ആദ്യ കാഴ്ചയില്‍ തന്നെ ഞങ്ങള്‍ അടുത്തു! ഹൃത്വികിന്റെ മുന്‍ ഭാര്യ സൂസെയ്‌നെക്കുറിച്ച് കാമുകന്‍ പറയുന്നു

''സോഷ്യല്‍ മീഡിയയിലെ ചാറ്റ് സാധാരണ കാര്യം മാത്രമാണ്. സുഹൃത്തുക്കള്‍ക്കായുള്ള ബര്‍ത്ത് ഡേ പാര്‍ട്ടിയായിരുന്നു അത്. എല്ലാവര്‍ക്കും അവരുടെ സുഹൃത്തുക്കളുടെ ബര്‍ത്ത് ഡേ പാര്‍ട്ടിയില്‍ പങ്കെടുക്കാമല്ലോ? ആളുകള്‍ എപ്പോഴും എന്തെങ്കിലും ഊഹിച്ചെടുക്കും. പക്ഷെ അതിനെ എങ്ങനെ നേരിടണമെന്ന് ഞങ്ങള്‍ക്ക് അറിയാം. അതൊന്നും ശ്രദ്ധിക്കാതെ ഇരുന്നാല്‍ മതി'' എന്നായിരുന്നു ഗോണി പറഞ്ഞത്. പിന്നാലെ എങ്ങനെയാണ് തങ്ങളുടെ സൗഹൃദം ആരംഭിച്ചതെന്നും അര്‍സ്ലന്‍ പറയുന്നുണ്ട്. തങ്ങളുടെ ഒരു പൊതു സുഹൃത്തിന്റെ വീട്ടില്‍ വച്ചായിരുന്നു സൗഹൃദത്തിന്റെ തുടക്കമെന്നാണ് താരം പറയുന്നത്.

''ഞങ്ങള്‍ വളരെ നല്ല സുഹൃത്തുക്കളാണ്. ഞങ്ങളുടെ ഒരു പൊതു സുഹൃത്തിന്റെ വീട്ടില്‍ വച്ചാണ് കണ്ട് മുട്ടുന്നത്. ആദ്യ കാഴ്ചയില്‍ തന്നെ സുഹൃത്തുക്കളായി മാറുകയായിരുന്നു. സുഹൃത്തുക്കള്‍ക്കൊപ്പം സമയം ചെലവിടാറുണ്ട് ഞങ്ങള്‍ എപ്പോഴും. അവള്‍ വളരെ നല്ലൊരു വ്യക്തിയാണ്'' എന്നായിരുന്നു അര്‍സ്ലന്‍ പറഞ്ഞത്. നേരത്തെ സൂപ്പര്‍ താരം ഹൃത്വിക് റോഷനെയായിരുന്നു സൂസെയ്ന്‍ വിവാഹം കഴിച്ചത്. എന്നാല്‍ 2013ല്‍ ഇരുവരും പിരിയാന്‍ തീരുമാനിക്കുകയായിരുന്നു. ആരാധകരെ ഏറെ വിഷമിപ്പിച്ചതായിരുന്നു ഈ വാര്‍ത്ത. ഏറെ നാളത്തെ പ്രണയത്തിന് ശേഷമായിരുന്നു ഇരുവരും വിവാഹിതരാകുന്നത്. എന്നാല്‍ വിവാഹ മോചനത്തിന് ശേഷവും ഇരുവരും നല്ല സുഹൃത്തുക്കളായി തുടരുകയായിരുന്നു. തങ്ങളുടെ മക്കളുടെ കോ പാരന്റ്‌സ് ആയി തുടരുന്ന ഹൃത്വിക്കും സൂസെയ്‌നും ലോക്ക്ഡൗണ്‍ കാലത്ത് ഒരുമിച്ച് താമസിക്കുകയും ചെയ്തിരുന്നു. മക്കള്‍ക്കൊപ്പം ഇരുവരും ഒരുമിച്ച് യാത്രകള്‍ നടത്താറുമുണ്ട്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം പ്രചരിക്കുന്ന പ്രണയ വാര്‍ത്തകളോട് നാളിതുവരെ സൂസെയ്ന്‍ ഖാന്‍ പ്രതികരിച്ചിട്ടില്ല. നടനും ബിഗ് ബോസ് താരവുമായ അലി ഗോണിയുടെ സഹോദരന്‍ കൂടിയാണ് അര്‍സ്ലന്‍ ഗോണി. ഇരുവരും ഒരുമിച്ചുള്ള ചിത്രങ്ങള്‍ സോഷ്യല്‍ മീഡിയയില്‍ പലപ്പോഴും വൈറലായി മാറാറുണ്ട്. ഗോസിപ്പുകളോടുള്ള സൂസെയ്‌ന്റെ പ്രതികരണം എന്തായിരിക്കും എന്നറിയാനുള്ള ആകാംഷയിലാണ് ആരാധകര്‍.