കല്യാണത്തിന് സമ്മതം മൂളി ആമിറിന്റെ മകള്‍; സിനിമാറ്റിക് സ്റ്റൈലില്‍ ഐറയെ പ്രൊപ്പോസ് ചെയ്ത് കാമുകന്‍

സോഷ്യല്‍ മീഡിയയില്‍ പങ്കുവച്ച വീഡിയോയിലൂടെയാണ് ഐറയും നുപുറും തങ്ങള്‍ വിവാഹം കഴിക്കാന്‍ തീരുമാനിച്ച വിവരം അറിയിച്ചിരിക്കുന്നത്. സിനിമയിലെ രംഗം പോലെ മനോഹരമായാണ് നുപുര്‍ ഐറയെ പ്രൊപ്പോസ് ചെയ്തത്. സാധാരണ താരങ്ങളുടേത് പോലെ വലിയ ആഘോഷങ്ങളുടേയും ഒരുക്കങ്ങളുടേയും ഒന്നും ബഹളമില്ലാതെ തീര്‍ത്തും ലളിതവും എന്നാല്‍ സിനിമാറ്റിക്കുമായിട്ടായിരുന്നു നുപുറിന്റെ പ്രൊപ്പോസല്‍.

ഇറ്റലിയില്‍ വച്ച് നടന്ന അയേണ്‍ മാന്‍ ഇറ്റലി ഷോയില്‍ പങ്കെടുക്കാനെത്തിയതായിരുന്നു നുപുര്‍. ഒപ്പം ഐറയുമുണ്ടായിരുന്നു. മത്സരത്തിനിടെ നുപുര്‍ ഐറയുടെ അറികിലെത്തുകയും ചുംബിക്കുകയുമായിരുന്നു. പിന്നാലെ മുട്ടു കുത്തി നിന്നു കൊണ്ട് നുപുര്‍ താന്‍ കരുതി വച്ചിരുന്ന മോതിരം പുറത്തെടുക്കുകയും ഐറയെ പ്രൊപ്പോസ് ചെയ്യുകയും ചെയ്യുകയായിരുന്നു. ഉടനെ തന്നെ ഇറ സമ്മതം മൂളുകയും ചെയ്തു. ഈ വീഡിയോ ഇറ തന്നെ സോഷ്യല്‍ മീഡിയയിലൂടെ പങ്കുവച്ചിട്ടുണ്ട്. വീഡിയോ സോഷ്യല്‍ മീഡിയയില്‍ വൈറലായി മാറിയിരിക്കുകയാണ്.

കഴിഞ്ഞ രണ്ട് വര്‍ഷത്തോളമായി നുപുറും ഐറയും പ്രണയത്തിലാണ്. ഈയ്യടുത്ത് തങ്ങളുടെ പ്രണയത്തിന്റെ രണ്ടാം വാര്‍ഷികം ആഘോഷിക്കുന്നതിന്റെ ചിത്രങ്ങള്‍ ഐറ പങ്കുവച്ചിരുന്നു. തന്റെ 25-ാം പിറന്നാള്‍ ആഘോഷങ്ങളില്‍ നിന്നുമുള്ള നുപുറിനൊപ്പമുള്ള ചിത്രങ്ങളും ഈയ്യടുത്ത് ഐറ പങ്കുവച്ചിരുന്നു. മറ്റ് സ്റ്റാര്‍ കിഡ്‌സില്‍ നിന്നും തീര്‍ത്തും വ്യത്യസ്തയാണ് ഇറ. പൊതുവേദികളിലോ പാര്‍ട്ടികളിലോ ഐറ അധികം ഐറയെ കാണാറില്ല. പക്ഷെ താരം സോഷ്യല്‍ മീഡിയയിലൂടെ ആരാധകരുടെ പ്രിയങ്കരിയായി മാറുകയായിരുന്നു.

ഇരുവര്‍ക്കും ആശംസകളുമായി നിരവധി പേര്‍ എത്തിയിട്ടുണ്ട്. നടി ഫാത്തിമ സന ഷെയ്ഖ് ഐറയ്ക്കും നുപുറിനും ആശംസകളുമായി എത്തി. ഞാന്‍ കണ്ട ഏറ്റവും മധുരകരമായ കാഴ്ചയാണിതെന്നായിരുന്നു ഫാത്തിമ കുറിച്ചത്. താന്‍ കണ്ടതില്‍ ഏറ്റഴും ക്യൂട്ട് ആയ കാഴ്ചയെന്നാണ് ടൈഗര്‍ ഷ്രോഫിന്റെ സഹോദരി കൃഷ്ണ ഷ്രോഫ് കുറിച്ചത്. ഹുമ ഖുറേഷി, റിയ ചക്രബര്‍ത്തി, ഹേസല്‍ കീച്ച്, ഗുല്‍ഷന്‍ ദേവയ്യ തുടങ്ങിയവരും ഇരുവര്‍ക്കും ആശംസകളുമായി എത്തിയിട്ടുണ്ട്.