ഹോം

ബോളിവുഡ്

കാന്‍ ഫിലിം ഫെസ്റ്റിവലില്‍ ഇത്തവണ ഇന്ത്യയ്ക്ക് അഭിമാന വര്‍ഷമാണ്. ബോളിവുഡ് നടി ദീപിക പദുക്കോണ്‍ ഇത്തവണ ആഘോഷമായി അരങ്ങേറുന്ന 75-ാമത് മേളയില്‍ ജൂറി അംഗമായി എത്തുന്നു എന്നതാണ് ഏറ്റവും വലിയ സവിശേഷത. മറ്റ് ജൂറി അംഗങ്ങള്‍ക്കൊപ്പം മേളയ്‌ക്കെത്തിയ ദീപികയ്ക്ക് വലിയ മാധ്യമശ്രദ്ധയും കിട്ടിയിരുന്നു. ഇത് രണ്ടാം തവണയാണ് ദീപിക കാന്‍ ഫിലിം ഫെസ്റ്റിവലില്‍ പങ്കെടുക്കുന്നത്.

ഒരു ജൂറി അംഗം എന്ന നിലയില്‍ പ്രദര്‍ശനത്തിനെത്തുന്ന സിനിമകളോടുള്ള തന്റെ കാഴ്ചപ്പാടിനെക്കുറിച്ച് സംസാരിക്കുകയാണ് ഇപ്പോള്‍ ദീപിക

'ഇതൊരു വലിയ ഉത്തരവാദിത്തമാണെന്ന വസ്തുത നമുക്കെല്ലാവര്‍ക്കും അറിയാം. പക്ഷേ, ആ ഉത്തരവാദിത്തത്തെ അതിന്റെ മഹത്ത്വം മനസ്സിലാക്കിക്കൊണ്ടുതന്നെ ഒരു തരത്തിലും കളങ്കപ്പെടുത്താന്‍ ഉദ്ദേശിച്ചിട്ടില്ലെന്ന് ഞങ്ങള്‍ ഇന്നലെ തീരുമാനമെടുത്തിട്ടുള്ളതാണ്. പ്രേക്ഷകരെക്കുറിച്ചോ അതല്ലെങ്കില്‍ സിനിമകള്‍ കണ്ടുവളരുന്നവരെക്കുറിച്ചോ നാം ഓര്‍മ്മിക്കണം എന്നതാണ് പ്രധാനവിഷയം ,' ദീപിക പറഞ്ഞു.

'പ്രേക്ഷകർക്ക് ലക്ഷ്മിപ്രിയയെ പോലുള്ള കുലസ്ത്രീകളെയാണ് ആവശ്യം, വൈകാതെ ജാസ്മിനും പുറത്താകും'; നിമിഷ

സൃഷ്ടിപരമായ പ്രക്രിയകള്‍ ആസ്വദിക്കാന്‍ താന്‍ ആഗ്രഹിക്കുന്നതായി ദീപിക വ്യക്തമാക്കുന്നു. 'സിനിമ വളരെ ശക്തമായ ഒരു ഉപകരണമാണ്, അത്രയും ശക്തമായ ഒരു മാധ്യമമാണ്, അതിന് ആളുകളുടെ ജീവിതത്തെ സ്വാധീനിക്കാനും ആളുകളുടെ ജീവിതത്തെ സ്പര്‍ശിക്കാനും സ്വാധീനിക്കാനും കഴിവുണ്ട്, എന്നെ സംബന്ധിച്ച്, അടുത്ത രണ്ടാഴ്ചത്തേക്ക് നമുക്ക് വിധിനിര്‍ണ്ണയവും ഒപ്പം കാഴ്ചയുടെ പുത്തന്‍ലോകവും ചുറ്റുമുണ്ട്. വിധിനിര്‍ണ്ണയമെന്ന ഭാരം ഇറക്കിവെച്ച് റിലാക്‌സ് ചെയ്ത് സിനിമ ആസ്വദിക്കുകയാണ് വേണ്ടത്. എന്നാല്‍ എന്റെ ഉത്തരവാദിത്തവും ഏറെ സൃഷ്ടിപരമായി ആസ്വദിക്കാന്‍ സാധിക്കണം. അതാണ് നാം ഇവിടെ ചെയ്യേണ്ടതും.

നമ്മള്‍ എല്ലാവരും ക്രിയേറ്റീവ് ആയി ചിന്തിക്കുകയും പ്രവര്‍ത്തിക്കുകയും ചെയ്യുന്ന ആളുകളാണെന്ന് ഞാന്‍ കരുതുന്നു. വിധിക്കാനോ വിമര്‍ശിക്കാനോ വിമര്‍ശിക്കാനോ ഉള്ള കഴിവ് നമ്മില്‍ ആര്‍ക്കെങ്കിലും ഉണ്ടെന്ന് ഞാന്‍ കരുതുന്നില്ല. അത് ആസ്വദിക്കാന്‍ മാത്രമാണെന്ന് ഞാന്‍ കരുതുന്നു,' ദീപിക പറഞ്ഞു.

ഇന്ത്യന്‍ സിനിമയെ ലോകസിനിമാഭൂപടത്തില്‍ അടയാളപ്പെടുത്തുന്നതിനായി സംഭാവന നല്‍കിയതിന് താന്‍ ഏറെ സന്തോഷവതിയാണെന്ന് മുന്‍പ് ഒരഭിമുഖത്തില്‍ ദീപിക പറഞ്ഞിരുന്നു. ഇത് തന്റെ വ്യക്തിപരമായ വിജയമല്ലെന്നും ഓരോ ഇന്ത്യക്കാരന്റെയും വലിയ വിജയമാണെന്നും ദീപിക പറഞ്ഞു.

Also Read:ആരാധ്യ മുതിര്‍ന്നിട്ടും ആ പിടിവിട്ടില്ല, കാനിലേയ്ക്ക് കുടുംബസമേതം പറന്ന് ഐശ്വര്യ റായ് ബച്ചന്‍

കാന്‍ റെഡ് കാര്‍പെറ്റില്‍ ഇന്ത്യയെ പ്രതിനിധീകരിച്ചതിന് ശേഷം, ജൂറി അംഗമായി രാജ്യത്തെ പ്രതിനിധീകരിക്കാന്‍ താന്‍ കാത്തിരിക്കുകയായിരുന്നുവെന്നും ദീപിക പറഞ്ഞിരുന്നു. 'ഒരു ജൂറി അംഗം എന്ന നിലയില്‍, വ്യത്യസ്തമായ ഒരു മാനസികാവസ്ഥയുണ്ടെന്ന് ഞാന്‍ കരുതുന്നു. അതിനാല്‍ അതിനനുസരിച്ച് നിങ്ങള്‍ തയ്യാറാകണം, ദീപിക കൂട്ടിച്ചേര്‍ത്തു.