അനന്യ പാണ്ഡെയും ഇഷാനും ബ്രേക്കപ്പ് ആയി! പ്രണയതകര്‍ച്ച മൂന്ന് വര്‍ഷത്തെ പ്രണയത്തിന് ശേഷം

എന്നാല്‍ ഇപ്പോള്‍ പുറത്ത് വരുന്ന വാര്‍ത്തകള്‍ ആരാധകര്‍ക്ക് നിരാശ പകരുന്നതാണ്. ഇഷാനും അനന്യയും പിരിയാന്‍ തീരുമാനിച്ചതായാണ് റിപ്പോര്‍ട്ടുകള്‍ പറയുന്നത്. പിങ്ക് വില്ലയാണ് ഇഷാനും അനന്യയും പിരിഞ്ഞതായി റിപ്പോര്‍ട്ട് ചെയ്തിരിക്കുന്നത്. മൂന്ന് വര്‍ഷത്തെ പ്രണയത്തിനാണ് അനന്യയും ഇഷാനും അവസാനം കുറിച്ചിരിക്കുന്നത്. കാലി പീലി എന്ന സിനിമയുടെ ലൊക്കേഷനില്‍ വച്ചായിരുന്നു ഇരുവരും പരിചയപ്പെടുന്നതും സുഹൃത്തുക്കളുമായി മാറുന്നത്. ഇത് പിന്നീട് പ്രണയത്തിലേക്ക് എത്തുകയായിരുന്നു. എന്നാല്‍ തങ്ങളുടെ കാഴ്ചപ്പാടുകള്‍ യോജിച്ച് പോകില്ലെന്ന് തിരിച്ചറിഞ്ഞതോടെ ഇരുവരും പിരിയാന്‍ തീരുമാനിക്കുകയായിരുന്നു. പിരിഞ്ഞുവെങ്കിലും അനന്യയും ഇഷാനും സുഹൃത്തക്കുളായി തുടരുമെന്നാണ് റിപ്പോര്‍ട്ടില്‍ പറയുന്നത്.

അനന്യയും ഇഷാനും നല്ല രീതിയിലാണ് പിരിഞ്ഞത്. ഭാവിയിലും സുഹൃത്തുക്കളായിരിക്കും. സൗഹൃദത്തിന് കോട്ടം സംഭവിച്ചിട്ടില്ല. അതിനാല്‍ ഒരുമിച്ച് അഭിനയിക്കേണ്ട അവസരം വന്നാല്‍ അഭിനയിക്കുന്നതിനും ഇരുവര്‍ക്കും ബുദ്ധിമുട്ടില്ലെന്നും റിപ്പോര്‍ട്ടില്‍ പറയുന്നു. ബോളിവുഡിലെ യുവതാരങ്ങളായ അനന്യയും ഇഷാനും എല്ലാവരുടേയും പ്രിയപ്പെട്ട ജോഡിയായിരുന്നു. ഈയ്യടുത്തായിരുന്നു ഇഷാനും കുടുംബത്തിനുമൊപ്പം അനന്യ ഷാഹിദിന്റെ പിറന്നാള്‍ ആഘോഷിച്ചത്. ഇരുവരും ഒരുമിച്ച് മാലിദ്വീപ് യാത്രയും നടത്തിയിരുന്നു. അതുകൊണ്ട് തന്നെ എല്ലാവര്‍ക്കും അമ്പരപ്പുണ്ടാക്കുന്നതാണ് പിരിയാനുള്ള താരങ്ങളുടെ തീരുമാനം.

ദീപിക പദുക്കോണ്‍, സിദ്ധാന്ത് ചതുര്‍വേദി എന്നിവര്‍ക്കൊപ്പം അഭിനയിച്ച ഗെഹരായിയാം ആണ് അനന്യയുടെ ഒടുവില്‍ പുറത്തിറങ്ങിയ സിനിമ. നടന്‍ ചങ്കി പാണ്ഡെയുടെ മകളായ അനന്യ സ്റ്റുഡന്റ് ഓഫ് ദ ഇയറിലൂടെയായിരുന്നു സിനിമയിലെത്തുന്നത്. അതേസമയം അനന്യയുടെ അരങ്ങേറ്റത്തിനെതിരെ സോഷ്യല്‍ മീഡിയ വിമര്‍ശനവുമായി രംഗത്തെത്തിയിരുന്നു. നെപ്പോട്ടിസമാണ് അനന്യയെ താരമാക്കിയതെന്നാണ് വിമര്‍ശനം. ഒരിക്കല്‍ താന്‍ നേരിട്ട കഷ്ടപ്പാടുകളെക്കുറിച്ചുള്ള അനന്യയുടെ വാക്കുകള്‍ വിമര്‍ശിക്കപ്പെട്ടിരുന്നു. ഗെഹരായിയാം ആണ് അനന്യയുടെ ഒടുവില്‍ പുറത്തിറങ്ങിയ സിനിമ. ചിത്രത്തിലെ അനന്യയുടെ പ്രകടനം കയ്യടി നേടിയിരുന്നു. വിജയ് ദേവരക്കൊണ്ടയ്‌ക്കൊപ്പം അഭിനയിക്കുന്ന ലൈഗര്‍ ആണ് അനന്യയുടെ പുതിയ സിനിമ.

Recommended Video

കൂടെ നിന്നവർക്ക് സിനിമ നഷ്ടമായി, പ്രിയപ്പെട്ട ചിലർ കാലുമാറിയത് വേദനിപ്പിച്ചു : ഭാവന | Filmibeat

താരപുത്രനാണ് ഇഷാന്‍. ബിയോണ്ട് ദ ക്ലൗഡ്‌സിലൂടെയായിരുന്നു ഇഷാന്റെ അരങ്ങേറ്റം. പിന്നീട് ധഡക്കിലൂടെ ബോളിവുഡില്‍ സ്ഥാനം ഉറപ്പിക്കുകയായിരുന്നു. ജാന്‍വി കപൂറിന്റെ അരങ്ങേറ്റ സിനിമയായിരുന്നു ധഡക്ക്. കാലി പീലിയിലാണ് ഇരുവരും ഒരുമിച്ച് അഭിനയിച്ചത്. ഹോളിവുഡ് ചിത്രം ഡോണ്ട് ലുക്ക് അപ്പില്‍ അതിഥി വേഷത്തിലും ഇഷാന്‍ എത്തിയിരുന്നു. ഇതിനിടെ നെറ്റ്ഫ്‌ളിക്‌സ് സീരീസിലൂടെയും ഇഷാന്‍ കയ്യടി നേടിയിരുന്നു. ദ സ്യൂട്ടബിള്‍ ബോയിലാണ് ഇഷാന്‍ നായകനായി എത്തിയത്. മികച്ചൊരു നര്‍ത്തകനുമാണ് ഇഷാന്‍. ഫോണ്‍ ഭൂത്, പിപ്പ എന്നിവയാണ് ഇഷാന്റെ പുതിയ സിനിമകള്‍.