നായകൾ, ആട്, കാള, ഇപ്പോൾ കുതിരയും! വാടക വീടിന്റെ ഉടമ എങ്ങനെ സമ്മതിക്കുന്നു, മൃ​ഗശാലയല്ലല്ലോ? അർജുനോട് ചോദ്യങ്ങൾ

സോഷ്യൽ മീഡിയയിൽ ഇത്രമാത്രം ജീവിതം തുറന്ന് കാണിക്കേണ്ടിയിരുന്നോ എന്ന് പ്രമുഖ ഇൻഫ്ലുവൻസർമാർക്ക് വരെ തോന്നിപ്പോകുന്ന കാലഘട്ടമാണിത്. റിയാക്ഷൻ വ്ലോ​ഗേർസിന്റെ അമിതമായ കടന്ന് വരവ്, സോഷ്യൽ മീഡിയ പ്ലാറ്റ്ഫോമുകളിൽ സ്വകാര്യതയിലേക്ക് കടന്ന് കയറിക്കൊണ്ട് നടക്കുന്ന ചർച്ചകൾ, വ്യൂവേർസിന്റെ ഉപദേശങ്ങൾ, കുറ്റപ്പെടുത്തൽ എന്നിവയെല്ലാം ഇതിന് കാരണമാണ്. എന്നാൽ സോഷ്യൽ മീഡിയ വരുമാന മാർ​ഗമായതിനാൽ എല്ലാം വിട്ട് പോകാനും പറ്റില്ല. സോഷ്യൽ മീഡിയ വഴി പ്രശസ്തിയും പണവും ലഭിച്ചവരാണ് സൗഭാ​ഗ്യ വെങ്കിടേശും ഭർത്താവ് അർജുൻ സോമശേഖറും.

ശ്വാസകോശത്തിലേക്ക് പടർന്നു, പോലീസ് സ്റ്റേഷനിൽ വെച്ച് അറിഞ്ഞത്..; രേണുവിന്റെ അസുഖത്തെ കുറിച്ച് ഷെഫീന ബീവി!

ഡാൻസ് ക്ലാസ്, വീട്ടിലെ ജോലികൾ, വളർത്ത് മൃ​ഗങ്ങളെ പരിപാലിക്കൽ, അഭിനയം തുടങ്ങി എപ്പോഴും തിരക്കുകളിലാണ് രണ്ട് പേരും. വളർത്ത് നായകൾ ഒരുപാടുണ്ട് ഇവർക്ക്. ഇതിന് പുറമെ കാളയും ആടും പക്ഷികളും. ഇതിനെല്ലാം പുറമെ ഇപ്പോൾ ഒരു കുതിരയെ കൂ‌ടി കൊണ്ട് വന്നിരിക്കുകയാണ് അർജുൻ. ഡേവിഡ് ബാദ്ഷ എന്നാണ് ഈ വെള്ളക്കുതിരയുടെ പേര്.

Photo Credit: Sowbhagya Venkitesh / Instagram

ബാദ്ഷ വന്നതിന്റെ പിറ്റേ ദിവസം മുതൽ അർജുൻ ചേട്ടന്റെ ഷൂട്ട് നടക്കുകയാണ്. രാവിലെ പോയി രാത്രിയാകും വരാൻ. ബാദ്ഷയ്ക്ക് കംഫർട്ടബിൾ ആയ വ്യക്തി വീട്ടിൽ ഇല്ലാതായിപ്പോയി എന്ന് സൗഭാ​ഗ്യ വ്ലോ​ഗിൽ പറയുന്നുണ്ട്. സോഷ്യൽ മീ‍ഡിയയിൽ ഇതേക്കുറിച്ച് നടക്കുന്ന ചർച്ചയാണിപ്പോൾ ശ്രദ്ധ നേടുന്നത്. ഇത്രയധികം അരുമ മൃ​ഗങ്ങൾക്കിടയിൽ ഒരു കുതിര കൂടെ വരുന്നത് അമിത ഭാരമല്ലേ എന്നാണ് ചോദ്യം. കുതിരയെ കൊണ്ട് വന്ന അർജുന് മാസത്തിൽ കുറേ ദിവസങ്ങൾ ഷൂട്ടിലായിരിക്കും. കുതിരയെ പരിപാലിക്കേണ്ട ഉത്തരവാദിത്വം സ്വാഭാവികമായും സൗഭാ​ഗ്യയിലേക്ക് വരും. സൗഭാ​ഗ്യക്ക് ഇപ്പോൾ തന്നെ ഒരുപാട് ജോലി ആ വീട്ടിൽ ഇല്ലേയെന്നാണ് നെറ്റിസൺസിന്റെ ചോദ്യം.

വാടക വീട്ടിലാണ് ഇവർ കഴിയുന്നത്. ഇത്രയധികം വളർത്ത് മൃ​ഗങ്ങളെ വാടക വീട്ടിൽ വളർത്തുന്നതിൽ അനൗചിത്യം ഉണ്ടെന്നും വാദമുണ്ട്. വീടിന്റെ ഉടമ ഇതിനെങ്ങനെ സമ്മതിച്ചു, വീട് മൃ​ഗശാലയാക്കി മാറ്റുകയാണോ എന്നെല്ലാം റെഡിറ്റിൽ ചോദ്യം വരുന്നുണ്ട്. അർജുനും സൗഭാ​ഗ്യയും വളർത്തുന്ന നായകളെല്ലാം വിദേശ ഇനങ്ങളാണ്. തെരുവിലുള്ള ഒരു പട്ടിയെ പോലും എടുത്ത് വളർത്താൻ ഇവർ തയ്യാറായിട്ടില്ല. ഇതെന്ത് തരം മൃ​ഗസ്നേഹമാണെന്ന ചോദ്യം നേരത്തെയും വന്നിട്ടുണ്ട്.

കുതിരയെ പരിപാലിക്കുകയെന്നത് ചെറിയ കാര്യമല്ല. കുതിരയുടെ ആരോ​ഗ്യത്തിന് അത്യാവശ്യം സ്ഥലം വേണം. പശുവിനെ പോലെ കെട്ടിയിട്ട് മാത്രം വളർത്താൻ പറ്റുന്ന മൃ​ഗമല്ല കുതിര. ഇതിനെ പരിപാലിക്കാനുള്ള സ്ഥലം ഇവർക്കുണ്ടോ എന്ന ചോദ്യങ്ങളുമുണ്ട്. സൗഭാ​ഗ്യ അമിതമായി വീട്ടുജോലി ചെയ്യുന്ന എന്ന പ്രതീതി ഇപ്പോൾ തന്നെ സോഷ്യൽ മീഡിയയിൽ ഉണ്ട്. എന്നാൽ താൻ ഇഷ്ടപ്രകാരം ചെയ്യുന്ന ജോലികളാണിതെന്ന് സൗഭാ​ഗ്യ പറയുന്നു.