അനുഷ്‌കയെ ആകര്‍ഷിച്ച പ്രഭാസിന്റെ ഗുണങ്ങള്‍ ഇതാണ്; തുറന്ന് പറഞ്ഞ് നടി, പ്രണയകഥ ചര്‍ച്ചയാവുന്നു

താരങ്ങളുടെ സിനിമയ്‌ക്കൊപ്പം തന്നെ ഗോസിപ്പ് കോളങ്ങളിലും ഇവരുടെ പേര് ഇടംപിടിക്കാറുണ്ട്. ടോളിവുഡ് ഗോസിപ്പ് കോളങ്ങളില്‍ ഏറെ ചര്‍ച്ചയായ പേരുകളായിരുന്നുഅനുഷ്‌കയുടേയും പ്രഭാസിന്റേയും. ബാഹുബലി സിനിമ പുറത്തു വന്നതിന് പിന്നാലെയായിരുന്നു ഇരുവരും ഗോസിപ്പ് കോളത്തില്‍ ചര്‍ച്ചയാവാന്‍ തുടങ്ങിയത്. താരങ്ങള്‍ പ്രണയത്തിലാണെന്നും ഇരുവരും ഉടന്‍ വിവാഹം കഴിക്കുമെന്നുള്ള വാര്‍ത്തകള്‍ പ്രചരിച്ചിരുന്നു. ഇപ്പോഴും താരങ്ങളുടെ വിവാഹവാര്‍ത്ത ടോളിവുഡ് ഗോസിപ്പ് കോളങ്ങളില്‍ ചര്‍ച്ചയാണ്. അടുത്ത സുഹൃത്തുക്കളാണ് പ്രഭാസും അനുഷ്‌കയും.

ഇപ്പോഴിത സോഷ്യല്‍ മീഡിയയില്‍ വൈറല്‍ ആവുന്നത്. പ്രഭാസിനെ കുറിച്ച് അനുഷ്‌ക പറഞ്ഞ വാക്കുകളാണ്. ഒരു അഭിമുഖത്തിനിടയിലാണ് പ്രഭാസിന്റെ മൂന്ന് ഗുണങ്ങളെ കുറിച്ച് അനുഷ്‌കയോട് ചോദിച്ചത്. താരത്തിന്റെ വാക്കുകള്‍ സോഷ്യല്‍ മീഡിയയില്‍ വൈറല്‍ ആവുകയാണ്. സുഹൃത്തുക്കളോട് വളരെ സത്യസന്ധത പുലര്‍ത്തുന്ന ആളാണ്. അവന്‍ സ്വന്തമായി വളരാന്‍ ആഗ്രഹിക്കുന്നു. അവന്റെ ഏറ്റവും വലിയ വെല്ലുവിളി അവനാണെന്ന് മനസ്സിലാക്കി കൊണ്ട് സ്വയം വളരുന്നു എന്നും അനുഷ്‌ക പറയുന്നു. നടിയുടെ വാക്കുകള്‍ ആരാധകരെ ഏറെ സന്തോഷത്തിലാഴ്ത്തിയിട്ടുണ്ട്.

അനുഷ്‌കയുമായി താന്‍ പ്രണയത്തിലാണെങ്കില്‍ ഉറപ്പായും തുറന്നു പറയുമെന്ന് മുന്‍പ് മനോരമയ്ക്ക് നല്‍കിയ അഭിമുഖത്തില്‍ പറഞ്ഞിരുന്നു. തനിയ്ക്ക് ഇത് മറച്ചു വെയ്ക്കേണ്ട കാര്യമില്ല. തങ്ങളില്‍ ഒരാളുടെ വിവാഹം കഴിയുന്നതുവരെ ഇത്തരത്തിലുളള ഗോസിപ്പുകള്‍ പ്രചരിച്ചു കൊണ്ടേയിരിക്കുമെന്നും താരം അന്ന് പറഞ്ഞിരുന്നു. അനുഷ്‌കയും പല അഭിമുഖങ്ങളിലും ഇത്തരത്തിലായിരുന്നു പ്രതികരിച്ചിരുന്നത്. എന്നാല്‍ ഇത് വിശ്വസിക്കാന്‍ ആരാധകര്‍ തയ്യാറാല്ല. ഇപ്പോഴും താരങ്ങളുടെ പ്രണയകഥ സിനിമ കോളങ്ങളില്‍ ഇടം പിടിക്കാറുണ്ട. പ്രഭാസും അനുഷ്‌കയും വിവാഹം കഴിച്ച്് ഒന്നിച്ച് ജീവിക്കണമെന്നാണ് ആരാധകരുടെ ആഗ്രഹം.

സിനിമയില്‍ സജീവമാണ് ഇരുവരും സാഹോയ്ക്ക് ശേഷം പുറത്ത് വരുന്ന പ്രഭാസ് ചിത്രമാണ് രാധ്യേ ശ്യാം. ഏറെ പ്രതീക്ഷയോടെയാണ് സിനിമയ്ക്കായി കാത്തിരിക്കുന്നത്. കൈനോട്ടക്കാരനായിട്ടാണ് പ്രഭാസ് എത്തുന്നത്. 'വിക്രമാദിത്യ' എന്നാണ് കഥാപാത്രത്തിന്റെ പേര്.'പ്രേരണ' ആയിട്ടാണ് പൂജ ഹെഗ്ഡെ എത്തുന്നത്. സച്ചിന്‍ ഖറേഡേക്കര്‍, പ്രിയദര്‍ശിനി, മുരളി ശര്‍മ, സാഷ ഛേത്രി, കുനാല്‍ റോയ് കപൂര്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ഭൂഷണ്‍ കുമാര്‍, വാംസി, പ്രമോദ് എന്നിവര്‍ ചേര്‍ന്ന് നിര്‍മ്മിക്കുന്നത്. ചിത്രത്തിന്റേതായി പുറത്ത് വന്ന പാട്ട് വന്‍ ഹിറ്റായിരുന്നു. നിശബ്ദമാണ് ഏറ്റവും ഒടുവില്‍ പുറത്ത് ഇറങ്ങിയ അനുഷ്‌കയുടെ സിനിമ