സിനിമ 2021 ല്‍ ഏറ്റവും കൂടുതല്‍ ഹിറ്റായി മാറിയ ചിത്രം എന്ന റെക്കോര്‍ഡും നേടി എടുത്തിരുന്നു. രശ്മിക മന്ദാന നായികയായിട്ടെത്തിയ ചിത്രത്തിന്റെ രണ്ടാം ഭാഗം കൂടി അണിയറയില്‍ ഒരുങ്ങുകയാണ്.