ചിരിമായാത്ത മാലാഖ! ഉറക്കം നഷ്ടപ്പെട്ട രാപകലുകള്‍; നിറകണ്ണുകളോടെ അച്ഛനെ ഓര്‍ത്ത് ഐശ്വര്യ

അച്ഛന്റെ ചിത്രം പങ്കുവച്ചു കൊണ്ടായിരുന്നു ഐശ്വര്യ അദ്ദേഹത്തെ ഓര്‍മ്മിച്ചത്. സന്തോഷം നിറഞ്ഞ ജന്മദിനാശംസകള്‍ എന്റെ പ്രിയപ്പെട്ട ഡാഡി-അജജ്ജാ. അനന്തതയോളം നിങ്ങളെ സ്‌നേഹിക്കുന്നുവെന്നായിരുന്നു ഐശ്വര്യ കുറിച്ചത്. ചിരിച്ചു കൊണ്ട് നില്‍ക്കുന്ന അച്ഛന്റെ ചിത്രമാണ് താരം പങ്കുവച്ചിരിക്കുന്നത്. നേരത്തേയും അച്ഛനെക്കുറിച്ചുള്ള ഓര്‍മ്മകളും മറ്റും ഐശ്വര്യ സോഷ്യല്‍ മീഡിയയിലൂടെ പങ്കുവച്ചിട്ടുണ്ട്. വിശേഷ ദിവസങ്ങളില്‍ തന്റെ അച്ഛന്റെ ചിത്രത്തിന് മുന്നില്‍ നിന്നു കൊണ്ടുള്ള ചിത്രം എടുക്കാനും ഐശ്വര്യ മറക്കാറില്ല.

കഴിഞ്ഞ മാര്‍ച്ച് 18 ന് തന്റെ അച്ഛന്റെ ഓര്‍മ്മ ദിവസവും ഐശ്വര്യ ഹൃദയസ്പര്‍ശിയായൊരു പോസ്റ്റ് പങ്കുവച്ചിരുന്നു. അച്ഛന്റെ ചിത്രമായിരുന്നു ഐശ്വര്യ പങ്കുവച്ചത്. അച്ഛന്റെ മാലയിട്ട ചിത്രമായിരുന്നു ഐശ്വര്യ പങ്കുവച്ചൊരു ചിത്രം. അതേ ചിത്രത്തിന് മുന്നിലായി ഇരിക്കുന്ന തന്റെ അമ്മയുടേയും മകള്‍ ആരാധ്യയുടേയും ചിത്രവും ഐശ്വര്യ പങ്കുവച്ചിരുന്നു. 2020 ല്‍ അദ്ദേഹത്തിന്റെ ജന്മദിനത്തില്‍ ഐശ്വര്യയും അഭിഷേകും സോഷ്യല്‍ മീഡിയ പോസ്റ്റിലൂടെ കൃഷ്ണരാജിനെ ഓര്‍ത്തിരുന്നു. എപ്പോഴും ചിരിച്ചു കൊണ്ടിരിക്കുന്ന മാലാഖ, എന്നാണ് ഐശ്വര്യ തന്റെ അച്ഛനെ വിശേഷിപ്പിച്ചത്.

ഐശ്വര്യയുടെ അച്ഛന്റെ ആശുപത്രിവാസത്തേക്കുറിച്ചും ആ സമയത്തെ ഐശ്വര്യയെക്കുറിച്ചും ഒരു സുഹൃത്ത് പറഞ്ഞ വാക്കുകള്‍ ഏറെ ചര്‍ച്ചയായിരുന്നു. '' ഐശ്വര്യ തകര്‍ന്നു പോയിരിക്കുന്നു. അച്ഛന്റെ മോശമായി കൊണ്ടിരിക്കുന്ന ആരോഗ്യത്തെക്കുറിച്ച് ഓര്‍ത്ത് അവള്‍ക്ക് ഉറക്കം നഷ്ടമായിരിക്കുന്നു. ഐശ്വര്യയ്‌ക്കൊപ്പം സദാ സമയവും അഭിഷേക് ഉണ്ട്. അച്ഛനെ ശ്രദ്ധിക്കുമ്പോള്‍ ഐശ്വര്യ സ്വന്തം കാര്യങ്ങള്‍ മറക്കുകയാണ്. അതിനാല്‍ ഐശ്വര്യയുടെ കാര്യങ്ങള്‍ ശ്രദ്ധിക്കുന്നത് അഭിഷേകാണ്. ഇരുവരും സദാസമയവും ആശുപത്രിയിലാണ്. പുറത്ത് വരുന്നത് വീട്ടില്‍ പോയി വസ്ത്രം മാറി വരാനാണ്. മകള്‍ ആരാധ്യയെ അമിതാഭ് ബച്ചനും ജയ ബച്ചനുമാണ് നോക്കുന്നത്'' എന്നായിരുന്നു സുഹൃത്ത് പറഞ്ഞത്.

തമ്പി കലിപ്പനില്‍ നിന്നും കോമഡിയിലേക്ക്, ശിവന് കിടിലന്‍ സര്‍പ്രൈസ് നല്‍കാന്‍ അഞ്ജു; സാന്ത്വനം സംഭവബഹുലം

അതേസമയം ഫന്നേ ഖാന്‍ ആണ് ഐശ്വര്യ അവസാനമായി അഭിനയിച്ച് പുറത്തിറങ്ങിയ സിനിമ. അനില്‍ കപൂറും രാജ് കുമാര്‍ റാവുവുമായിരുന്നു ചിത്രത്തിലെ മറ്റ് പ്രധാന താരങ്ങള്‍. 2018 ലാണ് ചിത്രം പുറത്തിറങ്ങിയത്. ഐശ്വര്യയുടെ ശക്തമായ തിരിച്ചുവരവിനായി കാത്തു നില്‍ക്കുകയാണ് ആരാധകര്‍. അതേസമയം ഐശ്വര്യയും തിരിച്ചുവരവിനായി തയ്യാറെടക്കുകയാണ്. തമിഴ് ചിത്രത്തിലൂടെയാണ് ഐശ്വര്യയുടെ തിരിച്ചുവരവ്. മണിരത്‌നം സംവിധാനം ചെയ്യുന്ന ബിഗ് ബജറ്റ് ചിത്രമായ പൊന്നിയിന്‍ സെല്‍വനിലൂടെയാണ് ഐശ്വര്യയുടെ തിരിച്ചുവരവ്. ചിത്രത്തിന്റെ ചിത്രീകരണത്തിനിടെയുള്ള ഐശ്വര്യയുടെ ചിത്രങ്ങളും വീഡിയോയും നേരത്തെ സോഷ്യല്‍ മീഡിയയില്‍ വൈറലായിരുന്നു.

Recommended Video

ആരാധ്യയുടെ കാര്യത്തില്‍ അഭിഷേക് പൊസ്സസീവ് | filmibeat Malayalam

വന്‍ താരനിര തന്നെ ചിത്രത്തില്‍ അണിനിരിക്കുന്നുണ്ട്. ഐശ്വര്യയ്ക്ക് പുറമെ വിക്രം, ജയം രവി, കാര്‍ത്തി, ജയറാം, തൃഷ, ഐശ്വര്യ രാജേഷ്, ഐശ്വര്യ ലക്ഷി, വിക്രം പ്രഭു തുടങ്ങിയവരും ചിത്രത്തില്‍ അണിനിരക്കുന്നുണ്ട്. ഏറെ പ്രതീക്ഷയോടെയാണ് ചിത്രത്തിനായി ആരാധകര്‍ കാത്തിരിക്കുന്നത്.