പെൺപിള്ളേർ ഇവൻ്റെ പുറകയോ? രൺബീർ വെറും അമ്മക്കുട്ടി; മുൻ കാമുകനെ കളിയാക്കി സോനം

സിനിമയുടെ പ്രൊമോഷന്‍ നടക്കുന്നതിനിടെ രണ്‍ബീര്‍ സോനത്തിനോട് ഒരു ഡേറ്റിന് വരാന്‍ താല്‍പര്യമുണ്ടോ എന്ന് ചോദിക്കുകയായിരുന്നു. സോനം സമ്മതിക്കുകയു ചെയ്തു. എന്നാല്‍ സിനിമ പരാജയപ്പെട്ടതോടെ നായകനും നായകയും തമ്മിലുള്ള ബന്ധവും വഷളാവുകയായിരുന്നു. മാത്രവുമല്ല പരസ്യമായി തന്നെ സോനം പലപ്പോഴും രണ്‍ബീറിനെ പരിഹസിക്കുകയും വിമര്‍ശിക്കുകയും ചെയ്യുക വരെയുണ്ടായി. അത്തരത്തിലൊരു സംഭവം വിശദമായി വായിക്കാം തുടര്‍ന്ന്.

ഒരിക്കല്‍ സോനം കപൂറിനെ രണ്‍ബീര്‍ ഡ്രാമ ക്യൂന്‍ എന്ന് വിശേഷിപ്പിച്ചിരുന്നു. ഇതിന് പിന്നാലെ സോനം നല്‍കിയ പ്രതികരണം രണ്‍ബീറിനെ കണക്കിന് പരിഹസിക്കുന്നതായിരുന്നു. അമ്മയുടെ മോന്‍ എന്നായിരുന്നു രണ്‍ബീറിനെ സോനം കളിയാക്കിയത്. ''പെണ്‍കുട്ടികളൊക്കെ അവന്റെ പിന്നാലെയാണെന്നോ? സത്യമാണോ? രണ്‍ബീര്‍ ഒട്ടും സെക്‌സിയല്ല. രണ്‍ബീര്‍ അമ്മയുടെ ഓമനയാണ്. അവന്റെ കാലിലെ നഖം വെട്ടുന്നത് പോലും അമ്മയാണ്'' എന്നായിരുന്നു വോഗിന് നല്‍കിയ അഭിമുഖത്തില്‍ സോനം കപൂറിന്റെ പരിഹാസം.

തീര്‍ന്നില്ല. പന്നീടൊരിക്കല്‍ സോനം കപൂറും ദീപിക പദുക്കോണും ഒരുമിച്ച് കോഫി വിത്ത് കരണില്‍ എത്തുകയുണ്ടായിരുന്നു. ഏറെ നാളത്തെ പ്രണയത്തിന് ശേഷം രണ്‍ബീറും ദീപികയും പിരിഞ്ഞിരുന്നു അപ്പോള്‍. രണ്ട് മുന്‍ കാമുകിമാരും ചേര്‍ന്ന് രണ്‍ബീറിനെ കളിയാക്കുന്ന പലതും പറയുകയുണ്ടായി. രണ്‍ബീര്‍ നല്ല സുഹൃത്താണ് പക്ഷെ നല്ല കാമുകനാണെന്ന് തോന്നുന്നില്ലെന്നായിരുന്നു സോനം പറഞ്ഞത്. ദീപിക അവനോടൊപ്പം കുറേ നാള്‍ പിടിച്ച് നില്‍ക്കുകയായിരുന്നുവെന്നും സോനം അഭിപ്രായപ്പെട്ടു.

എന്നാല്‍ കാലത്തിന് ഉണക്കാന്‍ പറ്റാത്ത മുറിവുകളില്ല എന്ന് പറയുന്നത് പോലെ സോനവും രണ്‍ബീറും തമ്മിലുള്ള പിണക്കങ്ങളെല്ലാം പിന്നീട് അവസാനിച്ചു. തുടര്‍ന്ന് 2019 ല്‍ പുറത്തിറങ്ങിയ സഞ്ജു എന്ന ചിത്രത്തില്‍ ഇരുവരും ഒരുമിച്ച് അഭിനയിക്കുകയും ചെയ്തിരുന്നു. ഇപ്പോള്‍ വിവാഹിതരാണ് രണ്ടു പേരും. ആലിയ ഭട്ടിനെയാണ് രണ്‍ബീര്‍ വിവാഹം കഴിച്ചത്. സോനം ആനന്ദ് അഹൂജയെ വിവാഹം കഴിച്ചു. ഇപ്പോഴിതാ അമ്മയാകാനുള്ള തയ്യാറെടുപ്പിലാണ് സോനം കപൂര്‍. താരത്തിന്റെ പ്രെഗ്നന്‍സി ഫോട്ടോഷൂട്ട് കഴിഞ്ഞ ദിവസം വൈറലായിരുന്നു. ദീപികയും വിവാഹിതയായി. രണ്‍വീര്‍ സിംഗിനെയാണ് ദീപിക വിവാഹം കഴിച്ചത്.

സഞ്ജുവാണ് രണ്‍ബീറിന്റെ ഒടുവില്‍ പുറത്തിറങ്ങിയ സിനിമ. ചിത്രം വന്‍ വിജയമായിരുന്നു. ബ്രഹ്‌മാസ്ത്രയാണ് രണ്‍ബീറിന്റെ പുതിയ സിനിമ. ആലിയ ഭട്ടാണ് ചിത്രത്തിലെ നായിക. ഈ സിനിമയുടെ ചിത്രീകരണത്തിനിടെയായിരുന്നു ഇരുവരും പ്രണയത്തിലാകുന്നത്. രണ്‍ബീറും ആലിയയും ആദ്യമായി ഓണ്‍ സ്‌ക്രീനില്‍ ഒരുമിക്കുന്ന സിനിമയ്ക്കായി കാത്തിരിക്കുകയാണ് ആരാധകര്‍. എകെ വെഴ്‌സസ് എകെയിലാണ് സോനം കപൂര്‍ ഒടുവില്‍ അഭിനയിച്ചത്. ഇരുവരുടേയും അവസാന സിനിമ ഒരുമിച്ചാണ് ഇറങ്ങിയത്. പ്രസവ ശേഷം സോനവും വിവാഹ ശേഷം രണ്‍ബീറും മടങ്ങി വരുന്നതായി കാത്തിരിക്കുകയാണ് ആരാധകർ ഇപ്പോള്‍.