വിവാഹമോതിരം അഴിച്ചുമാറ്റി ദീപിക! രണ്‍വീറുമായി പിരിയാന്‍ ഉറച്ച് താരം! വൈറലായി വീഡിയോ

ഈയ്യടുത്ത് ഫിലിം ഫെയര്‍ അവാര്‍ഡ് ഏറ്റുവാങ്ങവെ രണ്‍വീര്‍ ദീപികയെ ബാക്ക് സ്‌റ്റേജില്‍ നിന്നും വേദിയിലേക്ക് കൂട്ടിക്കൊണ്ടു വരികയും തന്റെ വിജയങ്ങള്‍ക്ക് നന്ദി പറയുകയും ചുംബിക്കുകയും ചെയ്തിരുന്നു. ആരാധകര്‍ ഏറ്റെടുത്തതായിരുന്നു ഈ പ്രണയ നിമിഷം. എന്നാല്‍ ആ കാഴ്ച കഴിഞ്ഞ് വെറും ദിവസങ്ങള്‍ മാത്രം പിന്നിടുമ്പോള്‍ ആരാധകരെയാകെ ആശങ്കയിലാക്കുന്ന വാര്‍ത്തകളാണ് പ്രചരിക്കുന്നത്. വിശദമായി വായിക്കാം തുടര്‍ന്ന്.

ഇന്ന് രാവിലെ ദീപികയുടെ എയര്‍പ്പോര്‍ട്ടില്‍ നിന്നുമുള്ള വീഡിയോ സോഷ്യല്‍ മീഡിയയില്‍ വൈറലായി മാറിയിരുന്നു. അമ്മ ഉജ്ജല പദുക്കോണിനൊപ്പമാണ് വീഡിയോയില്‍ ദീപികയെത്തിയത്. കറുത്ത ടീ ഷര്‍ട്ടും സ്ലീവ് ലെസ് സ്വറ്ററുമാണ് ദീപിക ധരിച്ചിരിക്കുന്നത്. നീല ഡെനിമും കറുത്ത ബൂട്ടും കൂടെയാകുമ്പോള്‍ സ്‌റ്റൈലിഷ് ലുക്കിലാണ് ദീപിക എത്തിയിരിക്കുന്നത്. എന്നാല്‍ സോഷ്യല്‍ മീഡിയയുടെ ശ്രദ്ധ പോയത് മറ്റൊന്നിലേക്കായിരുന്നു.

സോഷ്യല്‍ മീഡിയ കണ്ടെത്തിയത് ദീപിക കയ്യില്‍ വിവാഹ മോതിരം ധരിച്ചിട്ടില്ല എന്നതാണ്. ഇതോടെ താരം വിവാഹ മോചനം തേടുകയാണെന്ന വാര്‍ത്ത ശരിയാണോ എന്നാണ് സോഷ്യല്‍ മീഡിയ ചോദിക്കുന്നത്. നിരവധി പേരാണ് കമന്റുകളിലൂടെ തങ്ങളുടെ ആശങ്ക രേഖപ്പെടുത്തി കൊണ്ട് എത്തിയിരിക്കുന്നത്. എന്താണ് വാര്‍ത്തകള്‍ക്ക് പിന്നിലെ വസ്തുത എന്നറിയാനായി ആകാംഷയോടെ കാത്തിരിക്കുകയാണ് ആരാധകര്‍.

അതേസമയം, കഴിഞ്ഞ ദിവസം ദീപികയെക്കുറിച്ച് രണ്‍വീര്‍ മനസ് തുറന്നിരുന്നു. താനും ദീപികയും പത്ത് വര്‍ഷമായി ഒരുമിച്ചുണ്ടെന്നും താന്‍ ദീപികയെ വളരെയധികം ബഹുമാനിക്കുന്നുണ്ടെന്നുമാണ് രണ്‍വീര്‍ ഒരു പരിപാടില്‍ വച്ച് പറഞ്ഞത് പറഞ്ഞത്. തങ്ങളെ അധികം വൈകാതെ തന്നെ വീണ്ടും സ്‌ക്രീനില്‍ ഒരുമിച്ച് കാണാമെന്നും രണ്‍വീര്‍ പറഞ്ഞിരുന്നു. ഇരുവരും 83ല്‍ ഒരുമിച്ചെത്തിയിരുന്നു. തന്റെ ജീവിതത്തില്‍ സംഭവിച്ച ഏറ്റവും നല്ല കാര്യമാണ് ദീപിക എന്നാണ് രണ്‍വീര്‍ പറയുന്നത്. തന്റെ ജീവിതത്തില്‍ ദീപികയുണ്ടെന്നതില്‍ താന്‍ ഒരുപാട് കടപ്പെട്ടിരിക്കുന്നതായും രണ്‍വീര്‍ പറഞ്ഞിരുന്നു.

അതേസമയം ദീപികയുടെ ആരോഗ്യത്തെക്കുറിച്ചുള്ള വാര്‍ത്തകളാണ് കഴിഞ്ഞ ദിവസം ആരാധകരെ ആശങ്കപ്പെടുത്തിയത്. ശാരീരിക അസ്വാസ്ഥ്യത്തെ തുടര്‍ന്ന് താരത്തെ ആശുപത്രിയില്‍ പ്രവേശിപ്പിക്കുകയായിരുന്നു. മുംബൈയിലെ ബ്രീച്ച് കാന്‍ഡി ആശുപത്രിയിലാണ് താരത്തെ പ്രവേശിപ്പിച്ചത്. നേരത്തെ ജൂണ്‍ 15 നും ദീപികയെ ആശുപത്രിയില്‍ പ്രവേശിപ്പിച്ചിരുന്നു.

ഹൃദയമിടിപ്പ് കൂടിയതിനെ തുടര്‍ന്നായിരുന്നു ദീപികയെ ആശുപത്രിയില്‍ പ്രവേശിപ്പിച്ചത്. പരിശോനയും ടെസ്റ്റുകളും നടത്തിയ ശേഷം താരത്തെ ഡിസ്ചാര്‍ജ് ചെയ്യുകയായിരുന്നു. അതേസമയം താരത്തിനോട് രണ്ടാഴ്ച സമ്പൂര്‍ണ വിശ്രമം നിര്‍ദ്ദേശിക്കുകയും ചെയ്തിട്ടുണ്ട്.