അന്ന് മോശമായി പെരുമാറിയ നടന്റെ ഇന്റർവ്യൂക്ക് ചാൻസ് വന്നു, ഞാൻ പറഞ്ഞത്; പേര് പറഞ്ഞാൽ വാർത്തയാകും: ഗദ്ദാഫി

സോഷ്യൽ മീഡിയയിൽ ശ്രദ്ധ നേടുന്ന ആങ്കറാണ് ആർജെ ​ഗ​ദ്ദാഫി. ഈയടുത്താണ് ​ഗദ്ദാഫി തന്റെ യൂട്യൂബ് ചാനൽ തുടങ്ങിയത്. ശ്രദ്ധേയമായ ഇന്റർവ്യൂകൾ ഇതിനോടകം ഗദ്ദാഫി പ്രേക്ഷകർക്ക് മുമ്പിലെത്തിച്ചു. തന്നോട് മോശമായി പെരുമാറിയ നടനെക്കുറിച്ച് പുതിയ വീഡിയോയിൽ ആർജെ ​ഗദ്ദാഫി പറഞ്ഞ വാക്കുകളാണിപ്പോൾ ശ്രദ്ധ നേടുന്നത്.

അമ്മയ്ക്ക് പിന്നാലെ മകളും അടിമുടി മാറി; ഇത് വിശ്വസിക്കാനാകുന്നില്ല...; ചർച്ചയായി ഖുശ്ബുവും മകളും

മോശം അനുഭവങ്ങളെക്കുറിച്ച് ഞാനൊരു ഇന്റർവ്യൂവിൽ തുറന്ന് പറഞ്ഞിട്ടുണ്ട്. ഒരു നട‌നിൽ നിന്ന് വളരെ മോശം അനുഭവം ഉണ്ടായിട്ടുണ്ട്. എല്ലാവർക്കും ഇന്റർവ്യൂ തരാൻ താൽപര്യം ഉണ്ടാകണമെന്നില്ല. ആ തീരുമാനത്തെ ഞാൻ ബഹുമാനിക്കുന്നു. പക്ഷെ ഒരു ഇന്റർവ്യൂവിനിടെ ഇവിടെയുള്ള പ്രമുഖ നടനിൽ നിന്ന് വളരെ മോശം അനുഭവം എനിക്കുണ്ടായിട്ടുണ്ട്. അത് പറഞ്ഞപ്പോൾ എനിക്ക് ഏറ്റവും വിമർശനം കേട്ടത് ആ നടന്റെ പേര് പറയാത്തതെന്ത് എന്ന് ചോദിച്ചാണ്. തുറന്ന് പറയണോ വേണ്ടയോ എന്നത് എന്റെ ഇഷ്ടമല്ലേ. അദ്ദേഹം എന്നെ അപമാനിച്ചിട്ടുണ്ട്. അതേ പോലെ എനിക്കയാളുടെ പേര് പറഞ്ഞ് അപമാനിക്കാനോ ജനങ്ങളുടെ മുമ്പിലേക്ക് ഇട്ട് കൊടുക്കാനോയുള്ള മാനസികാവസ്ഥ എനിക്കില്ല.

അതിന്റെ പുറത്താണ് ഞാൻ ആ നടന്റെ പേര് പറയാതിരുന്നത്. വേണമെങ്കിൽ പേര് പറയാമായിരുന്നു. അതുണ്ടാക്കുന്ന റീച്ച് അറിയാം. അതോടെ നാളെ എല്ലാ ഓൺലെെൻ ചാനലുകളിലും അദ്ദേഹത്തിന്റെ പേര് പറഞ്ഞ് ന്യൂസ് വരും. ആ രീതിയിലുള്ള റീച്ച് ഞാൻ ആ​ഗ്രഹിക്കുന്നില്ല. പക്ഷെ ആ നടന്റെ ഇന്റർവ്യൂ ഇനി ജീവിതത്തിൽ എടുക്കില്ല. ഒരു അസോസിയേഷന്റെ ഭാ​ഗമായി അദ്ദേഹത്തിന്റെ ഇന്റർവ്യൂ എടുക്കാൻ ചാൻസുണ്ടായിരുന്നു. ഞാനത് നിരാകരിച്ചു. അദ്ദേഹമുണ്ടെങ്കിൽ എനിക്കാ ഇന്റർവ്യൂ എടുക്കാൻ ബുദ്ധിമുട്ടാണെന്ന് വാക്കാൽ പറഞ്ഞു. എന്റെ പ്രതിഷേധം അത്തരത്തിലായിരിക്കും.

ഞാൻ കണ്ടുപിടിക്കുന്ന ആളാകും എന്റെ ജീവിത പങ്കാളി; കൗശിക്കുമായി ചേർത്തുള്ള ഗോസിപ്പുകൾക്ക് മറുപടിയുമായി മീനാക്ഷി

അല്ലാതെ ഒരാളെ വലിച്ച് കീറി നാട്ടുകാരുടെ മുമ്പിൽ തിന്നാൻ ഇട്ട് കൊടുക്കാൻ താൽപര്യമില്ല. പേടിയായത് കൊണ്ടല്ല. ഞാൻ ഒരുപക്ഷെ പീപ്പിൾ പ്ലീസറായത് കൊണ്ടായിരിക്കാമെന്നും ആർ ജെ ​ഗദ്ദാഫി പറഞ്ഞു. താൻ ഇന്റർവ്യൂവിന് വരുന്ന അതിഥികളോട് അതിവിനയം കാണിക്കുന്നെന്ന വിമർശനങ്ങളെ ആരോ​ഗ്യപരമായ വിമർശനങ്ങളായി കാണുന്നു. ഇന്റർവ്യൂകൾ കാണുമ്പോൾ എനിക്കങ്ങനെ തോന്നാറുണ്ട്. ഞാൻ അതിവിനയം കാണിക്കുന്നുണ്ടോ, കൊഞ്ചിയാണോ സംസാരിക്കുന്നത് എന്നെല്ലാം. അത് മാറ്റാൻ ശ്രമിക്കുന്നുണ്ടെന്നും ആർജെ ​ഗദ്ദാഫി പറഞ്ഞു.

വലിയ ആൾ എന്ന് വിചാരിച്ചയാളിൽ നിന്നും ഞാൻ അപമാനിക്കപ്പെട്ടിട്ടുണ്ട്. അദ്ദേഹം രാവിലെ 10 മണിക്കാണ് ഇന്റർവ്യൂ പറഞ്ഞത്. അവസാനം രണ്ടര വരെ കാത്തിരുന്നു. അവസാനം രാത്രി എട്ടരയ്ക്കാണ് ഇന്റർവ്യൂ നടത്തിയത്. അന്ന് ആ ചാനലിൽ വർക്ക് ചെയ്ത് കൊണ്ടിരിക്കുന്ന വേറൊരു പെൺകുട്ടി വരുമെന്നാണത്രെ പുള്ളിക്കാരൻ വിചാരിച്ചത്. ഞാൻ ചെന്നിരുന്ന് ഇൻട്രോ പറയാൻ തുടങ്ങിയപ്പോൾ ആ നടൻ ഷൗട്ട് ചെയ്തു. ഇവൻ മര്യാദയ്ക്ക് തയ്യാറെടുത്തില്ലെന്ന് പറഞ്ഞു. സെർവന്റിനെ പോലെയാണ് അയാളെന്നോട് പെരുമാറിയത്. മനസിലെ വി​ഗ്രഹം അന്ന് ഉടഞ്ഞെന്നും ആർജെ ​ഗദ്ദാഫി അന്ന് പറഞ്ഞു.