'ആരാധ്യയെ നോക്കാൻ ഞാൻ മതി', അമ്മയായ ശേഷമുള്ള ജീവിതത്തെ കുറിച്ച് ഐശ്വര്യ

താരത്തിന്റെ നാൽപത്തിയെട്ടാം പിറന്നാൾ ദിനത്തിലാണ് 2018ൽ അമ്മയായുള്ള തന്റെ ജീവിതത്തെ കുറിച്ച് ഐശ്വര്യ തുറന്ന് സംസാരിച്ചത്. സെലിബ്രിറ്റികളുടെ ഫോട്ടോകൾക്ക് താഴെ 'മക്കളെ വളർത്തുന്നതിന് അടക്കം സഹായത്തിന് വലിയൊരു സൈന്യം തന്നെയുള്ളവരാണിവർ' എന്ന കമന്റുകൾ വായിച്ചിട്ടുണ്ടെന്നും അതുകൊണ്ട് തനിക്ക് ആരുടേയും സഹായമില്ലാതെ മകളെ വളർത്തണമെന്ന നിർബന്ധം ഉണ്ടായിരുന്നുവെന്നുമാണ് ഐശ്വര്യ പറയുന്നത്. 'ഞാൻ എന്റെ മുഴുവൻ സമയവും ആരാധ്യയ്ക്ക് വേണ്ടിയും ആരാധ്യയോടൊപ്പവുമാണ് ചിലവഴിക്കുന്നത്. കൂടാതെ വയസായ ഒരു സത്രീ വല്ലാപ്പോഴും അത്യാവശ്യഘട്ടങ്ങളിൽ സഹായത്തിന് എത്തുമായിരുന്നു. സെലിബ്രിറ്റികളുടെ ഫോട്ടോകൾക്ക് താഴെ 'മക്കളെ വളർത്തുന്നതിന് അടക്കം സഹായത്തിന് വലിയൊരു സൈന്യം തന്നെയുള്ളവരാണിവർ' എന്ന കമന്റുകൾ നിരവധി ഞാൻ വായിച്ചിട്ടുണ്ട്. അങ്ങനൊരു ആരോപണം തന്നെ കുറിച്ച് ഉണ്ടാകരുത് എന്ന് നേരത്തെ തീരുമാനിച്ചിരുന്നു. അതുകൊണ്ടാണ് മകളെ പരിപാലിക്കാനുള്ള പൂർണ ഉത്തരവാദിത്വം ഞാൻ തന്നെ ചെയ്യുന്നത്. അതുകൊണ്ട് ജീവിതം എപ്പോഴും തിരക്കിലാണെന്ന തോന്നലുമുണ്ട്. വീട്ടമ്മമാർ ഒഴിവില്ലാതെ വീടിന് വേണ്ടി അധ്വാനിക്കുന്നത് കാണുമ്പോൾ എനിക്ക് എപ്പോഴും അവരോട് അതിയായ ബഹുമാനം തോന്നാറുണ്ട്' ഐശ്വര്യ റായ് പറയുന്നു.

എല്ലാം നല്ലതിന് എന്ന് ചിന്തിക്കുന്നതിന്റെ പ്രാധാന്യത്തെ കുറിച്ചും മകളെ പഠിപ്പിക്കാറുണ്ടെന്നും ഐശ്വര്യ പറയുന്നു. 'ഞാൻ മനസിന്റെ അവസ്ഥയിൽ ഉറച്ച് വിശ്വസിക്കുന്ന ആളാണ്. നമ്മുടെ തല എല്ലാ ദിവസവും എല്ലാവർക്കും മുമ്പിൽ ഉയർന്ന തലത്തിൽ നിലനിർത്താനുള്ള മാർ​ഗം മനസിന് ശരിയെന്ന് തോന്നുന്നത് ചെയ്യുക എന്നതാണ്. അത് ഞാൻ ആരാധ്യയോട് പറഞ്ഞ് കൊടുക്കാറുണ്ട്. ബി പോസിറ്റീവ് എന്നത് ഒരു രക്തഗ്രൂപ്പ് മാത്രമല്ലെന്നും ജീവിതത്തിലെ എല്ലാം ഒരു സമയങ്ങളിലും എപ്പോളും ബി പോസിറ്റീവ് എന്ന ചിന്തയുണ്ടാകണമെന്നും പറയാറുണ്ട്. ഈ നിമിഷത്തിൽ ജീവിതം അനുഭവിച്ചറിയുകയെന്നും നിങ്ങളുടെ അനുഭവത്തോടൊപ്പം നിങ്ങൾ ജീവിക്കേണ്ടിവരുംമെന്നും ആരാധ്യയ്ക്ക് പറഞ്ഞ് നൽകാറുണ്ടെന്നും' ഐശ്വര്യ റായ് പറഞ്ഞു.

Recommended Video

ആരാധ്യയുടെ കാര്യത്തില്‍ അഭിഷേക് പൊസ്സസീവ് | filmibeat Malayalam

2011ൽ ആണ് ഐശ്വര്യ റായ്ക്കും ഭർത്താവും നടനുമായ അഭിഷേക് ബച്ചനും ആരാധ്യ പിറന്നത്. മകളുടെ പിറവിക്ക് ശേഷം അഞ്ച് വർഷത്തോളം മകൾക്കും കുടുംബത്തിനും വേണ്ടി ഐശ്വര്യ സിനിമയിൽ നിന്നും വിട്ടുനിൽക്കുകയായിരുന്നു. പിന്നീട് 2015ൽ ജെസ്ബ എന്ന ചിത്രത്തിലൂടെയാണ് സിനിമകളിൽ ഐശ്വര്യ വീണ്ടും സജീവമാകാൻ തുടങ്ങിയത്. ഇപ്പോൾ ഐശ്വര്യ മണിരത്നം സിനിമ പൊന്നിയൻ സെൽവന്റെ റിലീസിന് വേണ്ടിയുള്ള കാത്തിരിപ്പിലാണ്.