റണ്‍വീറിന്റെ നായിക ആകേണ്ടത് ആലിയ അല്ല, ഞാനാണ്! സംവിധായകനോട് വാശി പിടിച്ച് ദീപിക

എന്നാല്‍ ബന്‍സാലി രണ്‍വീറിന്റെ നായികയായി മനസില്‍ കണ്ടിരിക്കുന്നത് ആലിയ ഭട്ടിനെയാണ്. ആലിയയെ നായികയാക്കി ഗംഗുഭായ് കത്തിയവാഡി എന്ന ചിത്രം ചെയ്ത് കഴിഞ്ഞിരിക്കുകയാണ് ബന്‍സാലി. അടുത്ത ചിത്രത്തിലും ബന്‍സാലി നായികയായി മനസില്‍ കാണുന്നത് ആലിയയെയാണ്. ''ബൈജു ബാവ്‌രയുടെ നായികയെ തീരുമാനിച്ചിട്ടില്ല. ആലിയ ഭട്ട് ആകാനാണ് സാധ്യത. തിരക്കഥ വായിക്കുകയും പ്രതിഫലം വാങ്ങാതെ ചെയ്യാമെന്ന് അറിയിക്കുകയും ചെയ്തിട്ടുണ്ട്. ദീപിക ഗംഗുബായ് ചെയ്യാനും ആഗ്രഹം പ്രകടിപ്പിച്ചിരുന്നു. പക്ഷെ ആലിയ മതിയെന്ന നിര്‍ബന്ധത്തിലായിരുന്നു ബന്‍സാലി. ഇപ്പോള്‍ ദീപിക നോക്കുന്നത് ബൈജു ബാവ്‌രയാണ്. ഒറിജിനലില്‍ മീന കുമാരി ചെയ്ത വേഷം തനിക്ക് മാത്രമാണ് ചെയ്യാനാവുക എന്നാണ് ദീപിക പറയുന്നത്'' എന്നായിരുന്നു ചിത്രവുമായി അടുത്ത വൃത്തങ്ങളില്‍ നിന്നുമുള്ളൊരാള്‍ പറഞ്ഞത്.

ചിത്രത്തില്‍ അഭിനയിക്കാനുള്ള ദീപികയുടെ താല്‍പര്യം മനസിലാക്കുന്നുണ്ടെങ്കിലും ആലിയ ഭട്ടിനെ നായികയാക്കാനാണ് ഇപ്പോള്‍ ബന്‍സാലി ആഗ്രഹിക്കുന്നതെന്നും അദ്ദേഹം പറയുന്നു. എന്നാല്‍ തന്റെ ഭര്‍ത്താവ് കൂടിയായ രണ്‍വീറിന് മുന്നില്‍ തന്നെ നായികയാക്കണമെന്നും അല്ലാത്ത പക്ഷം സിനിമയില്‍ നിന്നും പിന്മാറണമെന്നും ദീപിക പറയുകയാണെങ്കില്‍ എന്താകും സംഭവിക്കുക എന്നതും ചിന്താവിഷയയമാണെന്നും അദ്ദേഹം പറയുന്നുണ്ട്. ആരായിരിക്കും രണ്‍വീര്‍ സിംഗിന്റെ നായികയായി ചിത്രത്തില്‍ അഭിനയിക്കുക എന്നറിയാനായി കാത്തിരിക്കുകയാണ് ആരാധകര്‍.

1952 ല്‍ പുറത്തിറങ്ങിയ സിനിമയുടെ റീമേക്ക് ആണിത്. ഒറിജിനല്‍ സംവിധാനം ചെയ്തത് വിജയ് ഭട്ട് ആയിരുന്നു. മീന കുമാരിയും ഭരത് ഭൂഷനുമായിരുന്നു ചിത്രത്തിലെ പ്രധാന താരങ്ങള്‍. മ്യൂസിക്കല്‍ ചിത്രമായ ബൈജു ബാവ്ര ഇന്ത്യന്‍ സിനിയമിലെ തന്നെ ക്ലാസിക് വിജയങ്ങളിലൊന്നാണ്. മുഗള്‍ കാലത്ത് ജീവിച്ചിരുന്ന സംഗീതജ്ഞന്റെ ജീവിതകഥയായിരുന്നു ചിത്രം പറഞ്ഞിരുന്നത്. ചിത്രത്തിന്റെ റീമേക്ക് ബന്‍സാലിയുടെ സ്വപ്‌ന ചിത്രങ്ങൡലൊന്നാണ്. നേരത്തെ ആമിര്‍ ഖാനെ നായകനാക്കി മറ്റൊരു സംവിധായകന്‍ റീമേക്ക് പ്രഖ്യാിച്ചിരുന്നുവെങ്കിലും ഈ സിനിമ നടക്കാതെ പോവുകയായിരുന്നു. പിന്നീടാണ് ബന്‍സാലി റീമേക്ക് പ്രഖ്യാപിക്കുന്നത്. പത്മാവത് ആണ് ബന്‍സാലിയുടെ ഒടുവില്‍ പുറത്തിറങ്ങിയ സിനിമ. ആലിയയെ നായികയാക്കിയുള്ള ഗംഗുബായ് കത്തിയാവാഡിയാണ് റിലീസ് കാത്തു നില്‍ക്കുന്ന ബന്‍സാലി ചിത്രം.

ഞാന്‍ അവന് വേണ്ടി ആഗ്രഹിക്കേണ്ടതില്ല, വര്‍ഷങ്ങള്‍ കഴിയുമ്പോള്‍ അയാള്‍ പറയും; പ്രണവിനെക്കുറിച്ച് മോഹന്‍ലാല്‍

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം ഛപാക് ആണ് ദീപികയുടെ അവസാനം പുറത്തിറങ്ങിയ ചിത്രം. മേഘ്‌ന ഗുല്‍സാര്‍ സംവിധാനം ചെയ്ത ചിത്രത്തിന്റെ നിര്‍മ്മാതാവും ദീപികയായിരുന്നു. 83 യാണ് റിലീസ് കാത്തു നില്‍ക്കുന്ന സിനിമ. രണ്‍വീര്‍ സിംഗാണ് ചിത്രത്തിലെ നായകന്‍. 1983 ല്‍ ക്രിക്കറ്റ് ലോകകപ്പ് നേടിയ ഇന്ത്യന്‍ ടീമിന്റെ കഥയാണ് ചിത്രം പറയുന്നത്. കപില്‍ ദേവായി രണ്‍വീര്‍ എത്തുമ്പോള്‍ കപിലിന്റെ ഭാര്യ റോമി ഭാട്ടിയയുടെ വേഷമാണ് ദീപിക ചെയ്യുന്നത്. പഠാന്‍, സര്‍ക്കസ്, പ്രൊജക്ട് കെ തുടങ്ങിയവയാണ് ദീപികയുടെ മറ്റ് പുതിയ സിനിമകള്‍.