കുഞ്ഞ് ജനിച്ച് കഴിഞ്ഞാൽ അതായിരിക്കും എന്റെ ലോകം, അമ്മയാവുന്നതിനെ കുറിച്ച് സാമന്ത പറഞ്ഞത്...

നാലാം വിവാഹവാർഷികം അടുക്കുമ്പോഴായിരുന്നു സാമന്തയും നാഗചൈതന്യയും വേർപിരിയുന്നതിനെ കുറിച്ച് ഔദ്യോഗികമായി വെളിപ്പെടുത്തിയത് . താരങ്ങളുടെ വെളിപ്പെടുത്ത ആരാധകര ഞെട്ടിപ്പിച്ചിരുന്നു. ഇരുവരും ഒന്നിച്ച് ചേർന്ന് എടുത്ത തീരുമാനമാണ് വിവാഹമോചനമെന്നാണ് പ്രചരിക്കുന്ന റിപ്പോർട്ട്. സാമന്തയും നാഗചൈതന്യയും ഒരുപോലത്തെ പോസ്റ്റുകളായിരുന്നു സോഷ്യൽ മീഡിയയിൽ പങ്കുവെച്ചത്. കൂടാതെ നടനും നാഗചൈതന്യയുടെ പിതാവുമായ നാഗാർജുനയും വിവാഹമോചനത്തെ കുറിച്ച് പ്രതികരിച്ച് രംഗത്ത് എത്തിയിരുന്നു.

വിവാഹമോചനത്തെ കുറിച്ച് സാമന്തയും നാഗചൈതന്യയും പറഞ്ഞത് ഇങ്ങനെയാണ്... "ഞങ്ങളുടെ എല്ലാ സുമനസ്സുകൾക്കും. ഒരുപാട് ആലോചനകൾക്കും ചിന്തകൾക്കും ശേഷം ഞങ്ങൾ വേർപിരിയാൻ തീരുമാനിച്ചു. ഒരു ദശാബ്ദത്തിലേറെ നീണ്ട സൗഹൃദം ഞങ്ങളുടെ ഭാഗ്യമാണ്, അത് ഞങ്ങളുടെ ബന്ധത്തിന്റെ കാതലായിരുന്നു, ഞങ്ങൾക്കിടയിൽ എല്ലായ്പ്പോഴും ഒരു പ്രത്യേക ബന്ധം നിലനിൽക്കുമെന്ന് വിശ്വസിക്കുന്നു. ഞങ്ങളുടെ ആരാധകരോടും അഭ്യുദയകാംക്ഷികളോടും മാധ്യമങ്ങളോടും ബുദ്ധിമുട്ടുള്ള ഈ സമയത്ത് ഞങ്ങളെ പിന്തുണയ്ക്കാനും മുന്നോട്ട് പോകാൻ ആവശ്യമായ സ്വകാര്യത നൽകാനും അഭ്യർത്ഥിക്കുന്നു", താരങ്ങൾ സോഷ്യൽ മീഡിയയിൽ കുറിച്ചു.

വിവാഹമോചനത്തെ കുറിച്ചുളള വാർത്തകൾ സോഷ്യൽ പ്രചരിക്കുമ്പോൾ സിനിമാ കോളങ്ങളിൽ ഇടം പിടിക്കുന്നത് സമാന്തയുടേയും നാഗചൈതന്യയുടേയും പഴയ അഭിമുഖങ്ങളാണ്. താരങ്ങൾ കുഞ്ഞിനായി കാത്തിരിക്കുമ്പോഴാണ് വേർപിരിയൽ വാർത്ത എത്തുന്നത്. ഇപ്പേൾ സോഷ്യൽ മീഡിയയും സിനിമാ കോളങ്ങളിലും വൈറലാവുന്നത് സാമന്തയുടെ ഒരു പഴയ അഭിമുഖമാണ്. നടി കുഞ്ഞിനെ കുറിച്ചാണ് അഭിമുഖത്തിൽ പറയുന്നത്. കുഞ്ഞിനെ കുറിച്ചും മറ്റുമൊക്കെ താനും നാഗചൈതന്യയും നേരത്തെ തന്നെ തീരുമാനിച്ചിട്ടുണ്ടെന്നാണ് സാമന്ത പറയുന്നത്. കുഞ്ഞ് വേണമെന്ന് തീരുമാനിച്ചിട്ടുണ്ട്. കുഞ്ഞ് വരുമ്പോൾ കുട്ടിയെ ചുറ്റിപ്പറ്റിയാകും തന്റെ ലോകമെന്നും സാമന്ത പറയുന്നു. ഇത്രയും ശക്തമായി ഇരുവരും മുന്നോട്ട് പോകുമ്പോഴായിരുന്നു വേർപിരിയുന്നത്.

Recommended Video

ഡിവോഴ്സ് എക്സ്പേർട്ടായ സൂപ്പർ സ്റ്റാറുമായുള്ള സൗഹൃദം എല്ലാം പെട്ടെന്നാക്കി.തുറന്നടിച്ച് കങ്കണ

11 വർഷത്തെ ബന്ധമാണ് സാമന്തയും നാഗചൈതന്യയും അവസാനിപ്പിച്ചിരിക്കുന്നത്. 2010 ൽ ഗൗതം മേനോൻ സംവിധാനം ചെയ്ത യേ മായ ചേസാവെയുടെ സെറ്റിൽ വച്ചാണ് ഇരുവരും പ്രണയത്തിലാവുന്നത്. പിന്നീട് 7 വർഷത്തിന് ശേഷമാണ് താരങ്ങൾ വിവാഹം കഴിക്കുന്നത്. 2017 ഒക്ടോബർ 6 ന് ആയിരുന്നു ഇവരുടെ വിവാഹം. ഹിന്ദു- ക്രിസ്തീയ ആചാരവിധി പ്രകാരം ഗോവയിൽ വെച്ചാണ് താരവിവാഹം നടന്നത്. വിവാഹത്തിന് തെന്നിന്ത്യൻ സിനിമാ ലോകം ഒന്നടങ്കം എത്തിയിരുന്നു, നാഗചൈതന്യയുടെ മുത്തശ്ശി നൽകിയ സാരി അണിഞ്ഞു കൊണ്ടായിരുന്നു നടി വിവാഹത്തിന് എത്തിയത്. ഇന്നും സോഷ്യൽ മീഡിയയിലും സിനിമാകോളങ്ങളിലും സാം നാഗചൈതന്യ വിവാഹം ചർച്ചാ വിഷയമാണ്.