അമ്മയ്ക്ക് പിന്നാലെ മകളും അടിമുടി മാറി; ഇത് വിശ്വസിക്കാനാകുന്നില്ല...; ചർച്ചയായി ഖുശ്ബുവും മകളും

നടി ഖുശ്ബു സുന്ദറിന്റെ ട്രാൻസ്ഫൊർമേഷൻ ഏറെ ശ്രദ്ധ നേടിയതാണ്. വണ്ണം കുറച്ച ശേഷം ഖുശ്ബുവിന് തോന്നുന്ന മാറ്റങ്ങൾ ആരാധകർ ചൂണ്ടിക്കാട്ടുന്നുണ്ട്. 54 വയസിൽ 24 കിലോയാണ് ഖുശ്ബു കുറച്ചത്. ഒരു വർഷത്തോളം നീണ്ട പ്രയത്നത്തിനൊടുവിലാണ് നടി ഈ മാറ്റം കൊണ്ട് വന്നത്. നിരവധി പേർക്ക് ഖുശ്ബുവിന്റെ ട്രാൻസ്ഫൊർമേഷൻ പ്രചോദനമായി. ഇപ്പോഴിതാ ഖുശ്ബുവിന്റെ മകൾ അനന്ദിതയുടെ പുതിയ ഫോട്ടോകളാണ് സോഷ്യൽ മീഡിയയിൽ ശ്രദ്ധ നേടുന്നത്.

പഴയ അനന്ദിത തന്നെയാണോ ഇതെന്ന് ആരും സംശയിച്ച് പോകും. അത്രയ്ക്കാണ് മാറ്റങ്ങൾ. ഈ മാറ്റം എങ്ങനെ സംഭവിച്ചെന്നാണ് നെറ്റിസൺസിന്റെ ചോദ്യം. താരകുടുംബത്തിൽ രണ്ട് പേർ എങ്ങനെ ഇത്രയധികം മാറി, ഇവർ ഒസംപിക് ഉപയോ​ഗിക്കുന്നുണ്ടോ എന്നെല്ലാം ചോദ്യങ്ങൾ വരുന്നു. അതേസമയം കൗമാരക്കാരിയായിരുന്ന അനന്തിതയുടെ ഫോട്ടോകൾ വെച്ചാണ് ഇപ്പോൾ താരതമ്യം നടക്കുന്നത്.

കൗമാരത്തിലേത് പോലെയായിരിക്കില്ല പലരും വളരുമ്പോഴെന്ന അഭിപ്രായങ്ങളും വരുന്നുണ്ട്. ഖുശ്ബുവിന്റെയും സുന്ദർ സിയു‌ടെയും ഇളയ മകളാണ് അനന്ദിത. അവന്തിക എന്നാണ് മൂത്ത മകളുടെ പേര്. 2000 ത്തിലായിരുന്നു ഖുശ്ബുവിന്റെയും സുന്ദർ സിയുടെയും വിവാഹം.