അപമാനത്തിന് പ്രതികാരം ചെയ്യാൻ സം​ഗീതയക്ക് മുന്നിലുള്ള വഴി; വിവരം പുറത്ത് വന്നാൽ വിജയ് വിയർക്കും? വാദങ്ങളിങ്ങനെ

വിജയും തൃഷയും ഒരുമിച്ചുള്ള ജീവിതം തുടങ്ങിയിട്ട് ഏറെക്കാലമായെന്നാണ് സിനിമാ ലോകത്തെ സംസാരം. താരജോഡികളെ ആഘോഷിക്കുന്നവർക്ക് പോലും ഉള്ളിലുള്ള ചോദ്യം ഇപ്പോഴും നിയമപരമായി വിജയുടെ ഭാര്യയായ സം​ഗീതയെക്കുറിച്ചാണ്. ഡിവോഴ്സിന് ശേഷം തൃഷയ്ക്കൊപ്പം പൊതുവിടങ്ങളിലെത്തുന്നതല്ലേ മാന്യത എന്ന ചോദ്യങ്ങൾ വരുന്നുണ്ട്. പ്രത്യേകിച്ചും വിജയ് ഇന്ന് തമിഴ്നാട് മുഖ്യമന്ത്രിയാണ്. ഒരു ജനതയെ നയിക്കുന്ന വിജയ്ക്ക് ചില സാ​മൂഹിക ഉത്തരവാദിത്വങ്ങളുണ്ടെന്നാണ് വിമർശകർ ഉന്നയിക്കുന്ന വാദം.

നിയന്ത്രണമേ ഇല്ലാത്ത വീട്, ജീവിതത്തെ ഒരുപാട് ബാധിച്ചു; കുറച്ച് കാലം കഴിഞ്ഞാൽ മനസിലാകും: ഉർവശി

അതേസമയം ഇതെല്ലാം വിജയുടെ സ്വകാര്യ ജീവിതമല്ലേ എന്ന വാദം പറയുന്നവരുമുണ്ട്. സം​ഗീതയുടെ ഡിവോഴ്സ് പെറ്റീഷൻ ചൂണ്ടിക്കാട്ടിയാണ് വിജയ്ക്കും തൃഷയ്ക്കും നേരെ വ്യാപക വിമർശനങ്ങൾ വരുന്നത്. സം​ഗീതയ്ക്ക് ഇപ്പോഴുണ്ടാകുന്ന മാനഹാനിക്ക് അർഹമായ മറുപടി ഇരുവർക്കും നൽകേണ്ടതുണ്ടെന്ന് സോഷ്യൽ മീഡിയയിൽ അഭിപ്രായങ്ങളുണ്ട്. സം​ഗീതയ്ക്ക് പ്രതികാരത്തിനുള്ള വഴിയും ചിലർ ഉപദേശിക്കുന്നു. കോടതി നട‌പടികൾ പരസ്യമാക്കുക എന്നതാണ് ഇതിലൊന്ന്.

സം​ഗീത നേരിട്ട വഞ്ചനയെക്കുറിച്ചുള്ള വിവരങ്ങൾ പുറത്ത് വരുന്നത് ഒരുപക്ഷെ വിജയുടെ പ്രതിച്ഛായയെ തന്നെ ബാധിച്ചേക്കും. രമ്യമായുള്ള വേർപിരിയൽ അല്ലാത്തതിനാൽ കോടതി നടപടികൾ തീരാൻ വർഷങ്ങൾ എടുത്തേക്കും. ജീവനാംശത്തിൽ തർക്കങ്ങൾ തുടരുന്നു. സം​ഗീത യുകെ സിറ്റിസൺ കൂടി ആയതിനാൽ കാര്യങ്ങൾ കുറേക്കൂടി സങ്കീർണമാണ്. കോടതി നടപടികൾ പരസ്യമായാൽ വിജയ്ക്കെതിരെ ഇത് രാഷ്ട്രീയ ആയുധം വരെയാകും. വിജയ്ക്കെതിരെയുള്ള തെളിവുകൾ പുറത്ത് വരും. നാണക്കേട് ഭയന്ന് സം​ഗീത ആവശ്യപ്പെടുന്ന ജീവനാശം നൽകാൻ വിജയ് തയ്യാറാകേണ്ടി വരും എന്നാണ് ഒരു വാദം.

മികച്ച ലോയറെ സം​ഗീത കൊണ്ട് വരണമെന്നും ഉപദേശങ്ങളുണ്ട്. എന്നാൽ ഇതിന് തടസങ്ങളുണ്ട്. വിജയ് ഇന്ന് തമിഴ്നാടിന്റെ മുഖ്യമന്ത്രിയാണ്. അത്രയും പ്രബലനെതിരെ ശക്തനായ വക്കീലിനെ എത്തിക്കുക ശ്രമകരമാണ്. അതേസമയം സം​ഗീതയും കുടുംബവും പണവും സ്വാധീനവും ഉള്ളവരാണ്. മാത്രമല്ല കോടതി നടപടികൾ പരസ്യമാക്കണമെന്ന ഒരു പക്ഷത്തിന്റെ മാത്രം ആവശ്യം അം​ഗീകരിക്കപ്പെടില്ല.

മറ്റൊരു ഉപദേശം തന്റെ ജീവിതത്തെക്കുറിച്ച് സം​ഗീത ഒരു പുസ്തകം എഴുതുക എന്നതാണ്. പുസ്തകത്തിലെ വെളിപ്പെടുത്തലുകൾ വിജയ്ക്കും തൃഷയ്ക്കും വലിയ തലവേദനയാകും. അതേസമയം ഇതിന് സം​ഗീത തയ്യാറല്ല. അർഹമായ ജീവനാംശം നൽകി വിവാഹമോചനം അനുവദിക്കുക എന്നതാണ് സം​ഗീതയുടെ ആവശ്യം. നീലാങ്കരയിലെ വീട് തനിക്ക് വേണമെന്നും സം​ഗീത ആവശ്യപ്പെടുന്നുണ്ട്. കോടിക്കണക്കിന് രൂപയുടെ ആസ്തിയുള്ള വിജയ് എന്തുകൊണ് സം​ഗീത ആവശ്യപ്പെടുന്ന ജീവനാംശം നൽകുന്നില്ല എന്നാണ് പലരുടെയും ചോദ്യം.

രണ്ട് പതിറ്റാണ്ടിലേറെയായി വിജയുടെ ഭാര്യയാണ് സം​ഗീത. രണ്ട് മക്കൾ. ഇവർ രണ്ട് പേരും സം​ഗീതയ്ക്കൊപ്പം. വഞ്ചന എന്ന സം​ഗീതയുടെ ആരോപണം. ഇവയെല്ലാം മുൻനിർത്തി അർഹമായ ജീവനാംശം സം​ഗീതയ്ക്ക് നൽകാൻ കോടതി ആവശ്യപ്പെടുമെന്നാണ് സം​ഗീതയെ അനുകൂലിക്കുന്നവരുടെ വിശ്വാസം. അതേസമയം വിവാഹമോചനം നീട്ടിക്കൊണ്ട് പോകുന്തോറും വിജയ്-തൃഷ വിവാഹം നീളില്ലേയെന്നും ചോദ്യങ്ങൾ വരുന്നു. എന്നാൽ താരവിവാഹം ഉണ്ടാകുമെന്ന് ഇതുവരെ അടുത്ത വൃത്തങ്ങളൊന്നും വ്യക്തമാക്കിയിട്ടില്ല. സിനിമകളുടെ തിരക്കിലാണ് തൃഷ. കറുപ്പ് ആണ് തൃഷയുടെ ഒടുവിൽ പുറത്തിറങ്ങിയ സിനിമ.