അവരെല്ലാം പോയി! അടുത്ത ആളായി ഞാനിങ്ങനെ! എന്തേ ഇന്നും വന്നീല ഗാനത്തെക്കുറിച്ച് സലീം കുമാര്‍ പറഞ്ഞത്

കാലങ്ങളായി മലയാളികളെ പൊട്ടിച്ചിരിപ്പിച്ച പ്രിയ കലാകാരന്‍ സലീം കുമാര്‍ വിടവാങ്ങി. ന്യൂമോണിയ ബാധിതനായി ചികിത്സയില്‍ കഴിഞ്ഞ് വരുന്നതിനിടയിലായിരുന്നു വിയോഗം. പ്രിയപ്പെട്ടവരെല്ലാം സലീമിനെ അവസാനമായി കാണാനും, ആദരാഞ്ജലി അര്‍പ്പിക്കാനും എത്തിയിരുന്നു. വിവരം അറിഞ്ഞപ്പോള്‍ തന്നെ മിക്കവരും ആശുപത്രിയിലേക്ക് ഓടിയെത്തിയിരുന്നു. സലീം പോയെന്ന് വിശ്വസിക്കാനാവുന്നില്ലെന്നായിരുന്നു എല്ലാവരും ഒരുപോലെ പറഞ്ഞത്. അദ്ദേഹത്തിന്റെ പഴയ അഭിമുഖങ്ങളും, വീഡിയോകളുമെല്ലാം വൈറലായിക്കൊണ്ടിരിക്കുകയാണിപ്പോള്‍. ജീവിതത്തിന്‍ താന്‍ ഏറ്റവും പേടിക്കുന്ന കാര്യം മരണമാണെന്നായിരുന്നു അദ്ദേഹം മുന്‍പൊരിക്കല്‍ പറഞ്ഞത്. സ്റ്റാര്‍ മാജികില്‍ അതിഥിയായി എത്തിയപ്പോഴായിരുന്നു ഇതേക്കുറിച്ച് പറഞ്ഞത്.

ഒരു ദിവസം രാത്രി ഞാനിങ്ങനെ എന്റെയൊരു ബന്ധു മരിച്ചു. ചടങ്ങുകളൊക്കെ കഴിഞ്ഞ് വീട്ടിലെത്തി. അന്ന് ഒറ്റയ്‌ക്കേയുണ്ടായിരുന്നുള്ളൂ അവിടെ. തീരെ സമയം പോവുന്നുണ്ടായിരുന്നില്ല. ടിവി വെക്കാമെന്ന് വിചാരിച്ചു. ടിവി വെച്ചതും വന്നത് ഈ പാട്ടാണ്. എന്തേ ഇന്നും വന്നീല എന്ന ഗാനം. വിറച്ചുപോയി ശരിക്കും. അതില്‍ ഞാന്‍ മാത്രമേ ജീവനോടെയുള്ള ആളുള്ളൂ. ബാക്കി ആ സീനില്‍ അഭിനയിച്ചവരാരും ജീവിച്ചിരിപ്പില്ല. ഒന്നാലോചിച്ച് നോക്കൂ, ഒരു രാത്രി ടിവിയില്‍ പാട്ട് കാണുമ്പോള്‍ ഞാനിങ്ങനെ ഒരു ലോകത്ത് അടുത്ത ആളായിട്ട് നില്‍ക്കുകയാണ്. വല്ലാത്ത ഫീലിംഗായിപ്പോയി എനിക്ക്. ഇപ്പോഴും ആ പാട്ടാണ് പാടാന്‍ പോവുന്നതെന്ന് കേട്ടപ്പോള്‍ ഒരു വേട്ടയാടല്‍, അത് നിങ്ങള്‍ക്ക് എങ്ങനെ മനസിലാവുമെന്ന് അറിയില്ല. ഒറ്റയ്ക്കിരുന്ന് കാണുമ്പോള്‍. പലപ്പോഴും ഞാന്‍ ഓഫ് ചെയ്തിട്ടുണ്ട്.

Photo Credit: Salim Kumar / Facebook