പ്രണയം തകര്‍ന്ന് വിഷാദരോഗിയായി, താങ്ങായി മാറി അച്ഛന്റെ ട്രെയിനര്‍; ആമിറിന്റെ മകളുടെ പ്രണയകഥ

ഐറയും കാമുകന്‍ നുപുര്‍ ഷിഖറെയും തമ്മിലുള്ള വിവാഹ നിശ്ചയം കഴിഞ്ഞിരിക്കുകയാണ്. താരങ്ങള്‍ക്ക് ആശംസകളുമായി എത്തിയിരിക്കുകയാണ് സിനിമാ ലോകവും. താരജാഡകളൊന്നുമില്ലാതെ തീര്‍ത്തും ലളിതവും എന്നാല്‍ സിനിമകളെ ഓര്‍മ്മിപ്പിക്കുന്ന തരത്തിലായിരുന്നു ഐറയുടേയും നുപുറിന്റേയും വിവാഹ നിശ്ചയം. അത്ര തന്നെ മനോഹരമാണ് ഇരുവരുടേയും പ്രണയവും. ആ പ്രണയ കഥ വായിക്കാം വിശദമായി തുടര്‍ന്ന്.

നേരത്തെ സംഗീതജ്ഞന്‍ മിഷാല്‍ ക്രിപലാനിയുമായി പ്രണയത്തിലായിരുന്നു ഐറ. എന്നലാണ് ഈ പ്രണയ ബന്ധം തകര്‍ന്നു. പിന്നീടാണ് ഐറ നുപുറുമായി പ്രണയത്തിലാകുന്നത്. അച്ഛന്‍ ആമിര്‍ ഖാന്റെ ഫിറ്റ്‌നസ് ട്രെയിനറാണ് നുപുര്‍. അങ്ങനെയാണ് ഇരുവരും പരിചയപ്പെടുന്നതും പ്രണയത്തിലാകുന്നത്. 2021 ഫെബ്രുവരിയിലാണ് തങ്ങളുടെ പ്രണയം ഐറ സോഷ്യല്‍ മീഡിയയിലൂടെ ഔദ്യോഗികമായി പ്രഖ്യാപിക്കുന്നത്.

അധികം വൈകാതെ തന്നെ നുപുറും ഐറയും ഒരുമിച്ച് ജീവിക്കാനും ആരംഭിക്കുകയായിരുന്നു. സോഷ്യല്‍ മീഡിയയിലൂടെ തങ്ങളുടെ പ്രണയ നിമിഷങ്ങളും ജീവിതവുമൊക്കെ നുപുറും ഐറയും പങ്കുവെക്കാറുണ്ട്. ഇരുവരുടേയും കെമിസ്ട്രിയും സ്‌നേഹവുമൊക്കെ ആരാധകര്‍ ഏറെ ഇഷ്ടപ്പെടുന്നതാണ്. തീര്‍ത്തും വ്യത്യസ്തവും രസകരവുമായിട്ടാണ് ഐറയും നുപുറും തങ്ങളുടെ ജീവിതത്തിലെ സുന്ദര നിമിഷങ്ങള്‍ ആഘോഷിക്കാറുള്ളത്.

നേരത്തെ പ്രണയ തകര്‍ച്ചയ്ക്ക് ശേഷം ഐറയ്ക്ക് പ്രണയത്തിലുണ്ടായിരുന്ന വിശ്വാസം തന്നെ നഷ്ടമായിരുന്നു. അതോടെയാണ് താരം സംവിധാനത്തില്‍ മുഴുവന്‍ സമയവും ശ്രദ്ധിക്കാന്‍ തീരുമാനിക്കുന്നത്. ഇതില്‍ വിജയിക്കുകയും ചെയ്തു. കഴിഞ്ഞ ലോക്ക്ഡൗണ്‍ കാലത്താണ് ഐറ അച്ഛന്‍ ആമിറിനൊപ്പം താമസിക്കാന്‍ തുടങ്ങുന്നത്. ആമിറിന്റെ വീട്ടില്‍ വച്ചാണ് ഐറ നുപുറിനെ പരിചയപ്പെടുന്നത്. ഇരുവരും സുഹൃത്തുക്കളായി മാറുകയായിരുന്നു.

മുന്‍ അനുഭവത്തിന്റെ വെളിച്ചത്തില്‍ ഐറയുടെ ശ്രദ്ധ ഫിറ്റ്‌നസിലും ജോലിയിലും മാത്രമായിരുന്നുവെങ്കിലും പതിയെ താരപുത്രി നുപുറുമായി പ്രണയത്തിലാവുകയായിരുന്നു. തുടക്കത്തില്‍ തങ്ങളുടെ പ്രണയം മറച്ചുവെക്കാന്‍ ഇരുവരും ശ്രമിച്ചുവെങ്കിലും പിന്നീട് പരസ്യമാക്കുകയായിരുന്നു. ഒരുമിച്ച് വിദേശ യാത്രകളും മറ്റും നടത്താറുണ്ട് നുപുറും ഐറയും. പിന്നീട് ഐറ നുപുറിനെ തന്റെ അമ്മ റീന ദത്തയ്ക്ക് പരിചയപ്പെടുത്തുകയും ചെയ്തു. അമ്മയുടെ സമ്മതവും ലഭിച്ചു.

സിനിമയിലെ രംഗം പോലെ മനോഹരമായാണ് നുപുര്‍ ഐറയെ പ്രൊപ്പോസ് ചെയ്തത്. സാധാരണ താരങ്ങളുടേത് പോലെ വലിയ ആഘോഷങ്ങളുടേയും ഒരുക്കങ്ങളുടേയും ഒന്നും ബഹളമില്ലാതെ തീര്‍ത്തും ലളിതവും എന്നാല്‍ സിനിമാറ്റിക്കുമായിട്ടായിരുന്നു നുപുറിന്റെ പ്രൊപ്പോസല്‍.

ഇറ്റലിയില്‍ വച്ച് നടന്ന അയേണ്‍ മാന്‍ ഇറ്റലി ഷോയില്‍ പങ്കെടുക്കാനെത്തിയതായിരുന്നു നുപുര്‍. ഒപ്പം ഐറയുമുണ്ടായിരുന്നു. മത്സരത്തിനിടെ നുപുര്‍ ഐറയുടെ അറികിലെത്തുകയും ചുംബിക്കുകയുമായിരുന്നു. പിന്നാലെ മുട്ടു കുത്തി നിന്നു കൊണ്ട് നുപുര്‍ താന്‍ കരുതി വച്ചിരുന്ന മോതിരം പുറത്തെടുക്കുകയും ഐറയെ പ്രൊപ്പോസ് ചെയ്യുകയും ചെയ്യുകയായിരുന്നു. ഉടനെ തന്നെ ഇറ സമ്മതം മൂളുകയും ചെയ്തു. ഈ വീഡിയോ ഐറ തന്നെ സോഷ്യല്‍ മീഡിയയിലൂടെ പങ്കുവച്ചിട്ടുണ്ട്. വീഡിയോ സോഷ്യല്‍ മീഡിയയില്‍ വൈറലായി മാറിയിരിക്കുകയാണ്.